منو حملت بعد القيصري على طول ؟

[нάγoηά cнεмίsтяγ]

السلام عليكم حبيت اسوي موضوع للي حملو بعد القيصري على طول يعني بشهرين ثلاث او اربع

الولادة الثانيه شنو كانت طبيعي والا قيصري وليش؟

 

[البسمه العذبه]

هلا اختي الغاليه
انا حملت بعد 4 شهور والحمدالله ولدت طبيعي وسبب العمليه كان راس وليدي علي جنب اليمين موراضي ينزل بالحوض
وبعدها ولدت طبيعي الحمدالله يارب وكانت من اسهل ولاداتي لله الحمد والمنه حبيت افيدج وابيج تدعيلي حملت اخر مرتين مره سقطت ومره حمل خارج الرحم والحمدالله يارب ​

 

[attoosh]

انا توني والدة شهر ٦ وحملت شهر ١٠ بس الدكتور محذرني قالي اقل شي سنهبس قدر الله وحملت وقالولي احتمال اولد قيصري وعلىكل حال انا ما افضل الولاده الطبيعيه

 

[нάγoηά cнεмίsтяγ]

ياحياتي يالبسمة العذبة عورتي قلبي ماحب اسمع سوالف الاجهاض وخارج الرحم عسى الله يعوضج خير يا رب والصراحة ونستيني انج ولدتي عقبها طبيعي بسهاله يعني ما شب عليج جرح القيصري عادي؟

 

[нάγoηά cнεмίsтяγ]

الله يسهل عليج يا اتوش و تولدين بسهاله و الله يرزقج الولادة الطبيعيه جانج تبينها

انا سالت الدكتورة قالت اقل شي ٦ شهور عشان يلتام الجرح

بس حبيت اسالكم اذا وحده حملت اقل من ٦ وولدت طبيعي بدون ما يتاثر الجرح

 

[Loloki]

انا ولدت شهر 6 واخر دوره يتلي شهر 8 يعني شهرين

ههههههه الحمدالله ع كل حال بس تحسين بثقل بصراحه وتعبت وتشققات بطن تكثر بس انا ولادتي كله قيصري

لان فيني براغي بالظهر

 

[كتالونيه]

انا حملت بعد ولادتي بشهر ع طول
والحمدالله جبته طبيعي

 

[нάγoηά cнεмίsтяγ]

الحمدالله على سلامتكم ما قصرتووووووو

 

[Um Ritaj]

اشوا ريحتوني بنات

انا ولدت شهر ١٠ وحملت شهر ٨ وخايفه اولد قيصريه وادعي ليل ونهار ان الله يرزقني بالولاده الطبيعيه

بس الصراحه الحمل بعد القيصريه يعور بالظهر والجرح احسه يتمدد ويغزز ويعور

 

[اطياب طيبه.أم عبدالله]

انا هم وياج ودي اعرف

صارلي 10 شهور من ولدت قيصري وخايفه من الحمل

 

[Om_RaYomaH]

اقل شي سنة

وكل مازاد عدد ولاداتج زاد اختمال ان الجرح ياخذ وقت على ما يلتئم

والعملية تقعد تعورج اكثر

سبحان الله

يعني بين اول قيصرية والثانية عادي لانه الرحم للحين بيكون جداره قوي

بس بين الثاني والثالث يبي لج عالاقل سنة والافضل سنتين

بعد الثالثة تريحين عالاقل سنتين

وجدي ليمن توصلين لخامس قيصرية ذيج الساعه يبي لج ٣ سنين

وكل مازادت ولاداتج ترا لاااااازم تحاذرين اكثر علي الجرح بيكون اقل قدرة علي تحمل اي شد قوي او وزن اضافي
والله يعيين
يمكن خوفتكم بس هذي اهي مخاطرات القيصرية

واتمني افدتكم لاني انا بعد اولد قيصريات

 

[يرقه]

السلام عليكم أنا ولدت بنتي قيصري عشان فيني سكر حمل وقالولي لازم نولدج عشان البيبي مايزيد وزنه بس سبحان الله ماقدرت اولدها طبيعي المهم حملت بعد 5 شهور وطبعا كل مراجعاتي بالحكومه وبعدين قالولي عمليه عشان انتي اخر مره ولدتي قيصري وبعدين رحت للدكتوره عاليه الفضلي والحمد لله جبت طبيعي وماشاالله نفسها خفيفه وقعدت 3 سنين وحملت ونفس السالفه مراجعه عند الحكومي لانه صار عندي سكر دائم وقالولي نبي نولدج يعني تحاميل وبلاوي وانا اساسا طلوقي بارده والحكومه مايصبرون علي ورحت ثاني مره لعاليه وجبت طبيعي ولو احمل اخلي عاليه تولدني

 

[ايمانو حلوة]

وايد يحملون عقب البعين وقيصري بعد ويمكن بالاربعين بعد يعني حتى دورة ماتنزل عليهم طبعا غلط وموزين لا عالجرح ولا على الام البيبي بصحة وعافية بس الام تتعب وتتعذب جرح قديم ومو ملتام عدل اكيد بكون حملها متعب جدا

الله يرزقكم

 

[PuPa^^SWeeT]

انا ولدت شهر ستة


و حملت شهر خمسة السنة اليدييدة

هالحجي من 3 سنيين اسم الله



بس يبتهم قيصري


لأنه انا عندي مشكلة

 

[Loloki]

لا انا جرحي ملتام وقالي دكتور شسم دكتورتج الي ولدتج وحتى اول ما راجعت عنده قالي تنفسي تنفست وشاف

بسونار كليه قالي ماشاءالله كل شي زين يقصدون 6 شهور ترتاحين ويخلي يرد جسمج طبيعي مو علشان الجرح الجرح يلتام

بسرعه اذا حافظتي عليه يعني تنظفينه ونشفينه من هالسوالف

 

[нάγoηά cнεмίsтяγ]

ام ريتاج خرعتيني من الحمل بعد القيصري لان هذا اللي خايفه منه. ان الجرح يشب بالحمال . يمه الله يستر
يالله يارب تولدين بسهاله حبيبتي انتي وكل الحوامل

 

[нάγoηά cнεмίsтяγ]

ام. ريومه حبيبتي افدتيني ما قصرتي


بالنسبة للتنفس انا والله انشالله اتنفست عدل ما يندرى .. التزمت بهالاعشاب لهوم و سفوف حسو و جاي اعشاب بابونج زعتر

بس المشكله داشني هوى انا كنت ماتغطى. عدل هذي مشكلتي الوحيدة بالنفاس واحس يبيلي ترديد ما ترددت لازم والا شرايكم

صارلي 3 شهور من ولدت قيصري

 

[ام رهومي]

الله يكرمكم ويكرمني بالولاده الطبيعيه

وكل وحده تتمنى انها تولد طبيعي عسى الله لا يحرمنا من ها الفرحه

يااااااااارب ياكريم فرح قلوبنا بالولاده الطبيعيه ويفرح امهاتنا ويخليهم لنا

وسهل حملنا وولادتنا يا اكرم الاكرمين

يااااااااااااااااااااااااااااارب


قولوووووو اميييييييين

 

[أم ملاس]

شوفي حبيبتي يقولون احسن شي بعد 6 شهوور يكون فيه حمل لكن انا والحمد لله بعد ماطلعت حملت ببنتي وكنت نفسج احاتي محاتاه لكن ربج فرجهاوالحمد له وجبتها طبيعي بس دكتورتي هي طلبت مني علي بدايه التاسع تجرب معاي ولاده تقول ماابي البيبي يكبر لان ببنتي الاولي وزنها كبير توكلي علي الواحد الاحد ويبفرجها لج وعلي. فكره انا طبيعتي ولاداتي متعسره يعني يعني جبت الطبيعي وجبت العمليه مرتين وعسي ربي يتمم علي حمالي هذا لان بسوي قيصري
الله يهون عليج*

 

[قمري]

كل شي بيد الله


انا ولادتي الاولى فيصريه هالحجي قبل سنتين والحين انا بالتاسع وخايفه ابي طبيعي والدكتوره ماحددت لي للاسف قالت لي بحاول. فيج طبيعي