منو حست باكتئاب ما بعد الولاده ؟؟؟

[منـــاي]

السلام عليكم

خواتي العزيزات

فترة الحمل ما في اروع منها << اي خير انشاء الله لووووووول

المهم بعد الانتهاء منها توقعت اني بكون

اسعد انسانه على وجه الارض خاصة لما احضن طفلي بعد ما سكن احشائي

الي انصدمت منه شعوري بعد الولاده !!!!

في اول ليله دخلت فيها داري بعد ما طلعت من المستشفى

وبيدي طفلي و قفل الباب علينا و صار وقت النوم

سمعته يبجي هني ياني شعور غريييييييييييب

حسيت بالخوووف و الرعب حسيت انه حان وقت الجد

حسيت اني ضعيفه و بيدي مسؤوليه كبييييييييره حسيت بالاكتئاب

وظل هالشعور معاي 3 ايام كان لما طفلي يبجي ابجي معاه

كنت اكره وقت النوم ما احب انام بالدار بروحي مع البيبي

دورت بالنت بخصوص الاكتئاب ما بعد الولاده

وانصدمت انه شي طبيعي و يصيب كثير من النساء

وهو درجات في احيانا ناس يظل معاهم شهور و في ايام

واعتقد ان قرائتي للموضوع الاكتئاب ما بعد الولاده اهو الي سهل علي ولله الحمد

بعد هالثلاث ايام















صرنا ربع >> :friends:

اذا تضايقت من ابوه اشكي حق البيبي لووووووول

ما اقولكم اني مرتاحه تماما

لا انا للحين اقعد نص الليل و ابدله و اشربه بعدها بساعه اقعد مره ثانيه

لان البيبي مصاصته طاحت من حلجه و يبيني اردها :eh_s(16):

بنات بسالكم متى البيبي نومته تتعدل ؟يعني متى ينام بليل و يقعد الصبح صج تعبت

 

[جـــواهر]

عادي حبيبتي ترا كلنا نمر بهالشي

انا مريت بفتره والله والله ودي اذبحه لدرجة مره عطيته طراااق قعدت ابجي شهر من الاحساس بالذنب

كل هذا من الاكتئاب ..

بس كلها فتره وتعدي صدقيني اربع شهور ولا خمسه ويتعدل نومه ...

ولا قعد يناغي ويضحك راح تعلقين فيه اكثر

 

[أم حووور81]

اول شي الف مبروك .. اكيد انتي بجرية وهالشي يديد على حياتج من جذي ياج هالشعور ..

بالبداية زعلتيني بس بعدين استانست لما قلتي صرنا ربع ..

وعادي حبيبتي ان ااييج اكتئاب بعد الولادة وانا اتوقع ان راح اييني اكتئاب مثلج .. لاني وانا حامل ساعات احس باكتئاب فشلون لما اولد ..

تشوفينا معرس إن شالله أو عروس ..

 

[منـــاي]

جواهر

مو منج ترا انا قريت انه الوحده لما تولد بعد الولاده تكون كانها عايشه بدوامه

وكل متلخبط عليها وااااي اربع شهور وايد هئ هئ الله يعينا

 

[جـــواهر]

اي لانها حياة جديده ومولود جديد يحتاج كل اهتمامج ورعايتج

ماعليه والله تمر اربع شهور بغمضة عين .. واذا عندج خدامه ترا الامور شوي تتسهل عليج

انا لان فبجري ماجتني خدامه الا بعد 6 شهوور ....
ومن جتني ارتحت يعني اسهر مع البيبي بليل ولا جا الصبح حطيته عندها تنزل فيه تحت
ورحت نمت ريحت

 

["*آآآنؤؤؤقهـ*"]

الله يقدرنا على تربيتهم

وعسى الله يصلحهم لناا

عقب تعبنا وياهم

 

[twinsmam]

انا شقوووووول بجري يبت بنات توم كان التعب مو طبيعي و ما كان عندي خادمة لين صار عمرهم سنة و كنت اخر سنه بالجامعة الله لا يواريج حاشني اكتئاب لمدة سنة و نص و مسكين ريلي كنت كارهته مع اني ما تنسيت في كلش بس مادري اشصار عقب الولادة

 

[المـنـى]

انا

بس اتمنى وان شاء الله مامر بهذيج الحاله بحملي هذا

 

[نور الضوى]

انا بعد صار معاي نفس الشي فترة الاربعين من حزة النغرب ليييييييييييييين الليل معاي اكتئاااااااااااب مو طبيعي و الله كنت ابجي
و ما ودي الناس ينامون لو بيدي اخلي اهلي يسهرون طوووووووول اليوم محد ينام
و رد معاي الاكتئاب بعد ما طلعت من الاربعين و رحت شقتي و صرت بروحي محد يساعدني على البيبي
بس فتره و عدت

 

[_Pure_]

انا صار فيني مع اني كنت حييييييييييل فرحانه بالحمل و الولاده و كللللللل شي بس بعد الولاده سبحان الله صار شي مو طبيعي
لي درجه اقول ودي ارجع حامل لووول

كنت اتضايق و ابجي على اقل سبب و بدون سبب و بس يصير المغرب و احس الدنيا بدت تظلم يطبق الاكتئاب
بس فتره و يعدي على ما تطلعين من الاربعين الا كلشي اوكي ان شاءالله


واللي ممكن يساعد ان يكون عندج خدامه تنظف و يكون البيت دايما نظيف و ناس يساعدونج و يقعدون معاج و يسولفون معاج يعني لا تكونين بروحج


انا متوقعه هالمره الاكتئاب يكون اقوى من لمن كنت بجر

اذكر اختي لمن ولدت بنتها الثانيه كانت تكلمني بالتلفون و تبجي و هي بالنفاس


الله يعين كل الامهات

 

[_Pure_]

انا صار فيني مع اني كنت حييييييييييل فرحانه بالحمل و الولاده و كللللللل شي بس بعد الولاده سبحان الله صار شي مو طبيعي
لي درجه اقول ودي ارجع حامل لووول

كنت اتضايق و ابجي على اقل سبب و بدون سبب و بس يصير المغرب و احس الدنيا بدت تظلم يطبق الاكتئاب
بس فتره و يعدي على ما تطلعين من الاربعين الا كلشي اوكي ان شاءالله


واللي ممكن يساعد ان يكون عندج خدامه تنظف و يكون البيت دايما نظيف و ناس يساعدونج و يقعدون معاج و يسولفون معاج يعني لا تكونين بروحج


انا متوقعه هالمره الاكتئاب يكون اقوى من لمن كنت بجر

اذكر اختي لمن ولدت بنتها الثانيه كانت تكلمني بالتلفون و تبجي و هي بالنفاس


الله يعين كل الامهات

 

[بـشـرى]

اى والله مرت علي الله لا يوريكم كرهت حتى نفسى والبيبيه المسكينه .... واللحين تعالى شوفينا ... انا وهي على ابوووها على طووول

 

[مي الصغيره]

اختي الله يعينج كلنا مرينا بحالتج خصوصا البجر
ترا طبع الياهل هم يساعد يعني اذا اهو هادي يخف الحمل اشوي اما اذا مزعج يزيد عليج الهم
اذا في احد يساعدج يكون احسن عشان ترتاحين واذا ما عندج مالج الا تنظيم الوقت يعني بس ينام البيبي لو 6 المغرب نامي معاه او حزت المغرب لاعبي البيبي ليمه يدوخ
انشاء الله على 4 او 5 شهور يتحسن طبعه
انا ببجري تعذبت عذاب لان هم كان مريض وما كان ينام من الالم صج مأساة
كل من شاف حالتي قال الله يعينج
ومرت الايام والحمدلله
مالج الا القرآن والاستغفار والدعاء والله انشاء الله يفرجها