منو جرب ولادة دكتورة معصومة الرضي اللي بدار الشفا

[* شرطية *]

السلام عليكم
شلونكم بنات

منو جربت الولادة عند الدكتورة معصومة الرضي
شلون خياطها اهم شي عندي الخياط زين ولا خوارة

وصج يقولون اذا ولدتي في وقت غير زامها تاخذ زيادة 50

 

[lailalaila]

و الله ما عندي فكره بس حبيت ارفع الموضوع عشان البنات يفيدونج

 

[اميره كويتيه]

انا بعد ودي اعرف خالتي قالتلي انها زيينه بس مايندرى ماجربتها

 

[غلااااعمرى]

هلا حبيبتى انا ولدت عندها من ثلاث سنوات
اتجنن وتهبل من كنت مفتوحه 6 واقفه عندى ماخلتني ليييييييييين ولدت وتذكر الله واتسمي وهاديه
توكلي على الله والله يقومج بالسلامه انشالله
بالنسبه للخياط انا طلبت منها خياط تجميل يهبل مافي اي اثر كلش ومعاملتها حلوه حيييييييييييل وبالنسبه للزياده انا سمعت بس إذا يوم الجمعه تاخذ خمسين انتى اسأليها
وبالتوفيق حبيبتى

 

[miss_Ba6oOo6a]

ويييييييييييع وخري عنها انا توني والده عندها مكاااااااااااان غيرها طلبوو لي الفير وييييع لا معامله ونفسيه غصب يايبينها يوم دخلت فحصتني بعبايتهاااااااااا حتا مالها خلق تلبس الروب واتقوووووول ها تبوون قيصري ولا طبيعي وانا مفتوحه 5 سانتي ومااااااااااااااتعرف حق البنج ولدتني بدوووووووووووووووووووون كمااااااااااااااااااام وحسيت بكل شي حتا الخياااااط مو عارفه جم الجرعه تعطيني وماكانت قاريه الفاااايل وييييييييع شفت المووووت بعبني اللله ستر بس ومادري عن خياطها ليلحين انا بالاربعين

 

[فراولة حمرة]

والله ما ادري ان شاالله البنات يفيدونج

 

[* شرطية *]

مشكورين بنات
ابي بعد اشوف اراء لاني احترت زيادة وحدة تذم ووحدة تمدح

 

[double mom]

حبيبتي انا مو مجربة ولادتها بس ناوية اولد عندها هالمرة والسهالة من الله بس واايد ناس امدحوها وايد بعد ذموها لي
وانا باتوكل عل الله
بس اهية ص تاخذ خمسين زيادة اذا ولدتي مو بفترة دوامها
يعني اذا ولدتي الصبح من الاحد الى الخميس ماراح تاخذ زيادة عليج
والله يسهل عليج

 

[قطوه^برونزيه]

كل دكاتره دار الشفا اذا طلبتيهم مو زامهم ياخذون 50 دينار وعلى دكتوره معصومه رفيجتي ولدت عندها تمدحها وتمدح خياطها تقول مشاء الله صبوره وتسمي وتقرى عليج ونفسيتها حلوه وانا رحت معاها كذا مراجعه تينن

 

[الصحفية]

انا اول يااهل وفي بداياتي كنت اراجع عندها

والله اهي حبووبه واخلاقها عاليه وكل شي

بس للامانه احس ما تعطيج حقج وما تشرحلج بما فيه الكفايه يعني انا اول ياهل ما عرف شي حتى ما سمعتني نبضه اقولها وين النبض تقولي كا قاعد يتحرك ماله داعي سماعات

وعمرها ما قالت لي طوله او وزنه مادري انا حبيتها بس ما تشرح لج بضمير

فانا الحين عند نزهت بالسلام والله تبرد القلب من غير ما اسئلها تشرح لي كل شي

الله يسهل عليج

 

[اميره كويتيه]

اتصدقين صحفيه حتى انا اراجع عند دكتوره يوليانا اللي بالراشد ماتشرح ولا اتقول شي وانا توني اول بيبي ماعرف ولاشي ماتتحجى ابولا كلمه انا مابي اولد عندها بس لاني مالي خلق اروح اراجع مكان ابعد هذا اقرب بس الحين ابي ادرو دكتوره زينه الصراحه انا اخاف من هالسوالف عمليات وولاده وهالسوالف

 

[الصحفية]

اميره كويتية

حبيبتي اي احس على البجر لازم يبردوووون جبدج شوي لانج ما تدرين شي

اذا مو مرتاحه لهااا غيريهااا شوفي اكيد في بالرااشد واايد زينين

انا والله افتريت واايد رحت السلام ودار الشفا وشكلي اخر شي برسا هناك اليوم رفيجتي ولدت عن نزهت الي بالسلام وااايد تمدحهاااا

الله يسهل عليج حبووبه

 

[ام سحلي]

انا كنت ناوية اولد عندهاااااااااا بس الكل خرعني منها

انا بروح للدكتورة مي بنت عمي توهااا والدة عندها وتمدحهاااااااااااا حييييييل

 

[اميره كويتيه]

اميره كويتية

حبيبتي اي احس على البجر لازم يبردوووون جبدج شوي لانج ما تدرين شي

اذا مو مرتاحه لهااا غيريهااا شوفي اكيد في بالرااشد واايد زينين

انا والله افتريت واايد رحت السلام ودار الشفا وشكلي اخر شي برسا هناك اليوم رفيجتي ولدت عن نزهت الي بالسلام وااايد تمدحهاااا

الله يسهل عليج حبووبه

الله يسهل عالجميع انشالله حبيبتي وتسلمين عالرد انا انشالله بدور دكتوره زينه اتبرد الجبد
انا ابروحي اخاف من هالسوالف