منو جرب ام فيصل اللي بجابر العلي

[ثنايا الورد]

بنات من ردودكم تشجعوني اروح لها بقووووووة

بالرغم انها بعييييييييييييييييييييييدة وااايد علي

بس لجل عين تكرم مدينه وبحاول ارووح

لاني مابي ابدأ العلاج وعندي اي شي

مابي اقول يمكن من جذي ماصار حمل

ولا يمكن من جذي طاح الجنين

بصراحه ملينا من الاحباطات

الله المستعان

 

[رووح ابووها]

ثنايا من صجج انا بعيده عني حيل
خذيت بالطريق ساعه لين وصلت للمنطقه

ان شاءالله يكتب لنا الحمل على ايدها

 

[ثنايا الورد]

اي انا مو بالكويت يقلبي عرفتي

عشان هيك اقول بعيد علي وايد

فديتج بس

الواحد يتعلق بقشه وربي بس يبي يرتاح

 

[رووح ابووها]

ثنايا توكلي على الله وروحي لها
المره حدها شاطره وماشاءالله عالجت بنات وايد وحملوا من بعد الله على ايدها
وانا اعرف كم وحده مايحملون الا اذا راحوا لها واخذوا علاجها

والله يكتب الي فيه الخير

 

[ثنايا الورد]

اي ان شاء الله رايحه لها

بس تجيني الدورة الشهر الياي

ودعواتج يالغلا

 

[رووح ابووها]

الله يرزقج ان شاءالله عاجلا غير اجل ويفرح قلبج

 

[*غلاااي*]

انا رحت لها وكان فيني تكيس على المبيض اليسار بس
ماقلت لها شفيني بشوف تعرف ولا لا والله يابنات سيده
حطت ايدها على بطني ومرختني خامس يوم الدوره وقالت انتي
فيج تكيس عالمبيض اليسار اكلي هالعلاج والدوره الجايه بيطيح
وفعلا نزلت كتل مع الدوره والله والله يشهد على كلامي عقبها تاخرت علي
الدوره حسيت بااحباط حسبالي ردت تاخر قعدت يمكن اسبوع او عشر ايام ماجاتني
رحت حللت طلعت حاااامل والحين بنتي عمرها سنه

يعني علاجها خذا معاي شهر الحمدلله

 

[عــود كمــبودي]

بنات لازم موعد ولا عادي تستقبل بكل حزه ؟؟؟

ولازم تكون علي الدوره ولا لا

 

[رووح ابووها]

عود كمبودي
روحيلها ثالث ولا رابع يوم من الدوره
ويوم الجمعه والسبت -- مادري الخميس والجمعه ماتستقبل
انتي حاولي تروحينلها ايام الاسبوع
واهي موجوده العصر خليج الساعه 4 او 5 عندها

 

[رووح ابووها]

غلاااوي الله يخليلج بنوتج
ومشكوره على الافاده

 

[كويتية خجولة]

بصراحه انا رحتلها وقالتلي معاج هرمون حليب مررتفع والمبيض والبويضه فيهم شي وماراح تحملين وعطتني ادويه وتركتها 4شهور والحمدلله حملت والله يرزقج ياارب بدون ادوويه .

 

[عــود كمــبودي]

بنات



بكم ادويتها وتاخذ شي عالتمريخ ولا لا علشاااان احسب حسابي


؟؟؟

 

[رووح ابووها]

عوود حبيبتي على حسب أنا أخذت مني ٥٠ على التمريخ والادويه

 

[عــود كمــبودي]

يسلموووو روح ابووها


استغفر الله العظيم واتوب اليه

 

[MzOoOn 22]

التمريخ جنه ماتاخذ فلوس عليه !!!

 

[اليازيا2007]

يعني كم بنات تاخذ اول مره

 

[رووح ابووها]

اليازيا على حسب بس الغالب تاخذ ٥٠

 

[ạ7ạśêś ~]

بنات انا ملاحظه شغله كل لي يروح لها تقول لهم ( بويضتج ماتلقط )
نفسي قلت لي جذي واخذي الاعشاب جان اني مو كل يوم اكلهم بس بنجرب وبنشوف

 

[رووح ابووها]

احاسيس بالعكس انا ماقالتلي بويضاتج ماتلقط
ماشاءالله عرفت ان فيني هرمون حليب وتكيس بدون لا اقولها

 

[تراني مجنونته]

الله يرزقج و يرزقنا كلنا