منو جربت هالحبوب Dostinex Tab لارتفاع هرمون الحليب

[أم راشد المطيري]

السلام عليكم بنات انا متزوجة صارلي 3 شهور وما حملت ويوم سويت التحاليل طلع عندي هرمونا لحليب مرتفع شوية

هالدكتورة عطتني حبوب اسمها Dostinex Tab

منو جرب هالحبوب وبعد ما خذيتوها اشكتر قعدوا تاخذونها وحملتوا

بشروني جزلكم الله خير

وادعولي الله يرزقني الذرية الصالحة


اللهم لا تذرني فردا وانت خير الوارثين​

 

[نيبال الايمان]

ياعمرى اول شى يا عسى الله يرزقج ويفرح قلبج باللى يقر عينج ويفرح قلبج اللهم امين يارب


ياعمرى انا جربتهم وخواتى بعد وفى حريم وايد جربوهم

ان شاء الله باذن واحد احد بعد ما تاخذينهم لمدة شهر واذا مافى شى ثانى يمنع الحمل منج ولا من ريلج ان شاء الله بتحملين بعدها بشهر

انا عن نفسى خلال شهر نزل هرمون الحليب والحمد لله للحين تمام صج ما حملت بس عندى اسباب طبية ثانية لعدم الحمل
بس خواتى جربوها وبخلال شهر ما شاء الله احملوا ليشن بس مشكلتهم بهرمون الحليب

فيعنى ياعمرى لا تحاتين ولا شى ترى هرمون الحليب شغلة حيل بسيطة وعلاجعها سهل حيل ومفعوله اكيد باذن الله

ان شاء الله وباذن واحد احد الشهر الجاى تبشرينا بخبر حمالج اللهم امين يارب

وعسى الله يرزقج ويرزقنى ويرزق كل محروم ومحرومه منهم اللهم امين يارب

 

[غلاتي غلا]

هلا حبيبتي الله يرزقج الذريه الصالحه
انا جربتهم وخواتي كلهم والحمدالله من اول شهر استخدام مااااااااااااااااشفت الارتفاع هالهرمون
والفال لج انشالله

 

[رماديه]

انا استخدمتهم علطول ينزلون هرمون الحليب الله يرزقج حبيبتي.

 

[راحيل العبدلي]

اختي جربتهم ماشاء الله ان شاء الله ينزل الهرمون ع طول

 

[m.a.m154]

انا مجربتهم من اول شهر ينزل الهرمون بس لا تقطعينهم الا اذا حملتي لان هالهرمون بسرعه يرد يرتفع اذا نزل استمري على نص حبه بالاسبوع

 

[أم راشد المطيري]

تسلمون بنات بشرتوني وجزاكما لله خير

وعسى الله لا يحرمني من هالدعوات الحلوة ولكم بالمثل

ويارب يا نيبا الايمان الله يرزقج بالذرية الصالحة يااارب عاجلا غير اجلا

بنات انا الحين اخذ حبة بالاسبوع نص يوم الاربعاء ونص يوم الاحد

 

[q8nina]

حبيبتي على حسب انا مرت اخوي طلع فيها هرمون حليب اهم حبيتين صار وتكسرينهم صح وخذتهم وبعدها بشهر احملت مع انها طولت بالحمل سنه كامله ..

اما انا لى الحين 6 شهور متواصله اكلهم بالاسبوع مره لان طلع فيني هرمون حليب مزمن يعني على طول اكلهم حتى لو حملت الله كريم راح استمر فيهم ..
وانا متاخره عن الحمل 4 سنوات الحين ..

ادعولي ولكم بالمثل ان شالله

 

[برديـــس]

حبي انا هالشهر الهرمون مرتفع واااااااااااايد

عطاني الدكتور حبوب بارلوديل والحمدلله ماشيه عليهم

وترى الدوستينكس واااااااايد زينين

تمي عليهم والله يرزقنا يارب

 

[Mno0or]

حبيبتي الله يرزقنا يارب بالذريه الصالحه أنا الدكتو عطاني اياهم لان الهرمون مرتفع عندي وصارلي اسبوع استعملهم والله يسهل يارب بس انا التكيس اهو اللي ذابحني مت من التفكير :0bee2e8d89:..ادعولي الله يرزقكم يارب​