منو جربت مركز هب السعد والطاولات والكراسي الفندقيه "عاجل بليزز"

[حلوه ومملوحه]

السلام عليكم وحمه الله وبركاته


شلونكم ياابنات

انا حدي متوووهقه
عندي عزيمه يوم الاحد الجاي ومالقيت اى مكان يسوي لي بوفيه
كله محجووز
قررت ايب بعض الاطباق من عند وحده تسوي شغل بيت

لكن تورطت بطاولت البوفيه وطاولات المدوره والكراسي

لقيت مركز هب السعد بالوسيط
منو جربهم بس هل شغلهم زين ولا لا

بليزز اى وحده مجربتهم تفيدني شغلهم زين ومفارشهم ولا يفشلووووون


جزاكم الله خير

 

[Harmony]

مشاركة: منو جربت مركز هب السعد والطاولات والكراسي الفندقيه "عاجل بليزز"

ما جربتهم بس تري المفارش م كل شيء اذا شوي ظبطتيهم

 

[خبيرة اعشاب]

مشاركة: منو جربت مركز هب السعد والطاولات والكراسي الفندقيه "عاجل بليزز"

غريبه ما لقيتي احد يسوي لج بوفيه .....؟؟؟

انا توني مسويه قبل اسبوع تقريبا عند فينيسيا اللي بالشويخ ...سووا لي بوفيه فخخخخخم جداااااااا جدااااااا

حق 30 شخص و سووه لي ب 180 دينار

بس شنو شغلهم قمه قمه .....و مواعينهم كشخه و الطاولات و الزينه اتهبببل هذا غير عن الخدمه فندقيه

البوفيه معاه فلبينيتين يقدمون الشاي و القهوه و العصاير مع الكيك و الحلو و الموالح بس شغلهم ترى حده عجيب
و ممكن اتحصلين عندهم اررخص لانهم يسوون لج على الطلب و انا كنت طالبه بوفيه غربي ...فيصير اغلى
و ممكن اذا ما تبين الخدمه بعد ينقصون لج


و جان تبين شي رخيص و حلو عندج طيبات الخالديه مو الخالديه البوفيه عندهم هم بعد حلو و انا دايما اتعامل وياهم اذا في مناسبات عاديه ...يعني البوفيه الكامل ويا الخدمه و الشاي و القهوه و العصاير اب 80 دينار حق 25 شخص ...و اكلهم راهي و حتى العصاير اللي يجيبونهم ...يجيبون لج كميه كبيره اذكر مره بقى عندي عصاير بالثلاجه اسبوع كامل ...................

و في عندج الوطنيه بعد اب 130دينار حق ال30 شخص

بس نصيحه من عندي من الافضل انج تتعاملين ويا مطاعم معرووفه ترى الحريم يوهقونج

 

[Harmony]

مشاركة: منو جربت مركز هب السعد والطاولات والكراسي الفندقيه "عاجل بليزز"

و الله انا ام دانة دايما معها ما عمرها وهقتني بس عاد الباجى ما ادري عنهم

 

[شجووون]

مشاركة: منو جربت مركز هب السعد والطاولات والكراسي الفندقيه "عاجل بليزز"

هب السعد زين والله احنا كله نأخذ منه الكراسي الملبسه خام يعني تلبيسته نظيفه اما الطاولات ومفارشهم ماجربناهم

 

[supermarket]

مشاركة: منو جربت مركز هب السعد والطاولات والكراسي الفندقيه "عاجل بليزز"

بنات على طاري البوفيهات

من وين تسوون مفارش اذا عندكم طاولات للبوفيهات الصغيرة

عندي طاولات اللي تتسكر وودي اسويلهم مفارش مثل شركات البوفيهات

 

[زيـنـه]

مشاركة: منو جربت مركز هب السعد والطاولات والكراسي الفندقيه "عاجل بليزز"

سوبر ماركت .. خلي الخياط العادي او خياط التنجيد ياخذ مقاس طاولاتج و يخبرج شكثر تحتاجين قماش و اشتري الخام و يفصلون لج على الموديل اللي تبينه .

حلوه و مملوحه .. ما عندي فكره عن هب السعد بس ان شاء الله عدت عزيمتج على خير ؟