منو جربت فرن الكهرباء

[أغلى حبيبه]

بنات منو جربت فرن الكهرباء
واللي جربته اتسوي فيه كيك وفطاير ولا لا
ومن وين خذته
لاني رحت الغانم وقالي فرن الكهرباء مايسوب كيك ولا فطاير بس حق دياي لحم
سمج تسخين بس
واللي يعافيكم ابيه ضروري اللي عندها تقولي تفاصيل عنه

اي والة الدونت من وين

 

[xxx]

رد : منو جربت فرن الكهرباء

هلا اغلى حبيبة

رفيجتي طلع لها هديه من المعرض التركي الي بشويخ

تقول يهبل تسوي فيها فطاير وبيتزا

والي عندهم رخيص وزين

 

[أغلى حبيبه]

رد : منو جربت فرن الكهرباء

بنوته اللي بالغانم ماركة فلبس
يقول ماتسوي فطاير ولا كيك لانه مافيه مروحه تتفخ الكيك
باجر ساليها شنو ماركته ويسوي كيك ولالا

 

[xxx]

رد : منو جربت فرن الكهرباء

ماكو الا ماركه وحده بالتركي

وانشاءالله اسالها

 

[^SwEeTa^]

رد : منو جربت فرن الكهرباء

اااااااخ على فرن الكهرباااا .. يهبل يهبل

انا ببيت ابوي ما كنت استخدم الفرن العادي .. على طول فرن الكهربا .. و يضبط لج الشي ماشاء الله .. و لا يحرق الشي بسرعه مثل الفرن العادي .. سويت الفطاير و الكيك و اللحم و الدياي .. كله كله عادي و يطلع يهل ..

تصدقين .. اول ما تزوجت ما كنت اعرف حق الفرن العادي .. تعالي شبيه بالجبريت و لا الولاعه .. وااااي لاعت جبدي اول الايام .. هذاك بس عيريه و امشي .. بغيت اشتري كهربا .. بس ما عندي مكان حقه و لا جان ما قعدت على الفرن العادي .. مو متعوده على بهذلته ..

الصراحه انصح بفرن الكهربا و بشده ... مالج شغل بللي يقولج مو شي .. الا شي و شي بعد

توكلي على الله حبوبه و اخذيه

 

[xxx]

رد : منو جربت فرن الكهرباء

سويتا

شنو ماركته الي عند اهلج

ومن وين ماخذينه

وشكبره >>> تحقيق

 

[رفرف]

رد : منو جربت فرن الكهرباء

وانا ما استخدم الا فرن الكهربا ...
اخاف من الفرن العادي ...

صارلي سنتين ونص استخدمه بكل شي ... كلنا نفرين ماتسوى اشب الفرن العادي ويبق فيني لاسمح الله ...
سويت فيه : دياي - لحم - تسخين - معجنات - غريبه

وفرني ونسا وصغنطوطو على قدنا شوي اكبر من المايكرويف
....

 

[xxx]

رد : منو جربت فرن الكهرباء

رفرف

والله زين الفرن الي عندج ونسا وللحين شغال ماشاءالله

انا هالماركه طايحه من عيني مادري ليش لها سوابق

 

[^SwEeTa^]

رد : منو جربت فرن الكهرباء

بنت الكويت اخذي راحتج حبوبه سئلي

ماركته ما اذكرها بالضبط بس يمكن ناشونال !!

و ماخذيته اول ما سكنا البيت من الغانم و ماشاء الله ليلحين تمام

و مو صغير ولا كبير حيل .. يعني حجمه يأدي الغرض

 

[xxx]

رد : منو جربت فرن الكهرباء

مشكورة سويتا على الرد

 

[^SwEeTa^]

رد : منو جربت فرن الكهرباء

العفو بنت الكويت .. و اذا تبين شي لا يردج الا الكيبورد

 

[أغلى حبيبه]

رد : منو جربت فرن الكهرباء

وانا صارلي جم يوم ادور موضوعي اثاريه اهني

اقولج سويتا انا رحت الغانم مالقيت الا ونسا صغير
وفلبس شوي اكبر منه بس يقولي اللي يبيع هناك انه مايصلح حق الكيك
ولا الفطاير لانه مافيه مروحه الله يخليج شوفيلي ماركة الفرن اللي بيت اهلج


وبنات اله الدونت ماتدرون من وين

 

[^SwEeTa^]

رد : منو جربت فرن الكهرباء

جوريه حبيبتي ما ادري اذا الغانم فيه الحين و لا لأ .. لأن أهلي ماخذينه من زماااان من سنين

بس ان شاء الله اشوفلج الماركه

 

[nanosa78]

رد : منو جربت فرن الكهرباء

هلا حبوبه خوووش موضوع انا صار لي فتره ادور فرن كهربائي ناشونال احسن شي رحت اليوسفي قالو لي مقطوع عاد رحت ليوريكا واخذت فرن منهم ما ركة electro alsayer توني ما خذته ما جربت معجنات بس سويت فيه الكيك طلع زين وحجم الفرن حلو اتمنى اني اكون افدتكم

 

[سمي النور]

رد : منو جربت فرن الكهرباء

السلام عليكم ورحمة الله وبركاته..

بالعكس احسسسن شيء للكيك والفطاير فرن الكهربااء..

حتى المعكرونة و الصواني اسويها فيه.. كل شغلي تقريبا عليه..


اما العااادي نااااادرا ما استخدمه..


واللي عندي من حسن أبل ..

المطبخ بتجهيزاته كلها ماخذته من عندهم.. وما شا ءالله روووعه ..

 

[srabeel]

رد : منو جربت فرن الكهرباء

والله أنا أستعمل فرن الجوله عادى بس شريتلى فرن من المعرض التركى إسمه منى شف بس أستعمله حق المشاوى خبز البالثوم والربيان المشوى بس الخبز والمعجنات ما جربته

وبالنسبه إآلة الدونت شريتها من اغانم بس بصراحه ما إعجبتنى هبيت فيها أولب ما شريتها العام سويت مرتين أو ثلاث مرات وشلتها وحطيتها بالكرتون ونسيتها وما تذكرتها إلا الحين لما يبتى طاريها جان أتذكر إنى شاريتها بس تدرين شنو الزين فيها إذا رحتى شاليه أو شى تسوين حق اليهال أو يمعتكم وإنتى قاعده بس هذا الزين إلى عجبنى

 

[DooNy]

رد : منو جربت فرن الكهرباء

والله ماكو على فرن الكهربا أنا من جهزت مطبخي وأهو ليلحين شغال مشالله جنه يديد بس ترة الفرن الي تكون له فتحه بالمطبخ مو الي ينحط فوق الطاوله عرفتوووه؟

بس مشالله مميزاته روعه في ميزة المروحه وفي ميزة الحراره العادية (الفرن) وهم في ميزة الرطوبه

وماركتة ألمانية la Germinia
ماخذته من الوزان محلهم في المجمع الي بحولي الي فيه إلكترونيات الغانم جنه إسمه عوده المهنا ما أذكر والله

بس والله إذا سويت الكيك ولا الفطاير تنتفخ الكيكه تصير شحلاتها
وهم حق المشاوي والمكرونات شغل عدل






أغلى حبيبة آلة الدونتس تلقينها في مراكز العائلة الي بالجمعية شكثرهم مكودين تبين حجم الدونة العادي أو الميني

 

[أغلى حبيبه]

رد : منو جربت فرن الكهرباء

DooNy

مشكوره على المشاركه رحت لوازم العائله حق اله الدونت مالقيت

والفرن رحت الغانم يقول مايصلح حق الكيك ولا الفطاير لانه مافي مروحه

ان شاءالله باجر اروح حولي واحصل اللي قلتي عنه

 

[DooNy]

رد : منو جربت فرن الكهرباء

DooNy

مشكوره على المشاركه رحت لوازم العائله حق اله الدونت مالقيت

والفرن رحت الغانم يقول مايصلح حق الكيك ولا الفطاير لانه مافي مروحه

ان شاءالله باجر اروح حولي واحصل اللي قلتي عنه

العفو حبيبتي

شوفي لوازم العائلة الي بالفيحا انا شايفه عندهم
وبعد شفت في تروفاليو حاطين ركن للأجهزه الكهربائية هم كانت معروضه

 

[النبع الصافي]

أنا شاريه ونسا من الغانم شحلاته لونه رمادي وعليه كفاله مدري كم سنه

وأسوي عليه كيك وفطاير