منو جربت فرن الكهرباء

[دلوعةq8]

انا فرني من الغانم ماركة ونسا واسوي عليه البشاميل والفطاير المثلجه وعجيب ومرتاحه عليه

 

[ريماا]

انا فرنى بعد من الغانم ومايعقد يعنى من تشوفينة تفهمينا
ماركتة تونى قريتها اسمها انديست اهو ستيل وفى مروحة لتوزيع الحرارة وبسرعة تضبط فية الفطاير وكيك
ويحمر الجكن يعنى بتاع كلو

 

[ابلة^روضة]

انا من النااااااااااااس اللي لا يمكن استغني عن فرن الكهربا
كل اكلنا بالفرن همبرجر معجنات بيتزا لزانيا بشاميل حتى البطاط المقلي احط بالفرن ويصير ناشف شحلوه انا فرني صغير اصغر من الميكرويف بشوي بس شغل عدل صراحه واتوقع يصير اسوي في كيك بس انا ماجربت انا عندي مطبخ صغير وجولتي نظيفه ماطبخ فيها وايد كثر الفرن الفرن يومييييييييا وبس وخذيته رخيص يمكن 9 دنانير او 11 دينار من الغانم

 

[farawla_q80ia]

اله الدونات في كارفور تلاقينها

 

[احلى كويتيه]

وناسه شجعتوني اطبخ عندي الفرن الكهربائي بس برمضان اتشجع اسوي فيه الفطاير

 

[موزة ام فارس]

أحسن شي الفرن الكهربائي

ياما سويت فيه الفطاير والبيتزا والبشاميل

غير نص الليل مع السهر اشتهي شي اكله اقعد اسوي خرابيط بالتوست
واحطه بالفرن ويصير مثل البيتزا شغل عدل بو 7 دقايق وعلى ماتغسلين مواعينج
وتردين شغلج الثلاجه والا اهو خالص أكلج :ggdw:


بس حسافه فرني انكسرت جامته وماصلحته
وتكلفه الجامه قالوا لي بسعر فرن يديد وللحين ماشريت
ودي بواحد اشوي اكبر من اللي كان عندي اشوي
على الاقل اقدر اسوي فيه كيك ليوم الزواره مو حده حده بالماعون البايركس او التيفال الحجم الكبير
وبنفس الوقت ابيه رخيص وزين اقزر فيه بس وين الاقي واحد كبير !!

اللي تعرف الله يعافيكم تعلمني

 

[هجاين]

انا توني شاريه فرن كهربائ من الغانم ماركة فريجيدير بصراحه ارتحت عليه واسوي فيه الكيك والفطاير والبيتزا وصواني المسقعه والبشاميل وكل شي يطري على بالي وللعلم يابنات ترى اسرع من فرن الغاز وحجمه كبير ومن فوق فيه اربع عيون للطباخ

 

[SILVER ROSE]

انا طول عمري اسوي الكيكات بالكهربا

 

[nono78]

بنات

الفرن الكهربائي

في قياسين 60 و 90

الي مرتفع

حيرانه احط كهرب ولا غاز ؟؟ بس نفس الشكل اثنينيتهم


بس شجعتوني حيل عالكهربا

وبحط الجوله الي من غير فرن شرايكم ؟؟؟؟

 

[موزة ام فارس]

وبحط الجوله الي من غير فرن شرايكم ؟؟؟؟

والله ياقلبي انا لو مكانج احط لي جولة بدون الفرن واخذ لي فرن كهربائي وانا مغمضة

اول شي الكهربائي احسن ومايخوف مثل الغاز ومخاطره
تسوين فيه اللي تبين حتى لو شغل بو 3 دقايق تسخين او تحميص ماتتعيزين عليه لأن سهل
ومنها بعد توفرين قيمة الجولة ام فرن " من حبنا لها نوفر لها " _03BA:

ههههه لا جد والله الكهربائي وااايد احسن من الغار

تدرين مره سويت نفيش فيه حطيته وقصرت على حرارته
ورحت صليت المغرب ورجعت والا منتفخ القصدير ومستوي :ggdw:

 

[nono78]

بعد قلبي ام فارس

خلاص شورج وهداية الله

 

[ام وهابي]

افضل الماركات افران الكهربا الايطاليه مثل جليم غاز وتلقونه عند شركه الاتحاد وفيه احجام 60 و90
وسعره على حسب عدد الوضايف فيه يعني ابو 4 وظايف يكون سعره 160 و9 وظايف يكون سعره 200
وفرن الكهربا هذا يختلف عن فرن التسخين وهذا موجود عند الغانم وضيفته نفس الميكروويف يعني تسخين بس
وفيه ماركه ثانيه اسمها سموزي بعد ايطاليه وانفو موجودين عند علي الغانم ونفس مواصفات جليم غاز بس الانفو له ميزه حلوه انه اذا سخن لدرجه عاليه الجامه الخارجيه تكون بنفس حرارة الغرفه بارده يغني حلو حق اللي عندهم يهال ما يحرق ايديهم
وفرن الكهربا نفس فرن الغاز العادي تقدرين اتسوين فيه كل شي بس ميزته اللي تختلف عن الغاز اهو المروحه
توزع الحراره بالفرن ومثاليه حق طبخ الحلويات والكيك والفطاير
وهذا للافاده وانا خبيره بالهسوالف واي سوال انا حاضره

 

[neena]

انا جربت الغاز والكهربا واكيد الكهربا واااااااااااااااااااااااااااااايد احسن
الصراحه الحين توني مسويه مطبخ جديد حطيت فرن كهربا وايد مريح استخدامه حق كل شي
شريته من الاتحاد