منو جربت فحص الـ ImuPro300 ؟؟ اتفيــدنـــا..

[بسمة الروح]

السلام عليـــكم

شلونكـــم بنـــاااات شخبـــاركم




اليـــوم وانا اتصفح مجلة سمــــرة ولا اقرى هالاعلان

تحليـــل او فحص ImuPro300

الي يحدد شنو الشي الاكل اللي مايتوافق مع جسمج

هذي صورة الاعلان ان شاءالله يكون واضح








واللي مجربه او عندهاا معلومااات عنه اتفيدنـــــــا جـــــزاه الله خيـــــــر



دمتـــــــم بــــــود :eh_s(8):

 

[نووووونا]

الغاليه بسمة الروح انا جربته ومن نفس المختبر وياتنى البيت

انا عبالى اهو عشان الاكل ايللى يمتن قلت خل اسويه بس اهو طلع

عشان الاكل ايللى يسبب اكثر شى مشاكل مثل عسر الهضم والحساسيه

وما يناسب الجسم اهما قالوا لى يستغرق 15 يوم عالنتيجه بس

اخذ اكثر من 20 يوم

 

[*دبدوووبه*]

انا كل تحاليلي في هالمختبر

وكل مره اقول بسويه بس اخاف

نجد حبيبتي جم خذوا منج ؟

دكتوري قال ان هالتحليل زين
لان يساعدنا شوي في العلاج
وخصوصا ان انا
واااااايد فيني حساسيه من وااااااايد اشياااء

وياليت بعد البناااات يفيدوونااا

 

[بسمة الروح]

الغاليه بسمة الروح انا جربته ومن نفس المختبر وياتنى البيت

انا عبالى اهو عشان الاكل ايللى يمتن قلت خل اسويه بس اهو طلع

عشان الاكل ايللى يسبب اكثر شى مشاكل مثل عسر الهضم والحساسيه

وما يناسب الجسم اهما قالوا لى يستغرق 15 يوم عالنتيجه بس

اخذ اكثر من 20 يوم

هلا بـ نجــد

يعني مو على شان الاكل اللي يمتن لانه كاتبين بالاعلان جذي؟؟

وبجم سويتيه؟؟


مشكوووورة على المـــرور والرد الطيــب

 

[نووووونا]

اهلين يا بنات انا اسفه طولت بالرد بس من زمان ما دشيت

كلفنى 150 دينار بس قالوا اذا اكثر من شخص ب 135 دينار

والنتيجه يعطونك ملف كامل عن كل انواع الطعام ايللى ما تناسب جسمك

ومقسمينهم درجات يعنى 1 ما يناسب جسمك هالنوع من الاكل

2 و3 اكثر (( سوءا )) ومحددين شنو انواع الطعام والبهارات الضاره لك

بالتفصيل بس اذا الدكتور ناصحك سويه @@

وانا جاهزه للاسئله يا حلوين

 

[*دبدوووبه*]

مشكووووره نجد والله

بصراحه انا ودي اسويه
بس قلت خل تتعدل صحتي شويه
على الشهر اليااي او اللي بعده
اسويه ان شاء الله
مشكووووره حبيبتي


بس بغيت اسألج
اللي سحبلج الدم؟
الدكتور المصري؟
ولا الهندي ؟