منو جربت رجيم دشتي ولما هدته مازاد وزنها

[شوكلاتة سويسرية]

انا جربته ثلاث شهور بس بشكل متقطع مو مرة وحده
وسببلي هبوط بسكر لمدة طويلة والنقرس بعد
اول مااتركة كان يزيدني من كيلو لكيلو ونص
واليوم سمعت الدكتور اوز بالام بي سي 4 يقول ان الريجيم القليل الكربوهيدرات مضر اذا استمر لفتره طويلة
لكن اذا فتره قصيرة مو مشكلة

 

[شوكلاتة سويسرية]

للامانة مافيه ريجيم يضعف الفخوذ بسرعه الا هو
ينحت الجسم عدل ويغير بالمقاسات بسرعه
اسرع من السعرات والخرابيط يالله 10 كيلو عشان تبين عليج باللبس
دشتي يبين باللبس اسرع من الميزان
شوفي رغم الامراض اللي سببها لي الا اني احبه ولو كنت اقدر اسويه بعد مااولد كان ماترددت لكن المشكلة صار يسبب لي نقرس من اول يوم وماقدر امشي كان جتني عين عليه لاني امشي واقول ريجيمي واشرحه لكل الناس اللي بيسوون واللي مايسوون
وكنل يقول ارداتج قوية وشلون تحمليتيه وهذا صعب ومن هالكلام
وهذا غلط استفيدي منة مالة داعي كل الناس يدرون انتي وش تسوين نظام بالضبط ترى الناس اردتهم ضعيفه ويبون ياكلون وينضلون اي احد عنده ارداه.

 

[ام احلى خلودى]

اختى وبنت خالتى مجربينه وضعفو حيل عليه بس للاسف من هدوه رجعو امتنو دبلات ... ماانصحج فيه وااايد متعب على الفاضى

 

[ms.mercedes]

حبيبتي انا جربته صاجين البنات ينحت الجسم بشكل عجييب وبمده قصيره ولا رجيم نحتلي خصري مثله ومن عقب ما هديته زدت بس مو ذاكره جم بس هم مو وايد يعني انشالله برجع اسويه بس عن الحلال والحرام الدكاتره وايد يحذرون منه وخصوصا يقولج مضاره على الكلى بس صراحه ما رتحت على رجيم غيره احس اني اطلع وارد وما خذه راحتي بس بالرجيمات الثانيه عذاااب الايام ما تمر والنفسيه زفت تصير انت اذا بسوينه كثر ما تقدرين قللي لحوم وجابلي اسماك

 

[chnoof11]

هلا حبيبتي انا جربته وايد حلووووووووووو نزلت في اسبوعين 7كيلو وصارلي 3اشهر هادته مارجع وزني ابدا ولا تخافين مافي اي مضار واذا تبين تتاكدين شوفي مقابلات الدكتور الي علي اليوتيوب وانتي بتقتنعين واذا حبيتي تجربينه انا من بكره برجع اسويه ممكن نبداء مع بعض

 

[شوكلاتة سويسرية]

عيب دشتي وميزته بنفس الوقت ان اذا جربتيه خلاص ماعاد تقدرين تجربين غيره
اي ريجيم ثاني تجربينه يوم وتهدينه ماتقدرين
هذا دلع اكل من غير كمية وباي وقت
ومقالي وكريما وحركات

 

[yasmeen_q8]

انا جربته عجييييب عجيييب باسبوعين 7 كيلوات بس عقب هالاسبوعين طحت يومين بالمستشفى عوار مو طبيعي فبطني وبالاخص صوب كليتي وشكو ان فيني شي بس من وقفته بدى يخف العوار وضاق خلقي اني ما قدرت اكمل تميت سنتين ما متن جسمي ولا تغير عقب تغير ورديت متنت يوم سافرت تايلاند من كثر الفواكه 24 ساعه اكل فواكه

ويوم رديت كل يوم اروح انا ورفيجاتي مطعم نتغدا بين المحاضرات
فمتنت وعقب حملت والحين اااافه

 

[seetaa1]

يله chnoof11 نبدا انا ببد ا الجمعة بأذن الله والي معزم يكتب اسمه ونسوي قروب لنفسنا ...