منو جربت الولاده في لندن (بريطانيا) ضرووري

[لطووووفه]

السلام عليكم بنات
انا حامل وراح اضطر اني اولد بلندن
وحييل خايفه وضايعه لان اشوف اسعار المستشفيات
هناك نااار .. اللي جربت مستشفياتهم تفيدني يزاها الله خير
يقولون المستشفيات الحكوميه هناك مو شي ?

 

[M!SS.LOBY]

الله يسهل عليج

 

[مذهلة2013]

والله ماعندي علم حبيبتي
ربي يسهل عليج

اب
اب

 

[لطووووفه]

مشكورين حبايبي

انا بروح هناك علاج حق ولدي فمضطره اولد هناك
الله يسهل

 

[امـ خــزامـى]

ياقلبي انت ربي يسر امرك ويريح بالك

ويشفي ولدك ويخليه لك وتشوفينه معرس

 

[درة التاج]

فوضي أمرك لله وروحي
استخيري واطلبي من الله يكتب لك المكان الزين
مستشفيات لندن الحكومية ممتااااااااااازة ورعاية وعناية
اعرف وحدة والدة هناك وتمدح فيهم مع انه مستشفى حكومي
انتي المطلوب منك انك تعرفين شوي انجليزي عشان تعرفين تتفاهمين معاهم أثناء الولادة
افتحي لك ملف بأقرب مستشفى حكومي
قبل لا تسافرين خلي معاك نسخة من عقد الزواج صورة جوازك صورة جواز زوجك
اذا انتي هنئ مسوية تحاليل وسونارات اخذيهم معاك
اذا انتي معاك حساسية من شي معين لازم تعطينهم خبر
الكمام موجود وإبرة الظهر موجودة
حبيبتي لا تحاتين اذا انتي اتكلتي علا الله خلاص خليك واثقة مليون بالمئة انه كاتب لك خير

 

[درة التاج]

اول ما تولدين راسلني السفارة الكويتية هناك عشان يجهزون أوراق الطفل
متا ما تبين تردين الكويت ان شاء الله راسليهم خل يعطونك وثيقة سفر للطفل
تقبلي مروري

 

[M!SS.LOBY]

الله يكون بعونج

 

[Model Look]

انا ولدت بجري هناك وبمستشفى حكومي

هناك ينطرون عليج ليييين تييج طلوق طبيعيه ويفتح الرحم

بالنسبه لي تعذبت بالطلق ونزل الماي بس مادششوني الولاده الا وانا مفتوحه 6 سم وبعدها عطوني ابره ظهر وارتحت

عنايه واهتمام مو طبيعي بس مشكله ماكو دلع نفس الكويت انسي الدلع يعني الياهل ينقط عليج والاكل انتي تروحين تييبينه لج

واذا راح عليج وقت الغدا ولا العشا ينشال خصوصا مره كنت ارضع ولدي ساعه على ماشبع ورحت الغدا ولا مشيول اضطريت اكل توست ومربى

بس بشكل عام حلوه عنايتهم للام والطفل

 

[الـكـاديـي]

والله ما عندي خبر عنهم

 

[لطووووفه]

مشكورين بنات كلكم يعطيكم العافيه
الله يسهل الامور والله انكم حيل فدتوني

 

[@أم يوســـف@]

الله يسهل عليج وتولدين بالسلامه

 

[مريوم الامورة]

الله يسهل عليج وتولدين بالسلامه

 

[M!SS.LOBY]

تولدين بالسلامة

 

[لطووووفه]

الله يسلمكم حبيباتي ويسمع منكم يارب

 

[ملح الكون]

الله يهون عليج ويششافي لج ولدج وتشوفينه معرس ..

 

[pinkigigi]

الله يهون عليج يارب

 

[Orangiya]

ولدت اثنين من عيالي هناك بجري والثاني بمستشفى حكومي بس ببلاش كل مراجعاتي وولادتي و سونار وفحوصات وبعد الولادة مراجعات البيبي والتطعيمات كل شي ببلاش لاني مرافقة زوجي كان يدرس

العناية والاهتمام من اروع ما يكون والنفسية والاخلاق افضل بمليون مرة من مستشفيات الكويت ..

هناك اهم ما عندهم ان كل شي يكون طبيعي الى اخر لحظة ما يساعدون الا اذا شافوا حالة مستعصية تحتاج شق وخياط او قيصري وغيره.

ولدت مرتين طبيعي بالكاااامل بدون شق ولا خياط ولا ابرة ظهر وبعد الولادة بنص ساعة انا قايمة بعافيتي مافيني شي ..

اهتمامهم بالبيبي روووعة بعد الولادة كل يوم او يومين اييون البيت ياخذون فحوصاته ومراجعاته طول وزن يسجلون اول باول ادق التفاصيل في الدفتر الصحي الاحمر .. بعدها زيارة مرة بالاسبوع او اكثر ..

فترة مراجعات الحمل ووقت الولادة ما يخلون المرا ضايعة ماتدري الله وين قاطها .. يشرحون لج كل شي بادق التفاصيل وهذا اهم شي عندي احب اكون بالصورة وافهم شنو يصير معاي ..

ولدت الثالث بالكويت بعد ما رجعنا واستقرينا وتجربتي لوعة وكرهت ولادة الكويت ومستشفيات الكويت وجان زين لو ارجع واولد هناك اذا بحمل بعد !

سوري طولت عليج بس لا تحاتين ولادة بريطانيا من اروع ما تكون وذكرى حلوة بتكون لج اكيد .. والله يسهل عليج ويتمم عليج وتقومين بسلامتج انتي والبيبي يارب ..

 

[الشيخه فطامي]

الله يسهل عليج او علينا ياارب

 

[لطووووفه]

مشكورين كلكم بنات ماتدروون شكثر طمنتوني
الله يسهل يارب