منو جربت الغربه عطوني رايكم

[Fashion way]

حبيايب انا ريلي بيروح بعثه لامريكا وشايله هم الغربه وبعدي عن اهلي ومدارس عيالي وليعافيكم عطونا تجاربكم وشلون تاقلمتوا مع الوضع والاهم شلون صبرتوا من غير خدم

 

[sun light]

شوفي انا جربتها بس الي ساعدني تعرفت على كويتين عوضوني عن الاهل بنسبه للشغل شقه صغير كنت انظم وقتي والغسيل غساله اوتومتك تغسل وتشطف وتنشف بس اشرهم استغلي وقتك بالدراسه والنت مع كويتيات يبي بضاعه عرضي عن طريق النت والله يوفقك ويرزقك بالصحبه الزينه ويصبرك على الغربه

 

[Maneena Manaana]

حبووبة.. شوفي هالموضوع..أغلب البنات اللي فيه بأمريكا.. ان شاء الله ايفيدونج

http://www.q8yat.net/showthread.php?t=44894

وبالنسبة للغربة.. انا هذي السنه ال 5 مادري ال 6 والحمدلله ماشي حالنا...

بالنسبة للتنظيف ههههههههه راح اتعودين على شغل البيت واذا تبين يبييلج وحدة اتنظف بالاسبوع مرة او بالشهر مرة..احنا يوم كنا في بيت كنت اسوي هالحركة بس من بعد التعب اللي شفته بالبيوت...قررت نقعد بشقة على قدنا.. أريح وأسهل للتنظيف

بالنسبة لعياالج ومداارسهم.. شيلي هالهم من بااالج...اليهال بسرعة يتأقلمون بالمكان الي اهم فيه..والمدارس اهني سنعة من جميع النواحي..
وبالنسبة للعربي والدين.. اخذي كتبهم ودرسيهم , وشوفي بالمنطقة اللي فيها يمكن في ناس تعطي دروس عربي ودين

وبالنسبة للأهل اللي بالكويت... الله يعافي المسنجر والتلفونات

واستااانسي بغربتج

انا يارتكم ( جارتكم) في كندا

 

[irresistible]

و الله انتي و شخصيتج بس ربج كريم التساهيل من عندة كانا بامريكا و عايشين كل مكان في مميزات و في عيوب احنا عندنا قسم المغتربات مقزرينها سوالف

 

[ms_royality]

أنـــا حالـــيا مغتربـــــه و الحمد الله تأقلمت ... أهم شي ثقي بنفسج و تحدي نفسج و قـــــولي دايمــــا راح أقدر مـــاني أول و لا اخر وحده .... و مثـــل مـا قالوا البنات الله يعافي النت و التلفون وحتى التلفزيــــــــــــون ..
و المدارس سهلـــــه لا تحاتينها ربج بيسهل ..

 

[سنا الفضه]

اعتبريها نقاهه عن الديره ومجاملاتها ومشاكلها

بالعكس فرصه حلوة تكونين قريبه جدا من زوجج وعيالج

حتى شخصيتج وطبيعتج تتغير وتحسين انج فعلا نضجتي وانتي قد المسئوليه

انا حاليا مع زوجي بمصر وكان مشوارنا االأولي لاستراليا

وهم كنت مأقلمه نفسي عليه ولمن ييت مصر هم اقلمت نفسي على هالوضع

مو لصالحي انا ويااه ولعيالي باجر ربي يكرمنا بشهاده ترفع راسنا كلنا

خلاص اتحمل وداام اني ادري انه بيكمل من اول ماطق بابي وخطبني ملزومه اتحمل وهالشي ابداا مو صعب مثل ماانتي متخيله

ماني قاصه عليج وقايله لج لا سهل ووناااسه وعاادي

لكن بكون واقعيه ويااج اكثر

اولها بتتعبين نفسيا كلما تذكرتي اهلج ويمعاتهم وان دقيتي وسمعتيهم...ومناسباتهم بتطوووفج

بس عقبها لا بيمووت قلبج وبسرعه تلهييين

اصلا الوقت يطيررر مثل الفشقه

بسرعه مااتحسين الا الوقت طاااااااااااااااااااااااير مامداج تنجزين شي

توكلي على الله واعتبريها مثل ماقلت لج خلووه مع ريلج وعيالج وفرصه يديده تجربين خبره بالحيااه وتصقلينها

صدقيني على جميع المقااييس انتي الربحاانه

الله يوفقج ويسهل لكم اموركم

 

[جنتي^و^ناري]

انا بعد ودي أكمل بس أحاتي عيالي وااااااايد

هل الحرية راح إتأثر عليهم ؟ بنتي بصير عمرها 10 سنين ومتحجبه واخاف الدول الغربية اكون تأثيرها سيء عليها اشلون؟

 

[@بنت البدو@]

-----

 

[دمـوع الشـموع]

هلا عزيزيتي
السفر والغربه فرصه للتجديد والاعتماد على النفس وحلو انك تغيرين نمط حياتك
هناك العيشه ابدا مو صعبه بالذات لوو كنتي في ولايه فيها عرب كثير يدرسون راح تتعرفين عليهم ويكونون لك اكثر من الاهل
بالنسبه لشغل البيت بالعكس راح يقضي وقتك وراح تحسين براحه بدون خدامه وحياتك بتكون غير من دونها وهناك البيوت صغيره يعني مافي شغل يسوى اذا رتبيتي امورك
استغلي الوقت في الدراسه واولادك سجليهم في مدارس وحضانه او ممكن تجيبين لك وحده تدرسك في البيت انا اعرف وحده كذا
وبالنسبه للحجاب ابدا مو مشكله هناك اذا كنتي تلبسن الملون مافي مشله اصلن مايطالعونك هناك
هو االاسود ممكن يجذب الانظار لكن الملون ابدا انا جربت البسه هناك عادي جدا ومافي احد طالعني
وتواصلك مع اهلك الله يخلي النت والماسنجر تتواصلن معهم 24 ساعه وصوت وصوره غير الموبايل الحمدالله على كل حال
بتتعبين في البدايه وبتتعب نفسيتك وبعدها بتتأقلمين وتتعودين على الوضع
اهم شي كوني دافع لزوجك انه يكمل دراسته
وانتي

 

[ام الشيخه]

زوجج بيروح بعثه عن طريق الجامعه ؟

 

[كندية]

انا بعد ودي أكمل بس أحاتي عيالي وااااااايد

هل الحرية راح إتأثر عليهم ؟ بنتي بصير عمرها 10 سنين ومتحجبه واخاف الدول الغربية اكون تأثيرها سيء عليها اشلون؟

لالالالا حبيبتي بالعكس انا لما تغربت كنت متحجبه وكان الحجاب توه مو معرووف...واختي الصغيره تحجبت في كندااا والحمدالله بالعكس الحياااة حييل سهله....

 

[rawona]

انا جربت الغربه ..

اهي لها حلاوتها ولها مرها .. بس الحمدلله تكيفنا وانا متزوجه اصغيره وكنا انا وريلي طلبه اثنينا ندرس وفوق هذا كنت زوجه وام وطالبه يعني ملتي سيستم لول ربج سهلها الحمدلله

واذا على الشغل اهناك ترى غير الكويت شقه اصغيره انتي ترتبينها وتسنعينها على ايدج وموذاك الشغل كل شي اوتوماتك الغساله النشافه وغسالة الصحون ..

الترتيب يومي والغسيل مره بالاسبوع او مرتين وتنظيف الحمامات مو نفس اهني تكبب مايات وعفسه كله سوالف منظفات ومش ..

وموفقه انشالله ​

 

[o_mermaid_o]

انا ريلي يدرس هناك وهذي اول سنه قعدت 4 اشهر لما ولدت وتوني راده الكويت بس ملل وضقت خلق ولايتنا مافيها كويتين انا بانديانا بس الي صبرني امي كانت معاي