منو جربت الزنجبيل مع الرجيم يفيد ؟؟ شسوي ؟؟ وشلون الطريقة فيدوونااا نبي نضعف

[اخت خالتهم]

السلام عليكم ورحمه الله وبركاته


شلونكم بنااات


انا سمعت عن الزنجبيل ان مفيد للرجيم

بس شلون ؟؟

يعني شسوي ؟؟

و جم كوب باليوم احسن وشلون الطريقة ؟؟


لان ما اعرف اذا بس نفوح الزنجبيل
والا نحط معاه شي
وناخذه الصبح والا بليل


وقواكم الله​

 

[اخت خالتهم]

للرفع

 

[(عروسة حبيبي)]

حبيبتي حطي بمطاره
زنجبيل
شاي أخضر
دارسين
ليمونه
ونقعيهم 10 دقايق وشربيهم وإدعيلي

 

[فجر_الكويت]

رد : منو جربت الزنجبيل مع الرجيم يفيد ؟؟ شسوي ؟؟ وشلون الطريقة فيدوونااا نبي نضعف

السلام عليكم
والله الصراحه الزنجبيل شي روعه فوق ما تتصورين انا انصحج تخلطينه مع الشاي الاخضر وتفورينه بماي حار وبعدها اتضيفين تعصرين عليه ليمونه كامله

والأهم انج اتحسين بحرارة الزنجبيل عشان يبين المفعول وياج

واتمنى اكون فدتج ومشكوووووره

 

[أميرة الاندلس]

بصراحه الزنجبيل رووعه للنحف ويبيض حيييييييييييييييييييييل ويعدل البشررة انا جربته مع شاي اخضر ونعناع وشوي ليمون طعمه وااااااااااااااو اشربه بعد كل وجبة
واللحين ما استغني عنه ابدأأأأأ

 

[*يارا*]

أنا توني باديه فيه من 5 أيام بس - طبعا أي شي إذا كثرت منه يضر

انصحج تشربينه بعد وجبه الغداء بنص ساعة خاصه إذا بتطحين معاه شاي أخضر لأن فيه كافيين يكسر الحديد

أنا أحطه بس مع زعفران - أحط الزنجبيل والزعفران بالمطارة و أصب عليه ماي حار

أنطر عشر دقايق وأشرب كوب كبير

تحسين جنج شافطه معدتج وبعد ساعه تحسين إنج يوعانه حيييل أنا أكل بعده تفاحه خضرا وايد زينه حق المعدة وتسد اليوع

بالتوفييق

 

[Lulu_Perla]

انا ابشره و احطع في مطارة مع اعشاب للريجيم.. و اذا خلصوا الاعشاب احط بدالهم جاي اخضر و نعناع و شرايح ليمون
صبي فوقهم ماي حار و خليهم يتنقعون
15- 30 دقيقة

و شربيهم عقب الغدا و عقب العشا
و ساعات انا اشرب منهم 3-4 مرات باليوم

بس ما استمريت عليهم من بدى الدوام

 

[ملــحْ !]

رد : منو جربت الزنجبيل مع الرجيم يفيد ؟؟ شسوي ؟؟ وشلون الطريقة فيدوونااا نبي نضعف

غيييييييييييييييييييييييييير

آنج تشربينه آذآ رديتي من الجآمعه تسبحي و

> حطي ع جسمممممممج لو تسووووين ريآآضه آحسن



طريقته زنجبيله ههههههه كامله وقلاص زيت زيتووون آول مآ يبدآ يفوووور قصري ع النآآر حيييييييييييييل
لمده خمس دقآآيق بعدين طفييييييييييه
> مجربتهآ تييييييييييين وبيبلج تجآرب البنآت من قوووقل

دعوآآتج آضعف


|

 

[Grass]

انا اشربه يوميا من 5 سنوات مع الشاي الاخضر والمراميه .... اييب الزنجبيل طازج والمراميه والشاي الاخضر الورق مو التي باق

وأغلي لمدة 5دقايق طبعا كميه تكفي لأسبوع وكل يوم اسخن لي شويه واشربها قبل النوم .... الحمدلله يحرق كل الدهون اللي كليتيها بيومج ... وخصري مثل الخاتم ماشالله ولا تغيير من 5سنوات ... وابشرج عمري 38 هههههه ووزني ماتغير 54 كيلو ...مااااشالله

 

[اخت خالتهم]

ما شاااءالله تبااارك الرحمن

يعني زنجبيل و ليمون احسن شي و كوب واحد قبل النوم و بعد الغدااا
وان شاءالله يفيدني

انا يبيلي على الوزن المثالي 6 كيلو
وانا امنيتي انزل 10 كيلو

واشتركت بدايت كير بس اخاف ما ينزلني واايد عشان جذي فكرت فيـه


قواكم الله بنااات

بعد نبي تجاااااارب عشان غيري يستفيد ويتشجـــععع

 

[om MaRyooM]

هلا حبوبة

انا جربت الزنجبيل مع الجاي الاخضر والدراسين .. روووعة

والله بطني خفت وبشرتي صارت حلوة وكل من يقولي محلوة

بس صارلي شهر مو ملتزمة عدل فأحس بطني رجعت شوي

شربيه مرتين باليوم حطي جاي اخضر .. عندج رويال بالنعناع حلوو وجاي ابن سينا همن حلوو، وعود دارسين وشرايح زنجبيل .. خليهم بالكوب اللي فيه ماي مغلي عشر دقايق تقريبا وشربيه

يمكن يصير فيج حارج اذا مو متعودة بس عقب جم يوم يصير عادي

واذا تحطين شوية مرمية بعد احسن .. لأنها تنظم هرمونات المرة وتحسن البشرة واايد وتساعد على التنحيف وتزيل الارق والتوتر


وعلى موضوع الدايت كير انا اشتركت في صج ان مانزل وزني حييل بس جسمي تنسق وايد وصار حلوووو والسيلوليت خف بشكل واضح بعد لأن كنت ملتزمة بالبوكس اللي اييبونه وامشي كل يومين بس نص ساعة واشرب ماي واااااااااااااايد

 

[كيكه توفي]

زنجبيل وجاي اخضر ودارسين وليمون مره وحده كافي بليل

 

[اخت خالتهم]

حبيباااتي تسلموووون والله قواااكم الله
مشكووورين حبيباتي

 

[Q8stylle]

انا كل يوم اشربلي كوبين زنجبيل
اقطع الزنجبيل وحط فوقه ماي حار واخليه ربع ساعه
وبعدين اشربه

 

[اخت خالتهم]

مشكووره حبيبتي على مرورج

 

[sheraZia_Q8]

انا مرة سويت لي قلاص زنجبيل
بس ما تحملت طعمه نهائيا لان حاار جنج تشربين فلفل @@

بس الي سمعته وايد زين ومفيد للجسم

 

[روحي فابني]

يبيييييله و الله
هبتدي فيه من اليوم
بس بنات يصير زنجبيل بودرة و لا لازم فريش