منو تكسب فيني اجر وترفع معنوياتي وتشجعني»جايتني ضيقه من الدوام والتدريس«

[Whisper ~]

ذكرتوني بالدوام

حبيبتي انا توه السنة اللي طافت كنانت اول سنة لي من بعد الجامعة

كنت مقبلة بقوة وابي اعطي للتدريس لاني حابة الشي وخصوصا الابتدائي

بس مشكلتي ما كنت انظم وقتي وكان الشغل يتراكم وكنت كارهة نفسي والروتين القاتل وشي جديد

وكل يوم طلبات والتوجيه عاد الله وكيلج قرار كل اسبوع وحاطة ايدي على قلبي لا الناظرة تدخل لي

والمدرسة الاولى... انا مابي اخرعج بس هذا طلع شي طبيعي خصوصا اول سنة بس اهم شي اثبتي نفسج

واضغطي على نفسج.. عفوا انا ضد كلمة ما اعرف .... يمكن تجيج مدرسة اولى متسلطة تقولج ما تعرفين تتعلمين حبيبتي

وهذا الصح... عفوا بس حابة اعلق على طالبة 1990 اختي صحيح انه الشخص اول سنة ومو عارف شي بس يتعلم وصحيح

انه مو مطلوب منج تقارير ولا ورشة ولا دروس نموذجية بس لو الواحد فكر مثلج ما كان رح يكون عندنا اشخاص متميزين

ولو على قولتج اتبعنا قاعدة انا مو ملزومة اسوي هالشغلة جان حنا ليما الحين بالعصر الحجري اعتذر اذا كلامي يجرح

اختي بنت احلام بتواجهين صعوبات هذا الامر لا مفر منه بس لو انتي تبين تتميزين وتثبتين شخصيتج ووجودج صدقيني اول سنة

تعيين هي اللي تبين... واهم شي حاولي تنظيم وقتج وتتوكلين على الله بامورج والله يسهل دربج ويوفقج ان شاء الله.

اختي انتي قاعده تتكلمين بمثاليه
ممكن أعرف تخصصج؟ حسب مافهمت إنج مرتاحه في قسمج ومع الإداره ومرتاحه من نصاب حصصج
لكن لا تشملين هـ الشي عالكل
انا من دشيت مجال التدريس وانا كارهته لأن المعلمه على كثر ماتعطي وتبدع وتتعاون ماكو تقدير
وعلى كثر ماتعطين على كثر مايطلبون منج .. إستغلال للمعلمه الطيبه المتعاونه اللي ماتقول لا وظلم بحقها لأن مافي عدل في توزيع الشغل على باقي المعلمات .. على حسب شخصيتج على حسب شغلج
كل ماكنتي نسره وتسوين نفسج ماتعرفين كل ماخففوا عنج .. وكل ماكنتي طيبه وماترفضين هدوا حيلج هد
مجتمع الحريم بالشغل للأمانه ظالم وسيء ومافي تقدير ولا رحمه
واللي تستنزف من طاقتها وتضغط على روحها عشان أمور شكليه غلطانه
الله يقدرني وأطلع من هالمكان عن قريب

 

[Vivaldi]

ذكرتوني بالدوام




اختي انتي قاعده تتكلمين بمثاليه
ممكن أعرف تخصصج؟ حسب مافهمت إنج مرتاحه في قسمج ومع الإداره ومرتاحه من نصاب حصصج
لكن لا تشملين هـ الشي عالكل
انا من دشيت مجال التدريس وانا كارهته لأن المعلمه على كثر ماتعطي وتبدع وتتعاون ماكو تقدير
وعلى كثر ماتعطين على كثر مايطلبون منج .. إستغلال للمعلمه الطيبه المتعاونه اللي ماتقول لا وظلم بحقها لأن مافي عدل في توزيع الشغل على باقي المعلمات .. على حسب شخصيتج على حسب شغلج
كل ماكنتي نسره وتسوين نفسج ماتعرفين كل ماخففوا عنج .. وكل ماكنتي طيبه وماترفضين هدوا حيلج هد
مجتمع الحريم بالشغل للأمانه ظالم وسيء ومافي تقدير ولا رحمه
واللي تستنزف من طاقتها وتضغط على روحها عشان أمور شكليه غلطانه
الله يقدرني وأطلع من هالمكان عن قريب

عفوا اختي انا كلامي يمكن انه يدل على شوي مثالية بس هذا اللي ادفع نفسي له
تعتقدين انه انا مرتاحة بشغلي لا مافي احد مرتاح وصحيح انه مافي تقدير ومحد يشكرج
بس لو افكر بهالطريقة بكل شي اسويه انا ماراح استفيد ولا طالباتي ... حبيبتي انا مرت على
فترة بهالكورس كرهت نفسي وكرهت التدريس وكرهت كل شي وصار فيني ضيقة وعلى بالج مرتاحة
بنصابي غلطانة ... بمدارسنا انتي جديدة معناه تنكرفين نصابي 15 حصة غير مربية صف
وبكل فترة تتغير... ومدرسة مو موجودة خلونا نعطي فلانة لانها جديدة.. توزيع الشهايد عطوه فلانه
تراها جديدة..

حبيبتي انا بيدي اني اقول كل هالكلام من اول شي وافك نفسي مو البنت تبي نصيحة
بس ليه اصدم البنت واحبطها من اول شي هذا عيب مجتمعنا نبين السلبيات قبل الايجابيات
مدارسنا مو مثالية ولا اداراتها ولا المدرسات اللي فيها... ليه من اول شي ما ابين الايجابيات
واحبب البنت بالتدريس يمكن اذا حبته حببت اللي معاها بالقسم وهذي على الاقل مدرسة
وحده تغيرت.. اختي التغيير يبدا بخطوة وكل خطوة تسوينها بالتدريس تقربج للتغيير*
بايدج تختارين التغيير الايجابي او السلبي... ولكن بالنسبة لي قد ما اقدر احاول اخلي*
خطواطي هي الخطوات اللي تخليني انام بالليل وضميري مرتاح.. انا ما انطر شكر من احد
ولا ثناء انا اسوي اللي يرضي ربي... بتردين وتقولين اني مثالية بعطيج مثال للتغيير البسيط

مدرستي مافيها داتا شو ونستخدم بروجكتر الشفافيات.. قررت اشتري داتا شو خاص فيني
اشغل عليه الافلام والبوربونت.. هالخطوة البسيطة خلت كل اللي بالقسم يبي يشتري ويستخدمونه
بالكورس الجاي.. حتى الناظرة نفسها تبي واحد.. خطوة واحدة.. تغيير جذري
*

 

[طموحه بزياده]

امبيه حدي حدي خايفه من سالفه ان التعيين الجديد يكرفونها كرف ويقطون عليها كل شي .. ياربي ودي ادش مجال،التدريس وانا مستانسه وحابته (

 

[Vivaldi]

حبيبتي طموحة بزيادة اختي اذا انتي حابة الشي وبشغف صدقيني

بتستمتعين بكل لحظة تدرسين ولا يخوفونج الناس ويقولون لج كراف وتعب

حنا نتكلم عن المجتمع الكويني اللي ما يبون يتعبون كلش... مافي شي بحياتج مافيه تعب

وكراف تبين تتميزين مافي شي يجي بالساهل لازم تتعبين عشان تحسين بحلاوة شغلج ...

 

[طموحه بزياده]

^^^


مشكوره حبيبتي والله ردج يرد الروح



ان شاء الله مرح اسمع للمحبطين والناس اللي بس تجي للدوام للبلعه :/

 

[بنت احلام]

الف شكر لكم صج ماقصرتو بارك الله فيكم

 

[PuPa^^SWeeT]

طمووحة بزيادة


لا والله على حسب القسم



انا قسمي كااان من اروع ما يمكن



يعلمووني اللي لي و اللي علي


وعمرهم ماقطو علي شي من شغلهم





على حسب قسمج



اذا قسمج حلييو بياخذون بايدج


اذا اقشر ابشري

 

[!الجادل الصعب!]

تذكري بس ان بشغلج لج اجرين .. او مكافأتين

اجر مادي وهو الراتب اخر الشهر


واجر عند الله سبحانه لان مهنة المعلم اذا اشتغل بضمير وتعب مع الطلبه ربي م يضيع تعبه
ويآجره على شغله ..


شنو احلى من هيك ؟!

 

[بنت احلام]

اي والله يالجادل صاجه

ماقصرتو يابنات جزاكم الله خير

 

[بناتي سكر نباتي]

موضوع قديم

 

[بنت احلام]

ابببببببببببب حياج عاد فيدينا

 

[بنت احلام]

ابببببببببببب

 

[طموحه بزياده]

تذكري بس ان بشغلج لج اجرين .. او مكافأتين

اجر مادي وهو الراتب اخر الشهر


واجر عند الله سبحانه لان مهنة المعلم اذا اشتغل بضمير وتعب مع الطلبه ربي م يضيع تعبه
ويآجره على شغله ..


شنو احلى من هيك ؟!

احسنتي بارك الله فيج :eh_s(7):

 

[بنت احلام]

ابببب

 

[دكتورة سارة]

ابببببببببب

اخخخخخخ قلبي عورني من اول ما قريت عنوان الموضوع
لاني معلمة يديدة ما صارلي ٣ شهور بس اعاني وايد

طبعاً خفت المعاناة عن بداية السنة بس لازلت اعاني

اولاً حطيتلي خطة بالنسبة للتحضير و قمت امشي عليها و بديت احس ان عندي وقت لنفسي و لاهلي و رفيجاتي
اطلع من الدوام يوم الخميس مستانسة اطلع مع الأهل لي بليل
و اقعد يوم الجمعه احضر حق اسبوع كامل و ساعات ما يمديني اكمل يوم السبت

و بالتالي ايام الاسبوع على راحتي انام اطلع اجابل الاهل و لو في اي تعديلات بسيطة على التحضير او اي شغل راح يكون خفيف و اقدر اسويه بالمدرسة

بس اللي مضايقني الحين اني ادرس في مدرسة صبيان :/ و اولى ابتدائي فقاعده اتعامل معاهم باساليب غير تربويه بس اصرخ عليهم و ازفهم و انا جداً جداً جداً هادية اصلا لانهم غير تربويين ابداً و يؤسفني اني اقول جذي .. ما يفيد معاهم اي شي ..
فما ادري شسوي الصراحة (((
غير جذي بعد انا في مدرسة مستقبل و المدرسة لو سامعين فيها نظامها معلمتين يقعدون بالصف يتحملون مسؤولية الصف بكل شي .. غير الروتين و الملل و الازعاج اللي قاعده فيه طول اليوم و الأسوء من كل هذا معلمة الادبي اللي معاي وايد تسوي معاي سوالف و تنقل حجي :'((((( اااااااخ ما ادري شسوي فيها و كله اسكت و شايلة بقلبي اخاف تحقد علي و تخرب وسايلي ولا تبوق مني شي <<<< تسويها لا تنصدمون

و اسفة عالاطالة

بس حبيت أسأل لو أخذت دبلوم سكرتارية و قدت على إدارية جم ممكن يكون معاشي ؟؟ ادري اقل من معاش المدرسة بس اريح الصراحة حتى لو كراف طول الدوام بس مافي شغل بالبيت ))

 

[PuPa^^SWeeT]

حبيبتي


كلنا جذي


اول سنة نخترع و يحوووشنا ضييقة


وانرد نبجي البيت



لانه الوظيفة شاقة


و الادارات و الاولياء الامور و الطالبات


مو مثل اول



يعني مو الصورة اللي انتي راسمتها



فاتصك فيج الدنيا



لانه صار امر واقع



و امر انتي ملزمة فيه و مطلووب منج كيت و كيت



و همن انتي مسوولة عن مجموعة طالبات



قبل كنا مسؤلين عن روحنا


و نشيل روحنا و بس



الحيين لاا




تعوذي من ابلييس


وخليج بالتدريس سنة او سنتين


راح تتبدل شخصيتج


لي انسااانة ثانية قوية و صلبة ماتنهززز

 

[بنت احلام]

ااه يادكتوره ساره جنج تكلمين عن معاناتتيى والله الله يعنيج ويعيني جد زهقت



ياحلوج يابوبا طول عمرج ردودج عسل وتبرد الجبد

 

[برنسيسة2007]

بنات من صجكم قالتلج واعتذرتي واصرت اتسوينه اصري ماتسوينه
ترا اهم عينهم قويه بس اذا عينج قويه هونوا قولي اسفه ما اقدر اضغطتج روحي الناظره وانتي تبكين قولي لايكلف الله نفساً الا وسعها انا ودي لكن هذا يخليني اقصر بحصصي
واااااي قسماً بالله احتريت انتم وانتوا تتكلمون كأنكم تقولون شر لابد منه لاحبيبتي اللي ملزومه فيه حصصج وبس
والعضوه اللي16حصه واشراف
حبيبتي
روحي للوكيله وشوفي جدول الابلات كل الاقسام بتلقين 6حصص و9حصص ماعندهم اشراف راااافضينه
روحي للمراقب سأليه قوليله انا 16حصه ومعطيني اشراف شنو الحل !!!حصصي قصرت فيها اجي متأخر
الاشراف للي نصابها قليل مو عشان ماتتعب خلي التعب علا جنب عشان مايكون عندها حصص فما تتأخر على صفها


اختي صاحبة الموضوع:
كل شي بأجره وهذا لج حسنات باذن الله تدخل الجنه ترا وضيفة التدريس دين ودنيا ماتصورين شلون اجرج عند الله يومياً اذا احتسبتي روحتج للمدرسه لوجه الله عداد الحسنات يمشي هذا غير اجر العلم اللي ينتفع به وانتي بعد اسلاميه ماشاءالله تنهين عن المنكر وتامرين بالمعروف
الله يوفقج ويسعدج
وهذا اللخبطه من الكورس راح تنزاح
بس انتي داومي وانتي مبتسمه وشغلج كله سويه بالدوام وشوفي انا عن نفسي احب سوالف الاذاعه والتوزيعات اللي باسمي وفكرتي يعني مو احد مكلفني فيها اذا احد مكلفني فيه احس خساره صراحه

لذلك انتي بادري بأشياء اتسوينها انتي اعرضيها علا رئيسة القسم وهذا الاشياء ما اقولج درس نموذجي وورشه وهلامور يمكن صعبه عليج اول كورس
اقصد مثلاً تقترحين بيوم اذاعتج اتحطينه عن الوحده الوطنيه عشان الضروف التي تمر فيها الكويت وتحطين طاوله بالاداره وبارتشن وكاكاو علا علم الكويت ملزقه عليه بطايق انتي طابعتهم
جذي يصير اسمج معروف بالاداره وسويتي شي اضافي ويدرون انج بادرتي اهم شي تنجحين فيه كتقدير ويكون لج مكانه اجتماعيه بالمدرسه المبادره وبنفس الوقت رئيسة القسم ماتكلفج باشيا لانها اتشوفج عندج اشيا ثانيه

ورئيسة القسم اذا كلفتج لاتخلين بخاطرج اذا دموعج اطلعت لاتخشينها ابجي ترا حيييل يتعاطفون مع ام ادميعه خاصه اذا شاغوله>>ههههههه
ترا ما ينعطون وجه خاصه اذا رئيسة القسم شخصيتها ضعيفه تدور اللي يستحون او التعيين الجديد وتضغطهم
وبعطيج كلمه خليه باذنج تراااااا مافيه احط طيب يمكن تلقين اخلاق حلوه بس طيبه من القلب لا لان الكل نفسي نفسي الوكيلات والابلات ورئيسات الاقسام كلهم نفسي نفسي
وتوكلي علا الله بالدعاء ترا الدعاء عباده ووالله انا اللي خلاني ناجحه الدعاء وقيام الليل كل ماصار عندي باجر شي درس ريادي علا مستوا المدرسه اذاعه حركه مسويتها بالاداره اقوم قيام الليل وركعتين وادعي الله اني ابهرهم ويكبر شغلي بعيونهم واني امتياز بتميز والله العظيم اشوف الخير اليوم الثاني الموجهه تجي والناظره تنفخني عندها والمراقب يكون موجود
خلي الله والدعاء له دائماً معاج
وخلي بالدوام عندج سجاده صلي الضحى وادعي الله بتسهيل الامور
كل ماصراتلج سالفه او موضوع ضايقج صلي وادعي وشوفي كيف تسهل الامور
الله يسعدج يارب*

 

[برنسيسة2007]

اختي بوبا
اولى ابتدائي معاملتهم ترا سهله عامليهم نفس ابلات الروضه سالي ابلات الروضه شلون يتعاملون وياهم راح ترتاحين
صج اتمصخرين عمرج بس تنجحين جداً
راح يكون عندج اتجاهين الاتجاه الاول :
انا ما ادري شنو تخصصج بس نفرض انج علوم ودرسج عن الجيوانات الاليفه تركبين فراشه بجاكيتج وتلونين بصوتج وتراقضين بجذي كل الصف معاج وهدوووووء وكل شي بقصه كل شي عرضيه بقصه واناشيد والانشوده مو تشغلينه وتقعدين لا ناقزي وخايهم يناقزون معاج ويسوون حركات مع الانشوده بايدهم وارجلهم
وراح تلقين واحد شيطون واو احيانا يفلتون منج قطعي الشرح وقولي اولى اتزعلون امكم من يزعل امهم انا امكم تزعلوني بقولون لاااا قولي ي الله شلون القعده اللي علمتكم الابله(قعده انتي امعودتهم عليهم اللي يعدلون كراسيهم ويتركون اللي بايدهم)
ودايماً دايما طوووول سنوات خبرتج خلي كراسيهم بعيده عن الطاوله بحيث مايطولون الطاوله ولايتعبثون بالاشيا اللي عليها من قلم وكتاب وغيره واذا بيكتبون لايسحبون الكرسي خليهم يقومون ويقفون ويكتبون ويرجعون يقعدون


التجاه الثاني :
راح تلقين واحد مجننج وعافس الصف وممكن اولاد يقلدونه ويعفسون الصف
هذا استغلي وضعه وخليه عبره لهم وقفي الشرح وقولي سنه اولى بصوت واضح وجهوري يعني ملفت عن صوتج الاساسي كلنا نطالع فلان وبققي عيونج بس لاتضربينه ولاتجرحينه شلون قاعد اقعد عذل احرجيه فقط
وممكن اذا مافاد معاه قولي تعال وطلعيه بره وبره كوني حنونه معاه وانصحيه وهدديه بالناظره وشنو ممكن اتسوي فيها الناظره لو طرشتيه حقها وقوليله انا عشان احبك ما ابي اطرشك حقها بس وانتي اتطلعينه بيني للاولاد الجانب العصبي فيج
وبعد مايرجع قولي اولى اللي يزعلني واطلعه بره ترا

 

[برنسيسة2007]

سوووووري المشاركه السابقه موجهه لدكتوره ساره
اعتذر من الاخت بوبا