منو تكسب فيني اجر وترفع معنوياتي وتشجعني»جايتني ضيقه من الدوام والتدريس«

[بنت احلام]

مادري اشجاني بنات ماصار لي اسبوع من تعيينت وبصراحه كارهه التدريس وضايق خلقي خصوصا اني ادرس صبياااان

كرهوني بالدوام وكرهت قومه الصبح

مادري ليش حتى تحضير صايره ماحضرر):

 

[بنت احلام]

شسوي شلون انظم وقتي
ادرس اسلاميه واحس التحضير صعب علي

 

[اشلون يعني &]

عادي كونج اول سنة تحسين هذااشعور
نظمي وقتج
خلي عندج نوته وحددي اهدافج بالحياة وترتيب وقتج وامشي عليها
وخلي نيتج وانتي رايحه المدرسة لله راح تكسبين حسنات وتستمتعين
وكلام الاداره طاااااااف
الله يوفقك

 

[يارب نور حياتي]

اصلا انا بعد ماتعينت جانيي شغل مو طبيعي ورئيسه القسم طلبت مني كل شي حتى بنوك الاسئله وكرف كرف وعندهم نقص فسار نصابي١٦ وانا علوم تعرفين شنو علوم اااه انشطه ووتقارير وبلشه واللموجه طلباته مو عاديه حتى الاختبار خلاني اسويه اربع مرات كراااااف وعطومي اشراف وانا ادوس العيال جان ادق على رئيسه قسمي وانا فيني بجيه قلت بستقيل جان تضحك قالت اول سنه مو سهله وبعدها تسير سهلات وفعلا احس نعودت وبعدين الاستقلاليه حلوه

 

[كوكولوكو]

الحال من بعضه

حضرت الوكيلة تبي مني اسوي معرض وقلت لها ماقدر وماعرف للمعارض توني اول كورس وماصار لي اسبوع وقالت عادي

والكل يشتغل من اول يوم مو من اول اسبوع الله يعينا مايقدرون ان احنا يدد وخايفين تونا بسم الله ماعندهم احساس

 

[طالبة1990]

شي طبيعي جدااا

واذا تبين ترتاحين

اتبعي قاعدة ماعرف انا مو ملزومة بهالشي انتوا شغلتكم تعلموني


هالتعب بسبب ضغط العمل والضغط النفسي

وبنات احتمال اغلبكم مالهم تقييم هالسنة

فلا تعبون روحكم كلللللش

اللي ماصار لها ٩٠ يوم فعلي بالتدريس مالها تقييم


لايقصون عليكم

شنو تعيين جديد واشارك بمعرض ليش انشالله

حتى الدروس والورش لاتسوون كللش لان تعبكم بيروح خسارة


والرابح رئيسة القسم والموجهة والمديرة




بنات انتم تعيين جديد

يعني الطبيعي ماتعرفون شي كلللش

حتى التحضير ترا مو مشكلتج

هذي مشكلة رئيسة قسمج

هي المسؤولة عن التنمية المهنية لمعلماتها

وهي المسؤولة عن تعليمج للتحضير

حتى لو كنتي تربوية وماخذة ميداني مو شغلهم شنو تعرفين

المهم انهم يعلمونج شلون تحضرين


بنات نصيحة لاتضغطون ع انفسكم

ترا طبيعي انكم ماتعرفون

وجدام التوجيه مو انتوا المحاسبين

رئيسة قسمج هي اللي يحاسبها التوجيه

يعني لاتخافون ولا تحاولون تبررون لهم

بصريح العبارة قولي لها ماعرف احضر


علميني عطيني من وقتج نص ساعة كل يوم وعلميني شلون احضر



بنات لاتسكتون عن حقكم

ولاتضغطون ع انفسكم كلللش

هالالتزامات مو التزاماتج

عيشوا هالكورس احلى الايام

ولاتحاتون شي

وكل شغلج خلصيه بالمدرسة

لاتاخذين معاج شي للبيت

لاتغلطين وتعيشين نفسج بضغط وكآبة انتي بغنى عنها

 

[طالبة1990]

وبالنسبة ل ٩٠ يوم دوام

قصدي ٩٠ يوم تداومين مو من تعينتي

يعني شيلي العطل ونهاية الاسبوع

يطلع لج الشهر تقريبا فيه ٢٠-٢٢ يوم فعلي

يعني يبي لج فوق ال ٤ شهور دوام عشان يصير لج تقييم

ف اللي تعينت شهر ٣ ومابعد مالها تقييم

 

[حصة2010]

حسنى. نفسك عند الخروج. كثرى. من قرات. س ورة. الانشراح. واللة المستعا ن

 

[دموع الذهب2]

شعور طبيعي لأي مدرسة تعيين جديد .......شوفي عشان ترتاحين كل درس تحضرينه سوي وسائلج وحفظيها بظرف أو يكون عندج كبت أرفف دروسج أطبيعها على الكمبيوتر وحفظيها فتكون السنة اللي وراها مرتاحة بالتحضير والوسائل ....وكل شي تسوينه حفظيه بملف ( دروس نموذجية - برامج اذاعة - مطويات - أي عمل ) علشان حقج ما يضيع ويكون شغلج مرتب
واللأهم الصلااااااااااااااااااااااااااااااااااااااة في وقتها والدعاء بتسيير أمورك
موفقة :eh_s(7):

 

[بنت احلام]

الله يجزاكم خير ماتقصروون رفعتو من معنوياتي شوي ):

 

[اريج الجوري]

عاطي ملنا منا حذي اول سنه تعيين وبعدين سهالات سوي مثل ماقالوا البنات ولا تضغكين على نفسج ،،

واذا مو مرتاحه بتطريس الصبيان طلبي نقل لمدارس بنات ،،

وكل شي بالدنيا تصعبينه يصعب تسهلينه يسهل ،،

والله ولي التوفيق ..

 

[مهآآآآآ]

اطلبي نقل للبنات ترى فرق السما عن الارض
واسلاميه ترى اهون حيل من العربي والانجليزي
يعني انتي بنعمه بالنسبه لهم

 

[MISS SUGAR]

حبيبتي ...كل شي بالبداية صعب بس مع الوقت يصير سهل ...
لا تحاتين حبيبتي .... وخلي لسانج على طول رطب بذكر الله ....
تقبلي مروري .......

 

[بنت احلام]

حبايبي والله


جد ماقصرتو

الله يوفقكم

 

[فرفورهـ]

شلوونججج بنت الاحلاام

يوووه انا صاكه فيني الدنيااا مالي نفس لاي شي ابي ارد للكليه

يحلات نككج ذكرني بايام الميداني وايام التوضيف

 

[¤§ زيتونة §¤]

حبايبي

الحمدلله خذينا اجازة واللي سافر سافر واللي قعد اكيد طلع واستانس

ويانا رمضان واحنا بخير وعافيه والله يقدرنا على قيامه وصيامه لنهايته قدر استطاعتنا

وقريب ولله الحمد والمنه نعيش فرحة العيد

كل هذا الحمدلله مر علينا بامان وسلام وديرتنا بخير وحب وعساها نعمه دايمه

شلون مالكم خلق تداومون شتبون بالربادة والنوم والكسل ؟؟!!

لكم اسبوعين بتقعدون تسولفون وتتريقون وتستانسون مع زميلاتكم قبل دوام البنات

وصدقوني بتمر الايام وتركض الا احنا عالامتحانات وسبحان الله يمر الوقت تلاقون السنه خلصت

استانسو بهالايامالفضيله وتقربو لله وعيشو فرحه العيد واكيد اشتقتو حق صديقاتكم وقعدتهم والدوام خير ونعمه من الله في ناس سنين قاعدة تنطر هالشغل واحنا كل ما قرب الدوام قمنا نتافف ومالنا خلق؟؟؟؟ لا حبايبي قولو الحمدلله عالصحه والعافية والسلامه والامان


وسلامتكم

 

[Vivaldi]

حبيبتي انا توه السنة اللي طافت كنانت اول سنة لي من بعد الجامعة

كنت مقبلة بقوة وابي اعطي للتدريس لاني حابة الشي وخصوصا الابتدائي

بس مشكلتي ما كنت انظم وقتي وكان الشغل يتراكم وكنت كارهة نفسي والروتين القاتل وشي جديد

وكل يوم طلبات والتوجيه عاد الله وكيلج قرار كل اسبوع وحاطة ايدي على قلبي لا الناظرة تدخل لي

والمدرسة الاولى... انا مابي اخرعج بس هذا طلع شي طبيعي خصوصا اول سنة بس اهم شي اثبتي نفسج

واضغطي على نفسج.. عفوا انا ضد كلمة ما اعرف .... يمكن تجيج مدرسة اولى متسلطة تقولج ما تعرفين تتعلمين حبيبتي

وهذا الصح... عفوا بس حابة اعلق على طالبة 1990 اختي صحيح انه الشخص اول سنة ومو عارف شي بس يتعلم وصحيح

انه مو مطلوب منج تقارير ولا ورشة ولا دروس نموذجية بس لو الواحد فكر مثلج ما كان رح يكون عندنا اشخاص متميزين

ولو على قولتج اتبعنا قاعدة انا مو ملزومة اسوي هالشغلة جان حنا ليما الحين بالعصر الحجري اعتذر اذا كلامي يجرح

اختي بنت احلام بتواجهين صعوبات هذا الامر لا مفر منه بس لو انتي تبين تتميزين وتثبتين شخصيتج ووجودج صدقيني اول سنة

تعيين هي اللي تبين... واهم شي حاولي تنظيم وقتج وتتوكلين على الله بامورج والله يسهل دربج ويوفقج ان شاء الله.

 

[#الخشف#]

انا باذن الله هالكورس راح اتعين وان شاء الله راح ابدع واتميز حتى لو ماكان هذا مطلوب مني اول شي لان تخصصي اسلاميه ولاني مهما تعبت الله ماراح يضيع تعبي واجري اذا ماشفته بالدنيا بشوفه بالاخره..وحتى لما كنت ميداني الكورس اللي فات تميزت والكل لاحظ حتى الناظره قالتلي اكثر من مره ابيج توظفين عندي...وهذا من فضل ربي علي..

تعاملي بالمدرسه كانج تعاملين مع خواتج كل وحده تفيد الثانيه وشيلي من بالج فكرة رئيس ومرؤوس والله راح ترتاحين وراح تلاحظين اللي حواليج شلون بيقدرونج..

واذا حصلتي انتقاد لاسمح الله من رئيسة القسم والموجهه اخذيه بصدر رحب وبينيلها انج بتستفيدين وناقشيها بالنقطه اللي تقولها مثلا قالتلج شهالتحضير قوليلها بادب ليش موعدل؟ مادري انا درست انه ينكتب بهالطريقه اذا قالتلج هالطريقه غلط قوليلها اي واللي يعافيج ابله فلانه شلون اسوي...يعني مختصر كلميها بادب وتعلمي منها مافي شي يستحق انج تزعلين من انتقاداتها..وتذكري دايما فارق السن بينكم يعني هذي حسبة اختج الكبيره او امج..

والله يوفقكم وييسراموركم..وادعولي معاكم..

 

[كارلوفي فاري]

انا باذن الله هالكورس راح اتعين وان شاء الله راح ابدع واتميز حتى لو ماكان هذا مطلوب مني اول شي لان تخصصي اسلاميه ولاني مهما تعبت الله ماراح يضيع تعبي واجري اذا ماشفته بالدنيا بشوفه بالاخره..وحتى لما كنت ميداني الكورس اللي فات تميزت والكل لاحظ حتى الناظره قالتلي اكثر من مره ابيج توظفين عندي...وهذا من فضل ربي علي..

تعاملي بالمدرسه كانج تعاملين مع خواتج كل وحده تفيد الثانيه وشيلي من بالج فكرة رئيس ومرؤوس والله راح ترتاحين وراح تلاحظين اللي حواليج شلون بيقدرونج..

واذا حصلتي انتقاد لاسمح الله من رئيسة القسم والموجهه اخذيه بصدر رحب وبينيلها انج بتستفيدين وناقشيها بالنقطه اللي تقولها مثلا قالتلج شهالتحضير قوليلها بادب ليش موعدل؟ مادري انا درست انه ينكتب بهالطريقه اذا قالتلج هالطريقه غلط قوليلها اي واللي يعافيج ابله فلانه شلون اسوي...يعني مختصر كلميها بادب وتعلمي منها مافي شي يستحق انج تزعلين من انتقاداتها..وتذكري دايما فارق السن بينكم يعني هذي حسبة اختج الكبيره او امج..

والله يوفقكم وييسراموركم..وادعولي معاكم..

:eh_s(15)::eh_s(15)::eh_s(15):ياعيني عليج :rerrerek::rerrerek:

 

[PuPa^^SWeeT]

شي طبيعي اييج هالاحساس


انا لما تعينت بس يوم واحد


رديت البيت ابجي



طوالة لسان البنات و خلاص صار محسوب علييج كل شي جدام الادارة



و لا


ابشرج


اول يوم دشيت من توتري ما ابتسمت خير شر بالصف


ولا يروحون البنات عند الوكيلة مانبي الابلة ماتضحك ويانا @@



و الوكييلة مصدقة تخيلي




ليش ما اضحك شكو فيني



يتني نرفزة اول يوم تعيين و قلت بطلع و مابي ادرس



بس كاني الحيين بكمل ال 7 سنين بالتدريس