منو تقولي معنى برودكسات وثيميات ؟؟

[بدون هويه]

عفيه منو تشرح لي معنى كلمة برودكسات وثيميات وغيره من المصطلحات اليديده اللى طالعه ما نعرفها ابي اتثقف :rerrerek:

 

[Unsp0ken_Secret]

قوه ياحلوه
بحاول اساعدج ..
الله يسلمج
broadcast
لو بترجمينها بيطلعلج
معناتها
1.بث
2.إذاعة
3.منثور في جميع الجهات
4.واسع الإنتشار
والفعل منها
1.بث
2.نشر
3.أذاع
4.تحدث

هذي ترجمتها حرفيا ..
بس ليش بالتلفونات سموها
broadcast
لانج انتي قاعده تنشرين شي
او تذيعينه
يعني لو نفرض انج انتي بنفسج الفتي بيت شعر ..
وطرشتيه broadcast لمجموعه من اصدقائج
تاكدي انه بيوصلج بيوم من الايام ( طبعا اذا كان شعر قوي وخطير هههههه )
فهذا معناته انج انتي نشرتيه او ساعدتي على نشره ..
ومثال ثاني .. انه لو وصلتج نكته .. من صديقه ..
بعد فتره راح تطرشها لج صديقه ثانيه .. وهذا لان الكل قاعد يتداولها .. وينشرها ويذيعها
ولمن تطرشين broadcast لمجموعة من اصدقائج معناته انتي تشاركينهم باللي عندج وتنشرينه لهم ..
انشالله اكون افدتج بمعنى broadcast ..

وفي حالة انه ماعندج تلفون فيه خاصيه ال broadcast
او اساسا انتي ماتعرفين شنو اهو ال broadcast
اهي خاصيه بالتلفونات اليديده .. ومعناتها انه لو انتي وصلج شي حلو وعجبج ..
تختارين مجموعه من اصدقائج واهلج وتطرشينلهم هالمسج ..
اهو بالضبط كانج تطرشين مسج .. حلو .. بس بدال لا طرشينه حق واحد واحد .. طرشينه حق مجموعه ..​

 

[Unsp0ken_Secret]

و كلمة
Theme
ترجمتها حرفيا ..

1.موضوع
2.فكرة رئيسية
3.جذر الكلمة
4.موضوع تعبوي

بس ليش تنقال بالتلفونات ..
ال theme بالتلفونات .. معناته صوره شاشه وشكل ال icons الايقونات
يكونون على شكل معين ..
مثلا اذا انتي مختاره ثيم كيك ..
راح تكون الخلفيه صوره عن الكيك ..
والايقونات كلها على اشكال كيك ..
ونفس الشي لو كان الثيم عن القطاوه ..
هذا مثال ..

يعني انتي الحين قاعده تخلين تلفونج كله على موضوع معين ..

شوفي الصوره اللي فوق مختاره ورد ونعال ومادري شنو ..
هذا كله بالثيم ..
الايقونات اللي اهي النعال والورده والتلفزيون وهالاشياء .. تتغير اذا غيرتي الثيم ..

اغلب الشباب مثلا يكون موضوعهم وثيماتهم عن السيارات .. او الاعبين .. او كرة القدم .. او السياكل .. واي من اهتمامات الرياييل ..
والبنات نعومين .. كيك .. قطاوه .. لون وردي .. لون احمر .. قلوب حب .. وجذي ..
​

 

[Unsp0ken_Secret]

ادري قرقت وايد بس انشالله اكو افدتج .. واي كلمه انا حاضره ..

 

[بدون هويه]

ادري قرقت وايد بس انشالله اكو افدتج .. واي كلمه انا حاضره ..

مشكووووووووووووره والله كفيتي ووفيتي على الشرح الدقيق هذا والتوضيح اكيد انتى مدرسة صج فهمتني :eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7): عاشت :ggdw::ggdw::ggdw::ggdw::ggdw: شوفى المشجعين على مجهودج الطيب

 

[Unsp0ken_Secret]

حبيبتي ماسويت شي ..
لا مو مدرسه بس احب اشرح .. خخخخخخخخخخخخخخخخخخ

اي كلمة ثانيه انا حاضره