منو تعلمني كبدة دجاج بدبس الرمان؟؟؟

[candle-tears]

السلام عليكم ورحمة الله وبركاته

بنات كل مانروح مطعم ايام زمان ريلي يطلب (كبدة دجاج بدبس الرمان) ويبيني اتعلمها بس المشكلة ما عرف وصفتها من تعرف وتساعدني؟؟؟؟؟​

 

[جارة القمر]

المقادير:
كيلو كبدة دجاج مغسولة بماء وشوية خل "ويفضل الطازجة"
4 م ك ثوم مهروس
بهار دجاج ، ماجي ، عود دارسين ولومية وملح
خل
ماء حار
1/4 دبس الرمان "انا حطيت 1/2 كوب لاني من عشاق دبس الرمان"
م ك زبدة

الطريقة:
نحمس الكبدة بالثوم لحد مايتغير لونها ثم البهارات وشوية ماء حار والخل وخليه لحد ما يستوي الكبدة ..
صفيها من مائها واحتفظي بشوي من الماء بدون بهارات..
اغسلي الكبدة بماء جاري لحد ما البهارات والثوم تروح عنه..
حطي الكبدة المغسولة بمقلاة مع الزبدة واحمسيها شوي ثم ضيفي 2 م ك ماء الكبدة ودبس الرمان وقلبها لحد ما تبدا الكبدة تشرب الدبس وقدميها بالعافية..
منقوووووول

 

[جارة القمر]

شوفي هالمواضيع


http://q8yat.net/showthread.php?t=146730


http://q8yat.net/showthread.php?t=156571

 

[كيوت_25]

يزاج الله خير يا جاره القمر

 

[*دانة الخليج*]

ترى بدووووووووووووووون شي قلي الكبده وبعدين حطي الدبس الرمان
انا شفت ميس الغانم مسويها جدامي .........حط الجبده المقليه وحطه الدبس فوقها وانصدمت من سهولتها

 

[Athwaq]

يبيعها مطعم بشارع المطاعم عجييييييييييبه ناااااطعه و تذوب بالحلج

 

[مستحية]

أنا عندي طريقة سهلة سهلة وحدها لذيذة ... قصصي بصل صغار حمسيهم بزيت ... او إذا عندج زيت حامسة فيه بصل من قبل يطلع احسن لان بس نبي نكهة البصل بس مو مشكلة إذا مافي ... حطي فوقه الجبدة تنحمس بعدين حطي دبس رمان وآخر شي ضيفي زرشك ( الرمان المجفف اللي يحطونه بالعيش الايراني ) صدقيني مو طبيعي وسهل

 

[hawra]

تفوحين الجبده في ماي مع الملح بعدين تحمسينها مع شويت زيت بعدين تحطين دبس الرمان و عليكم بالعافيه

 

[farawla_q80ia]

صايمة شهيتيني