منو تعرف مقادير العجينه؟

[فيلجاويه والنعم]

خواتى والله تعبت ومليت وحلفت مااسوى فطاير او بيتزا او معجنات

مشكلتى:
الف طريقه وطريقه خذيتها من النت وجربتها حق البيتزا او الفطاير لكن للاسف لما اسوى العجينه واحطها بالفرن واتعب واخسر مواد تطلع يابسه ومو هشه وحلوه


والله تعبت وعيالى حرام ينطرون وتالى اخيب ظنهم

ماكو فايده مره ومرتين والف مره سويت العجينه بطرق كثيره وتطلع بالفرن ولاشى ويابسه

الله يخليكم ليش جذى يصير معاى شنو المشكله ؟

عشان عيالى ساعدونى بكبر بعينهم واوفى بالوعد اللى وعدته لهم

بانتظار ردودكم سريعا وشكرا لكم

 

[Snow angel]

تفضلي طلبك ياقلبي

وعلى فكره أنا أتبع طريقة ريم الصبايا تبارك الرحمن مضبوطه ميه بالميه

http://wwww.q8yat.net/showthread.php?t=330895&highlight=%E3%DA%CC%E4%C7%CA%ED

http://wwww.q8yat.net/showthread.php?t=389425&highlight=%E3%DA%CC%E4%C7%CA%ED

http://wwww.q8yat.net/showthread.php?t=382002&highlight=%E3%DA%CC%E4%C7%CA%ED

http://wwww.q8yat.net/showthread.php?t=333769&highlight=%E3%DA%CC%E4%C7%CA%ED

http://wwww.q8yat.net/showthread.php?t=454196&highlight=%E3%DA%CC%E4%C7%CA%ED

http://wwww.q8yat.net/showthread.php?t=427236&highlight=%E3%DA%CC%E4%C7%CA%ED

http://wwww.q8yat.net/showthread.php?t=136908

 

[جارة القمر]

حبيبتي


ممكن تقوليل طريقة لم تسوين العجينة



أنا بقولك طريقتي


خلي اطحين بالماعون اللي راح تعجنين فيه


وخلطي كل المواد الجافة بخلاط العصير وضفيه شويه شوي علي الطحين وخليه ترتاح بالفرن

لمده ساعتين وبعدين شكله وقبل ما ادخلينه الفرن

أدهني وجه المعجنات بحليب سائل


أو بيض

http://www.q8yat.net/showthread.php?t=526310

 

[فيلجاويه والنعم]

حبيباتى والله ما قصرتوا

 

[زعـفـران]

عندي مكونات عجينه للفطاير عجيبــــــــــــــــه ماخذتها من رفيجتي

بس ان شاءالله باجر اكتبلج المقادير لاني مو حافظتها كاتبتها بورقه

وصدقيني ما تصير يابسه ولا ناشفه بالعكــــــــس​

 

[moonkides]

حياتي ذكرتني بالذي مضى انا كنت مثلج تمام مع اني احب اسوي عجينة بس بعد ما سويت هذه العجينة الي بيضت ويهي جدام حمولتي بعد ما انقص ويهي جدامهم واعتقد فقدو الامل اني اسوي عجينة زينة مع انهم عجينتهم عجيبة بس كل ما احاول اسوي نفسهم تفشل فشل ذريع سويت العجينة ومن كثر ما فشلت قبل سويت نص المقدار ولما ظبطت عاد قمت اطرش بالعجين والي الكل قام يسال عنها وحتى حماتي لما سوتها تعجبت منها بس لازم المقادير بالضبط يعني اذا عندج الكوب المعياري افضل واذا فرنج كهربا وفي مروحة لا اتشغلينها وخلي الفرن حار وايد وايد وعلى فكرة انا كانت عندي اتصير العجينة من فوق هشة ومن تحت مثل البسكوت والحين بحطلج الطريقة المقادير:

- المجموعة الأولى : فنجان قهوة سكر
2 ملعقة كبيرة خميره فوريه انا استخدمت كيس خمير الصغير
2 كاس ماء دافي
ذرة ملح
2 كاس دقيق

- المجموعة الثانية :
نصف كاس زيت
3 كاسات دقيق


الطريقة:

- تخلط المقادير المجموعة الأولى مع بعض و تترك لمدة 10 دقائق .
- بعد العشر دقائق يضاف لها مقادير المجموعة الثانية و تعجن جيدا وتترك مغطاه بفوطة رطبة حتى تتخمر ثم تستخدم قسميها الى كور واستخدمي كرة تلوى الاخرى في هذا الوقت غطي باقي الكور بالفوطة المبللة لحين استخدامها
- مثل ما شفنا العجينه تنقسم لقسمين و تتخمر عشر دقايق في القسم الاول و تضاف عيها باقي المكونات , يعني مجموع الطحين في العجينه هو خمس كاسات .
- الكميه ممكن تكون كبيره , لكن ممكن تشكلي فيها و تنوعي يعني تقسمي العجينه للفطاير أو البيتزا أو خليه النحل .
للعلم الطريقة منقولة وانا بعد حطيت الزيت مع المجموعة الأولى والمجموعة الثانية بس باقي الطحين
واذا كنتي تبين تسوين بيتزا فشكليها اول شي ودخليها الفرن اخر شي
ودخلي الزعتر اول وبعدين الجبن واخيرا البيتزا
وعلى فكرة يمكن التخمير لا يحتاج الى وقت طويل يمكن نص ساعة كفاية وانا اغسل الفوطة في ماي حار افضل وان شاء الله تبيض ويهج وترفع راسج ودعواتج

 

[طيش سكر]

فيه طريقة حدها عجيبه ..

كاسين طحين ..

و3 ملاعق حليب بودر

وموعقتين سكر ..

ذرة ملح

خميره ملعقتين ..

اخلطيهم كلهم مع بعض .. وبعدين صبي قلاس ماي او اقل .. واعجني لما تصير لينه مثل عجينة القبووط ..

والزيت بالاخير .. العجينه لينه ..

ولفيها وحطيها مكان دافي ..


وبالعافيه


وشلي لي بصحين :dddds:​

 

[فيلجاويه والنعم]

مون كيدز وعيون ابوى وزعفران كلكم على راسى
والف شكر على مساعدتكم