منو تعرف طريقة عمل محلبية قمر الدين ؟

[om mariam]

السلام عليكم
مبارك عليكم الشهر
وتقبل الله طاعتكم ان شاء الله

ابي منكم مساعده يا بنات لو سمحتوا
ابي اسوي محلبية قمر الدين اشلون اسويها
ولكم دعوه حلوه ان شاء الله بهالشهر الفضيل

 

[Ameeraaaaaa]

حبيبتي سهلة وااااايد
لوح قمر دين تنقعينه بماء فاتر تقريبا 6 جلاسات ماء من الليل او اذا مستعجلة تقدرين تحطينه بماء وتطبخين علي النار لما يلين

من يبرد تضربينه بالخلاط عشان يصير مثل العصير
تحطينه بجدر وتحطين فوقه سكر لذوقج ,, يعني السكر يعتمد عليج اشكثر تحبينه حالي ,,
ذوبي السكر عدل وحطيه فوق النار وحركيه عدل
من يبدي يغلي تكونين مذوبة 3 ملاعق نشا في ماء بارد وتضيفينه شوي شوي علي الخليط اللي عندج بالجدر وتحوسينه الي ان يثقل ويمسك معاج ,, اخر شي تقدرين تضيفين ماء زهر .
صبيه بحلاسات او اكواب ورشيه بجوز الهند او المكسرات اللي تحبينها . وعواااااااافي
))))))))))

 

[جارة القمر]

رد : منو تعرف طريقة عمل محلبية قمر الدين ؟

تفضلي طلبك
http://q8yat.net/showthread.php?t=161580


المقادير:

2/1 كغم قمر الدين.

2/1 4 كوب ماء.

1 كوب نشا.

1 كوب سكر.

1 كوب جوز مفروم خشناً.

طريقة التحضير:

- ننقع قمر الدين في الماء قبل يوم ثم نصفيه في وعاء.

- نذيب النشا في نصف كوب ماء ونضيفه الى الوعاء ثم السكر ونحرك جيداً.

- نضع الوعاء على نار متوسطة ونحرك بملعقة خشنة.

- نترك الوعاء على النار بعد أن يغلي مدة 15 دقيقة مع التحريك المستمر.

- نرفع الوعاء عن النار ونسكب قمر الدين في اطباق التقديم ونزين بالجوز.



منقوووووووووووووول

 

[om mariam]

مشكوررررررررررررررررررررررررررييييييييييييييييين وايد يا قلبي
وان شاء الله الله يفرج كل همومكم بهالشهر الفضيل
ويستجاب لكم كل دعوه

 

[al7reyaa]

رد : منو تعرف طريقة عمل محلبية قمر الدين ؟

الله يعافيكم بروح اجرب اسويه وان ضبط قلت لكم وان خرته عادي ما انلام صايمه

 

[نملة حوله]

حبيباتي ابي طريقة محلبية قمر دين .. شلون؟

مبارك عليكم الشهر

وتقبل الله طاعتكم

بنات انا ولا مره ذقت محلبية القمر دين

بس شفت صورتها من جم يوم ولونها يشووق

منو تعرف شلون يسوونها؟

ابي بالتفصيل المقادير والطريقه ويفظل الصور :icon30:


ومشكوورين​

 

[ام عفاف الكويت]

رد: حبيباتي ابي طريقة محلبية قمر دين .. شلون؟

قلبج على قلبي
ابي طريقه القمر دين
يابوها لنا جيرانه
وااااايد تيمت فيها

مبارك عليج الشهر

 

[نملة حوله]

رد: حبيباتي ابي طريقة محلبية قمر دين .. شلون؟

امبييييي ام عفااااف ! والله اللي شهاني اكثر ان توني شايفه صوره اكلج وشفت محلبيتج بالصينيه خخخخخخخ سبحان الله
انزين اخذي منهم الطريقه شووراج خخخخخ

علينا وعليييج حبيبتي ويارب تعوودوونه كل سنه وتصووومووونه

 

[ام عفاف الكويت]

رد: حبيباتي ابي طريقة محلبية قمر دين .. شلون؟

لا قلت لخدامتي تاخذ الطريقه من خدامتهم لوووووووووووووووووووووول

 

[نملة حوله]

رد: حبيباتي ابي طريقة محلبية قمر دين .. شلون؟

هههههههههههههه يحليييلج لوووول والله ظحكتييني مشكله لي هفت النفس على شي

عاد موتنسينا سدحي الطريقه هني لي حصلتييها

 

[ام عفاف الكويت]

رد: حبيباتي ابي طريقة محلبية قمر دين .. شلون؟

http://www.q8yat.net/showthread.php?t=455423


شوووووووووووووووفي

 

[ام احمد123]

رد: حبيباتي ابي طريقة محلبية قمر دين .. شلون؟

مشكوره ام عفاف شكلها يشهي بجربها

 

[نملة حوله]

رد: حبيباتي ابي طريقة محلبية قمر دين .. شلون؟

الله شحلاتها مشكوره ام عفاف حبيبتي

بس مادري استخدم عصير قمر دين كي دي دي

والا القمر دين نفسه اذوبه معان ماايذوب!

 

[ام عفاف الكويت]

رد: حبيباتي ابي طريقة محلبية قمر دين .. شلون؟

قمر الدين نقعيه ساعه

 

[نملة حوله]

مشكووووووووووووووووووووووووورة

اب

اب

 

[نملة حوله]

نيااهااهاا واخيرا سويتها

 

[mrs_sugar]

رد : منو تعرف طريقة عمل محلبية قمر الدين ؟

انا احب الشي السهل و السريع

اذا تبينها طبقة وحدة بس

تاخذين عصير المشمش kdd و تقلبينه على النار مع ملعقة نشا لكل كوب عصير لما يثقل

و تصبينه بالمواعين و يبرد و يزن

و اذا تبينه طبقتين

تحطين الطبقة التحتية محلبية نشا و تنطرينها تبرد عدل و عقب تحطين فوقها محلبية القمردين

هالطريقة احلى من الطبقة الوحدة

و بالعافية

 

[جنى q8]

يسلموووووووووووووووووووووووو