منو تعرف شي عن الصفار

[بدون هويه]

هلا حبيبتي
انا راح اقولج تجربتي بولدي
ارتفعت نسبة بو صفار من ثالث يوم ولادة وكنت والدته بدار الشفا وقالولي تعالي ثاني يوم مراجعة ورحت لهم ودخلت على الدكتور وقالي سوي تحليل حياتي عور قلبي المهم يوم شاف النتيجة يمة خرعني جان يقول دخول مستشفى والنسبة مرتفعة !
تالي ريلي مارضى ادخلة وقال له حوله حكمومة ورحت مستشفى مبارك وعاينة الدكتور ولا يقول النسبة طبيعية ومافيه الا العافية وريحني الله يريحه ورديت البيت تدرين امي شقالت لي !
وقفي عنه حليبج وشربيه (عصفر) وحليب اصطناعي وسمعت كلامها والله يومين وراح بو صفار ورجعت رضعته طبيعي
وسوري على القرقة بس حبيت افيدج من تجربتي لاني حاسة فيج

مشكوره على الرد انا ما ادخل النت وايد اسفه على التاخير صح كلامج انا كلا ارضعه طبيعيى بس شلون تسوين العصفر ؟؟؟

 

["ليان"]

هاي .........انشاءالله الله يشفي اولدج ويروح عنه الصفار................


شوفي حطي عصفر شوي بكوب ..وصبي فوقه ماي حار وخليه ينقع لين يصير دافي ....وبعدين اشخليه وحطي حبتين سكر نبات بالمميه وشربيه ............باليوم مره وحده بس ......وراح يروح الصفار...............وسويله رضعه ثانيه ماي وسكر نبات ..............كل يوم جذي ويروح انشاءالله........................بس لاتكثرين من العصفر بس 3 حبات صغار وعطيه مره باليوم

 

[بنوته-توته]

حبوبه اعرف وحده عندها علاج ميه بالميه واسألي مجرب

 

[*وردة نرجيسية*]

الله يشافية حطية تحت النيون وعرضية لشمس

 

[غيـ الناس ـر]

هلا بدون هويه الحمدالله عالسلامه حبيبتي

اول شي انصحج بالدكتور خالد السعيد دكتور للاطفال بصراحه ما شفت مثله وفاهم حيل


انا ولدي صار فيه بوصفار وكان عادي بس المستشفى الله يهديهم حطوه تحت الجهاز .. لما رحت للدكتور كانت النسبه بعدها نفسها يعني فيه فنصحني اني احطه بالشمس ساعه .. الساعه 7 الصبح يقول احسن وقت تعرضين فيه الطفل للشمس .. وماي وسكر نبات رقمين باليوم بسسسسسسس

يعني مرتين تشربينه وكل مره يكون 30 مل ومو بعد الرضعه لأ بين الرضعات

والحمدالله الحين وليدي ما فيه شي

 

[غيـ الناس ـر]

اي ونسيت اقولج .. سألته عن النيون قالي ما منها فايده الناس كلهم حسبالهم ان نفس النيون اللي يحطون البيبي تحته بالمستشفى بس يقول هذا غير عنه هذاك ليت خاص .. فحتى لو حطيتيه تحت النيون ما راح تشوفين فايده