منو تعرف حق طيور الحب ترد علي ظروري

[thahb_q8]

انا اموت على طيور الحب وعندي 2 ذكر ونثيه وصارلهم شهر ونص عندي .. اليوم الذكر مات (( انا كنت ملاحظه ان نشاطه قل وكله ينام ماتوقعت انه يموت قولو ليش ليش يموت بسرعه؟ الاكل فيه فيتامينات وكل ابدل لهم الماي واطفي لهم الليت بليل واطلعهم الحوش كل يوم ساعه شالسالفه ؟؟ خايفه النثيه تلحقه ومابي اييب ذكر وثاني واشوفه يموت لان المنظر يلوع الجبد.
ياليت اللي تعرف وعندها خبره تعلمني :eh_s(2)::eh_s(2):

 

[همسات لليل]

هلا بك طيور الحب حساسه جدا بشكل ماتتوقعين بنسبه تقولين انك تطلعينهم بالشمس واكلهم دلع يعني باقي لك شيء واحد حذري منه وراح تلاحضينه بالقرب منهم انتبهي عليهم اكيد في جنبهم باعوض ولدغة بعوضه كافيه تموت طير الحب حاولي ترشي المكان الي فيه طيور الحب اولا شيليهم وديهم مكان ثاني ورشي المكان بالمبيد حق الباعوض تالي رديهم عقب ماتلطفي المكان ودائما امسحي المكان بالديتول المعقم ونظافه مهمه نظفي اي اوساخ تحتهم وووووتقبلي مروري

 

[thahb_q8]

مشكووووووووره حبيبتي للافاده

 

[اوركيدا نجديه]

ان شاء الله البنات يفيدووك

 

[FeShinGoOo]

واااي نفس المعاناة كل شهر طير حب ويموت .. بس انا كنت اشتريهم فروخ وكانو يموتون من البرد ..

شوفي بالنسبه للطيور صج اهم حساسيه يعني اذا طق بجسمه هوا او كلا غلط خلاص مات ..

وهم عندج شغله ثانيه يمكن اذا اهو يطير طاق راسه بشي وحايشهش نزيف ..

كان عندي طير ماشاء الله يطير ويهبل .. بس واهو يطير دعم الباب ونفس الليله مات وكان نازف دم .. من قوة الجعمه بالباب اخيييييييه :<

بس حافظي عالنثيه ونصيحه بليل غطي قفصها ابكمبل كبيرر لايدش عليها هوااا اهم شي الدفى

انا الكبل مال الطير الي مات ليلحينه عايش صارله سنه ماشاء الله لاتخافين مايموت اذا حافظتي عليه

 

[ياااريت]

طيور الحب ما يعيشون بروحهم اذا مات الذكر لازم تييبين ذكر ثاني واذا ماتت النثية لازم تييبين نثية ثانية لان نوعهم لازم مع بعض والا ترة راح تلحقه وتموت
نصيحة ييبي واحد ثاني بس اهم شي اختاريه يكون نشيط ومو ساكت ماله خلق ولاحظي ريشه اذا كل شوي نافشه وقاعد يعني مريض