منو تعرف تسوي دلاغ بالكروشيه ؟؟

[Om eL-3a9aGeeL]

السلام عليكم بنات ..

بخاطري اتعلم الدلاغ بالكروشيه
عندي خيوط تونس ودافية حق الشتا

بس ماعرف الطريقة وماعرف اقرا الباترونات

ما عليكم أمر اذا وحدة تعرف خل تشرحلي :$
وأبي شي سهل مابي فناتق يعني دلاغ عادي

 

[ㄨعلويه ㄨ]

انا اتدكر اني شفت شرح الدلاغ بمنتدى ثاني
بروح ادوره وان لقيته بجيبه ان شاء الله

 

[ㄨعلويه ㄨ]

لقيت لج هالدلاغ ومسويته <<جود الحزن>> بمنتدى اخر
تبيني اجيب لج الشرح .؟؟؟؟

 

[Om eL-3a9aGeeL]

حبيبتي والله وإذا ما فيها كلافة حطي الشرح

ومشكووووووورة وايد وايد

 

[ㄨعلويه ㄨ]

هالجورب اللي بتكون عليه الورشة على مقاس طفلة بعمر سنتين

عمل الجورب راح نقسمه لثلاث مراحل

المرحلة الاولى القدم

المرحلة الثانية الكعب

المرحلة الثالثة الارتفاع


دحينه نبتدي عمل المرحلة الاولى

نشتغل سلسال مكون من عشر غرز سلسلة

مثل هذا

بعد ذلك راح نتبدي نشتغل اول دور وذلك بعمل 3 سلسلة عوض العمود الاول ومن نفس السلسلة راح نشتغل عمودين اخرين يصيروا 3 اعمده بعدها راح نشتغل في كل سلسلة عمود الى اخر سلسلة راح نشتغل فيها خمس عواميد ونكمل شغل من الجهة المقابلة بعمل عمود فوق كل سلسلة الى ان نصل لاول سلسلة اللي اشتغلنا عليها 3 عواميد نشتغل عليها كمان عمودين عشان يصيروا خمس عواميد

شوفوا هالباترون رسمته بيدي على الورقة عشان اوضح لكم اكثر

وشوفوا هالصور من العمل

بكذا خلصنا الدور الاول

نشتغل الدور الثاني بعمل عمودين في الخمس عواميد اللي على الاطراف

شوفوا الباترون

وهذي صورة العمل

بكذا خلصنا الدور الثاني

يتبع

 

[ㄨعلويه ㄨ]

الدور الثالث راح نشتغل بلون اخر هالدور بغرزة الحشو بدون زياده

كما في الصورة

في هالصورة راح تلاحظوا بدى الشغل يزم

الدور الرابع نشتغله كله اعمده

كما في الصورة

كمان الدور الخامس كله اعمده

كمان الدور السادس كله اعمده

بررررررررررب

 

[ㄨعلويه ㄨ]

الدور السابع راح نشتغل باللون الاول بغرزة الحشو

كما في الصورة

الدور الثامن باللون الثاني كله اعمده

نفس الشي الدور التاسع والعاشر

الدور الحادي عشر نرجع نشتغله حشو باللون الاول

برررررررررررب

 

[ㄨعلويه ㄨ]

انتي سوي لين هينا وبعدين بكمل تعبت

 

[chocolat]

مشكورين يالخوات و الله انكم اتساعدون

 

[miss-fofo]

الله يعطيج العافيه علويه ماقصرتي

ماشاء الله عليج هابه ريح

 

[Om eL-3a9aGeeL]

علوية حبيبتي والله ما قصرتي تعبتج معاي !

الطريقة حدها حدها سهلة حتى عرفت اقرا الباترون وناسة

عسى الله يوفقج ويرزقج من أوسع ابوابه :*

 

[ㄨعلويه ㄨ]

مشكورين يالخوات و الله انكم اتساعدون

العفو حبوبه :ggdw:

الله يعطيج العافيه علويه ماقصرتي

ماشاء الله عليج هابه ريح

ههههههههههه الله يعافيج حبيتبي :dddds:

علوية حبيبتي والله ما قصرتي تعبتج معاي !

الطريقة حدها حدها سهلة حتى عرفت اقرا الباترون وناسة

عسى الله يوفقج ويرزقج من أوسع ابوابه :*

لا بالعكس تعبج راحه وتكفيني دعوتج
والحمد لله انج عرفتيها
بس ان خلصتي بلغيني علشان اكمل لج
وبالتوفيق خيتو

 

[A7Laa MeeMoo]

عطيج العافيه

 

[chocolat]

ممكن اتكملين اخت علويه عشان انسوي او على الاقل ننقل الخطوات

 

[Om eL-3a9aGeeL]

علوية متى ما قدرتي تكملين كملي لأنه الحين ما عندي وقت عشان ابتدي فيه :/

حدي مضغوطة امتحانات ولوية

 

[لولي**]

مشكووووووووووووووره علويه

نقلت الخطوات

 

[red tulips]

مشكورين و الله يعطيكم العافية

 

[miss-fofo]

للرفع

 

[ㄨعلويه ㄨ]

ان شآء الله بكمل

سي يو

 

[ㄨعلويه ㄨ]

الدور الثاني عشر كله اعمده باللون الثاني

الدور الثالث عشر كمان كله اعمده

ونفس الشي كمان الدور الرابع عشر

اما الدور الخامس عشر نرجع نشتغله غرزة حشو

كما في الصورة

الى هنا انتهت المرحلة الاولى من عمل الجورب

اما المرحلة الثانية وهي عمل ثنية الكعب

تبتدي من الدور السادس عشر

في هذا الدور راح نشتغل 21 عمود ونكرر هالدور 3 مرات

كما في الصور