منو تطلقت بالملجه ؟!

[فديت حلاتي]

انا تطلقت بالملكه مع اني جهزت لي اغراض

بس انا عايفته والحمدلله الله رحمني وفكني منه

 

[Pinky -cat]

االانفصال من اول احسن من عقب الزواج والدخول عليها وهالشي اسمه خطبة يعني انشالة ما ياثر والدنيا تمشي

 

[انت حب حياتي]

اكيد بحالة طلاقها رح تكون بموقف لا تحسد عليه بس اعتقد انو ما احد رح يوقف معاها الا رب العالمين فلا تهتم حق احد لانو ما احد رح يجي يوقف معاها ويمسح دموعها لو صارت لها مشكلة او موقف مع الزوج بعد الزواج فمن الافضل قبل مو بعد والله يكون بعونها وما عليها من احد

 

[modern]

طلاق الملجة رحمة و انا احترم البنت الي تطلق بالمالحة لانها تكون واعية مو جاهلة و تبي بس تتجوز

 

[mmloo7a]

عشان جذيه الوحده لازم تفكر الف مره قبل الملجة

عندها بالخطبه تكلمه وتعرف أطباعه موبعد الملجه مابيه ومابيه

خصوصا اذا جهزوا وكل شي تقعد تخسر الريال عالفاضي

لاتوافقين الا اذا كنتي مرتاحة له مو على بونه واحد خطبج على طول يلا ملجه

مايمديج تعرفينه وبتاخذين عنه فكره بأول موقف خلاص بتكرهينه وبتقولين مابيه ومابيه حتى لو بعد العرس وحتى لو اهو زين بس لانج كرهتيه بموقف واحد خلاص بتعوفينه

والنهايه البنت اهي الخسرانه


اختاري الشخص المناسب

لان هذا زواج مو لعبه

والريال اللي يخسر فلوسه بيرد يدبر ويتزوج الثانيه والثالثه لين يستمر زواجه :eh_s(7):

 

[رفيف الخير]

كل شئ بالدنيا نصيب وساعات الله كاتب لنا اليسر بس بعد عسر وطبعا الطلاق بالمجلة أهون من الطلاق بعد الزفاف وهالضيقة الي تحسين بها اشكيها لربك وسمعي هالقصة اعرف وحدة من بعيد مالجة كان باقي اقل من شهر وتتزوج ومتحمله الضيم ولا تتكلم ظروفها صعبة لان أبوها متوفي وأمها تزوجت وعايشه مع إخوانها من أبوها ومرت أبوها وبالصدفة سمع واحد من إخوانها وهو يهدد فيها لانه طبعه شكاك مايرضى تطلع حتى مع خواتها وانقبلت بجامعة لها مستقبل رفض أنها تدرس فيها وضاعت فرصة حلمت بها وايد وهي بالعه موس وساكته المهم لزم عليها أخوها وقالت له عن أشياء وايد صابرة عليها قال لها تتطلقين الحين ولو ما جاء لك نصيب أحسن من تعيشي بالهم والمرض مع واحد مثله طبعا انكر كل شيء وسأوم عال طلاق وتكاليف الخطوبة ودفعهم كل فلس صرفه عليها وبعد ماتم الطلاق جاء البيت قال أنا شاري لها كرسي كمبيوتر أبي فلوسه وبعد يومين توفت أختها بالعشر ينات وعندها ولدين وعاشوا فترة من أسوء ما يكون والكلام قبل سنه والحين من يومين سمعت من أختها أنها أنخطبت وتنقي الشبكة للمجلة الله يتمم لها على خير ويسهل أمورك وثيق أن ربك كريم والي له نصيب بيلاقيه

 

[طريق السعاده]

عشان جذيه الوحده لازم تفكر الف مره قبل الملجة

عندها بالخطبه تكلمه وتعرف أطباعه موبعد الملجه مابيه ومابيه

خصوصا اذا جهزوا وكل شي تقعد تخسر الريال عالفاضي

لاتوافقين الا اذا كنتي مرتاحة له مو على بونه واحد خطبج على طول يلا ملجه

مايمديج تعرفينه وبتاخذين عنه فكره بأول موقف خلاص بتكرهينه وبتقولين مابيه ومابيه حتى لو بعد العرس وحتى لو اهو زين بس لانج كرهتيه بموقف واحد خلاص بتعوفينه

والنهايه البنت اهي الخسرانه


اختاري الشخص المناسب

لان هذا زواج مو لعبه

والريال اللي يخسر فلوسه بيرد يدبر ويتزوج الثانيه والثالثه لين يستمر زواجه :eh_s(7):

:eh_s(17):

شرعا مايجوز لها تتكلم وياه وتتعرف عليه الا بعد الملكه وعرفا حنا مايتكلم ويقعد معنا الا بعد الملكه قبل الملكه بس نظره شرعيه ونسال عنه عند الناس واستخاره لكن طباعه وتعامله وشخصيته ماتكتشفينها الا بعد الملكه واغلبهم بعد ماينكشف ويبين الا بعد الزواج ..

ف عشان كذا انا اشوفه عادي لان من ابسط حقوقك تقررين حياتك وش تكون شنو لو فيه شيء تسكتين ع ابو ماتطلقين لا جدا عادي وكثيرررر حولي تطلقو بعد الملكه وع اخر الايام بعضهم اصلن ع هوشه او اختلاف بسيط طلق وبعضهم يكون الكل يمدحه بس شخصيته معك سيئه وافكاره وماحسيتي نفسك رح تسعدين معه ف الطلاق قبل الزواج احسن صراحه و الامور هذي مقدر ومكتوب ونصيب

وكلام الناس مايودي ولا يجيب الوحده تستخير وتقرر وتسوي كل شيء هي مقتنعه فيه وتشوفه مصلحتها ..

 

[bal8es]

الناس ماترحم بس القافله تسير والكلاب تنبح اذا بنقعد نقول الناس والناس مانخلص والى بتكمل بزواج مو مرتاحه و لامتفاهمه فيه عشان كلام الناس ما ردها يتنفصل وبدال الهم بتصير بهمين همها و هم عيالها اذا الله رزقها
فالي تطلق من فترة الملجة حتى اذا الناس قالو العيب فيها فمليون بالميه خيره لها وماتوقف الدنيا كلها ارزاق من رب العالمين

 

[معزوفة عشق&]

انا صديقتي الانتيم تطلقت بالملكه وبعد انفصالها بفتره مو كثير طويله تقدمو لها ناس والحمد لله تزوجت والحين حامل
ربك ياخذ شي ويعوض بشي احسن منه

 

[sona87]

انا تطلقت بملجه
والسبب منه ...

لكن عقبه الحمدالله تقدموا لي وااايد والله


والحين انا متزوجه والحمدالله

ماله شغل الناس كل شي قسمه ونصيب

اعرف بنات ماتزوجوا ما انطق بابهم ومطلقات نصيبهم ماشاءالله
الارزاق بيد الله

 

[قمرية الفيس]

اكيد قبل الزواج اهون صج بتمر بظروف صعبة لكن بس تتزوج راح يكون شيء لم يكن عكس الي تتطلق بعد الزواج مستحيل تنسى تجربتها السابقة بالعكس بتذكر اكثر وتزيد المقارنة
واذا عندها عيال اوووووووو اللهىيعينا راح ياثر حتى ع زواجها الجديد
فانا ارى الطلاق قبل الملكة مثل طقة الكوع لا اكثر ولا اقل

 

[أحلى البشر]

شدعوه شدعوه كل هالخووووف صدمتيني ههههههه وعاد مالقيتي الا تقريت راي الشباب بالنت :/
بعدين شكوووووووووووو شكووووووووو اللي تتطلق بالملجه عليها حجي لايبا غلطاااانه شكثر اعرف بنات تطلقوا بالملجه بالعكس اكتشفته قبل لايدخل عليها والا تحمل ويطيح الفاس بالراس ولا احد تكلم عليهم ولاشي هذا نصيب وربي يرزقهم احسن منه

 

[M!SS.LOBY]

لا حول ولا قوة الا بالله

 

[M!SS.LOBY]

الله يرزقج بالزوج الصالح

 

[صعبه]

شكثرهم اللي تطلقتو بالملجـه

وعادي خذذو اللي احسن منهم عقـب


السالفه كلها نصييب .. وخلوو ظنكم بربكم حسن

 

[ماكواسم2]

اكيد بالملجه احسن الف مره من الطلاق بعد الدخله والزواج ..يمكن لانج مو متزوجه فما اتحسين بهالشئ

 

[دانة_ دبي]

الطلاق بالملجة احسن من العرس

 

[عاشقه رويشد]

اي اعرف وايد ناس وبالملجه احسن من العرس

 

[شربـــات لـــوز]

الزواج قسمه ونصيب
انا بنت عمي تطلقت من غير مايدخل عليها وحيل انظلمت ونفسيتها تعبت بس سبحان الله ربج رزقها بريال يسواه هذاك بمليون مره وبنفس السنه بعد
ماشاءالله عسى ربي يهنيهاا

 

[يارب دبرني]

ربي عوضني خييييير