منو تطلقت بالملجه ؟!

[][ sarah ][]

السلام عليكم


بنات في موضوع شاغل بالي ومو مخليني انام ابي اعرف رايكم او تجاربكم

شرايكم باللي يتطلقون بالملجه ؟! شنو نظره الناس لهم خاصه البنت تحسون انها ممكن تنظلم ويقل نصيبها ؟!

سمعتوا احد تطلق بالملجه وشلون !!! خاصه اذا العرس كان قريب
يعني البنت مستانسه وقاعده تجهز او مو شرط مستانسه بس المهم جهزت تقريبا واخر شي كل شي اخترب !!!!!!!!!

سمعتوا من قبل عن احد جذي !! يعني كل شي تكنسل باخر لحظه وبعد التجهيزات

مادري شلون افهمكم اللي ابي اعرفه ولا اقدر اقولكم الوضع :eh_s(16):

بس ابي احد يفهمني ويريحني ويجاوبني بكل صراحه


فيه فرق بين الطلاق بالملجه وبعد الزواج !!!!!!!!!!!

انا احسه بالملجه اهون لان مادخل عليها بس قريت بالنت اراء حق شباب تعور القلب وتذبح

ماكنت حابه انزل نفس هالموضوع بس ابي اعرف


ياريت تجاوبون وقبل كل شي ادري كل شي نصيب بس ابي اعرف نفسيه البنت شلون خاصه حق اللي جربوا اكيد كلام الناس مايرحم وياثر عالبنت ونفسيتها !!!!!!!


وااااااااااااي بس ماابي اقرق اكثر :eh_s(11):
وياريت تجاوبون بدون لاتحطون في بالكم ان انا المعنيه بالموضوع
الموضوع عام وممكن ينطبق على اي بنت

 

[أعرفك نفسي]

الطلاق بكل الاحوال في هالمجتمع ما يرحم

 

[دفى نجد]

صدقت إختي اللي فوق الطلاق بكل احواله وأسبابه مايرحم

 

[الفدعى]

الحين نظرت الناس تغيرت لان في كل بيت كويتي بنت مطلقه او بنتين من نفس البيت محد خالي يعني احنا بفريجنا

والله والله ان اغلب جيرانه بناتهم مطلقات والبيت الي جنبنا بنتين مطلقات لحد يقول ان الطلاق بكل الاحوال مايرحم او

ان الناس ماتنرحم شوفو حوالينكم اخت او بنت عم او بنت خال اومن الجماعه جم وحده مطلقه او واحد مطلق

وطلاق ف الملجه افضل من طلاق بعد العرس

 

[مطيريه ماركه]

عـــــــآدي جدآ ً
مو شرط هو آللي مطلقهآ يمكن هي عآيفته !
عمّتي خلعت زوجهآ بـ آلملجة مثل مآتخلع آلضرس
مآتبيه وآخذت سيد سيده
آلزوآج نصيب وآلنّآس حيل تدخل في آمور مآتعنيهآ
حتّى آلميت مآيسلم منهم
عيشوآآ حيآآآتكـم

 

[Australia girl]

مع مطيريه ...

لابد من الاستخاره ..والله يوفق الجميع

 

[ba6boo6ah]

الزوآج قسمة ونصيب وتوافيق من رب العآلمين أنا بنت عمي تطلقت بالملجة وكآنت بدآية تجهيزهآآ
والحمدلله تزوجت بعدها بفترة قصيرة وهي حآمل اللحين الله يتمم لها ع خيــر ,, مو شرط أن البنت تطلقت
يعني فيها عيب او العكس الولد فيه عيب يمكن مآرتآآحو مع بعض

 

[Tame]

اي في ناس وايد جذي بس تهون من الطلاق بعد الزواج لان تكون بعده بنت ومادخل عليه وفالمجنمع الخليجي يعتبر خطبه مع ان طلاق فيقولون انفصلو لان ماعندنا نفس الدول العربيه وقت خطبه الا فتره بسيطه فالملجه يتعرفون على بعض واذا عن الناس على كل شي يتكلمون كان مافيهم عيوب *

 

[noo7a]

اعرف وحده قريبه مني تطلقت بالملجه
اول شي كان الموضوع صعب عليها لان خايفه من الناس شبيقولون تطلقت بالملجه اكيد شاف عليها شي و مانطر لي العرس
بس الحمدلله الله كشف عن الريال و الناس عرفو حقيقته
وبما انها ما عليها عده بنفس شهر طلاقها تقدم لها واحد مني حست ان هالخاطب الله يابه لها عشان يطمنها ان الدنيا بخير
و بالعكس كثرو خطابها بعد ما انفصلت قبل لا كانت تطلع ولا تروح مكان محد يعرفها بعد انفصالها وايد ناس عرفوها و خطبوها
و مشالله قبل لا تمر سنه على ملجتها الاولى ملجت مره ثانيه و الله عوضها خير الحمدلله

 

[iLLuMinaTion]

قسمه ونصيب

يمكن يكون احسن لها قبل الدخله

 

[جوك احلى جو]

بيه شكثر اسمع والناس تغيرت الحين وايد

كل شي نصيب ممكن المنفصله احسن من حظ البنت الغير متزوجه بالنهايه اللي الله كاتبه لها بصير

 

[FeShinGoOo]

عادي عندي 3 من بنات خالاتي اتطلقو بالملجه وكلهم متزوجات لا واتزوجو باقل من سنه عقب طلاقهم والحمدالله


كله نصيب مو الشباب اهم الي بيحددون مستقبلج ونصيبج رب العالمين اهو الي كاتبه لج

 

[الجو رايق ~]

زميلتي ماشاء الله عليها حيل حبوبة ملكت وماكملت فرحتها بملكتها
نطو لها عمامها الا تتطلق على ابو انه مو من مواخيذهم ومدري شنو
>>> بدري يصحون من النوم
وتطلقت غصب عنها وغصب عن الرجال مع انه كان متمسك فيها ..
والحمدلله هذا توها من قريب ملكت مرة ثانية وانسترت وكله ارزاق من رب العالمين

وعني رايي الشخصي تطلق في الملكة افضل من عقب العرس
عالاقل الاسباب بتكون واضحة للكل شنو سبب الطلاق ولو كان الزوج نذل مايقدر يلصق فيها اشياء
مو عقب العرس بشهر او اسابيع الناس بتحط في البنت وانه اكيد فيها شيء
والرجال ماحد يفكر فيه ولا بيحط فيه ربع عيب ..

​

 

[مولاي الفرج]

الله يرزق كل مطلقه مظلومه يارب

اللهم صل على محمد وآل محمد

 

[saso]

امممم عادي حبيبي

وحده من قريباتي كان خطيبها بخيل وغبي وكل الصفات السيئه فيه وكل الناس يحذرونها منه وهي طلبت الطلاق ورتاحت منه

مع انه كثييييير خطبوها بعد مافتكت منه وهي رافضه وخايفه ان التجربه الثانيه تفشل

لكن ماسلمت من كلام الناس وطلعو عليها كلام يسد النفس

 

[اميره1980]

رفيجتي تطلقت بالملجة و اهي طلبت الطلاق لان حيل حجر و ما يرضا تطلع و لا تتوظف و لا تسوق و لا اي شي بلحياة وايد متشددو امس استغربت منها لان بعد طلاق دام 4 سنوات تبي ترجع حقه مره ثانية مع ان ولا شي تغير فيه و للحين متشدد و تقول شاريني و للحين يبيني و استخرت و مرتاحة
الله يتمم عليها و يسخره لها يا رب

 

[dectora 7elwa]

بالملجه احسن من بعد الزواج

 

[نفهمها صح]

ناس
ميعجبهم العجب

 

[ريمي اميري]

كثرت الطلاقااات ولله من زين الرجاااااااااااااااااااااااال قليلين الادب ,, ماااالت عليهم
ولله من جد احس صاااار و قله الرجاااال الي مثل ابهاااتنا والكبااار تلقين
الواحد يفرش لك ورد ودلع بالبدايه ولمن تجي الصجيه يدقر لك على كل حركه وكلمه ويحاااول يمسك عليك
صراه هذا الي اسمعه من صديقاتي وبعض اقاربنا الله يكتب لكل مضلومه الفرج والسعااااده والتوفيق والغنااااء قولو امين
الله لا يحوجناااا لضالم

 

[ساره الخليفه1]

قسمه ونصيب