منو تساعدني .. عندي فصل من كلية التربيه .. شراح يصير فيني ؟؟

[الذبانه الحايره]

بنات أنا مخلصه 58 وحده بالكليه ..

وجاني 4 إنذارات تخصص و5 عام



وكله إهمال مني


كل كورس معدلي قاعد لو نتفه بس هالكوس التخصص نزل عشرين .. و العام نزل 18 عشر .. ..

أنا مفصوله بس ماخذه صيفي لأنه ما يعتبر فصل يعتبر مكمل للكورس الثاني


شراح يصير فيني ..
التخصص كان صفر . 72 ..صار صفر . 70

والعام كان 1 . 90

ألحين صار 1 . 72




منو صارلها هالشيء وشنو تنصحوني فيه .. تعبت و خايفه من الفصل عقب هالروحه و الرده

 

[الذبانه الحايره]

أنا بالأساسيه مو الجامعه

 

[أشــواق]

هلا وغلاا

بصراحه معدلج حيل نازل

كلمي العميده نفسها او روحي العديليه كلمي التسجيل هناك

انا وحده من رفيجاتي صار لها جذي وعطوها 4 انذارات

وكلمت العميده وقالت بعطيج فرصه اخيره

وانتي حاولي مع العديليه وحاولي مع العميده او المساعد

وراح يفيدونج اما اذا اعتمدتي على التسجيل اللي بكليتنا ماراح تستفيدين

روحي العديليه احسن

وان شاءالله البنات يفيدونج اكثر

والله يوفقج ويسهل عليج امورج

 

[الذبانه الحايره]

شكلي بروح العديله المشكله .. حتى لو رفعت التخصص ..

المشكله ماخذه 8 وحدات تخصصي هالصيف .. ومو ماخذه ولا وحده عامه ..

يعني التخصص راح يزيد .. حسبت لعمري لو أجيب فيهم كلهم سي .. بلس .. وبي ماينس .. << ماضربت بالعالي عشان لا أنصدم ..

راح اجيب نقطه .. و 80 .. زين .. .

أما العام راح يبقى على حاله لأن ما في شيء راح يرفعه .. ؟؟

شسوي

أروح العديله متى ؟؟

ومنو أكلم هناك ؟ ؟

 

[الفراشة الجميلة]

والله يا روحي ماعندي فكرة بس شوفي بالتسجيل ، شلون تصير حسبتج وشدي حيلج بالكورس الصيفي ترا لو تجيبين امتيازات يرتفع حيل

 

[الذبانه الحايره]

أي عميده ؟؟ مالت الكليه ؟؟

ماضنتي بتنفعني ..؟؟

إذا ما غسلت شراعي وقالت يا الفاشله .؟؟ خخخخخخخخ

أستاهل .. بس .. شنو تقدر تسويلي .؟؟

وبعدين سمعت بنات .. خذو 7 و 8 إنذارات ...؟؟ << << ناويه عليهم .. خخخخخخخخ

يعني شسوي؟ ؟

 

[أشــواق]

روحي العديليه بااجر وراح يساعدونج

ترا ايحطون انذارات جذي مافي ولابنت لحد لحين انفصلت لاتحاتين

روحي باجر ضروري
وكلمي رئيس التسجيل
او واحد هناك الدكتور محمود فخرو اتوقع اسمه جذي او اسالي اي احد هناك وهم يفيدونج الموظفين

ولاتحاتين ترا مافي بنات انفصلو يعطون مهله

والله يخلي الواسطه بدزه وحده

وبالتوفيق حيااتي

 

[الذبانه الحايره]

أنا أصلا ماعندي .. مواد تخصص واجد .. تخيلون جم ماده .. ماخذه تخصص؟ ؟

وخذيت عليهم 4 إنذارات ؟؟

13وحده بس ... رسبت ب 4 وحدات منهم .. يعني معديه .. بس 9 بس ؟؟؟

وهالكورس عايده ماده وحده من اللي رسبت فيها .. وماخذه إعاده ماده وحده .. من اللي جبت فيهم دي ..

وخذيت مادتين .. جدد ..

بس هم خايفه ..

 

[الذبانه الحايره]

روحي العديليه بااجر وراح يساعدونج

ترا ايحطون انذارات جذي مافي ولابنت لحد لحين انفصلت لاتحاتين

روحي باجر ضروري
وكلمي رئيس التسجيل
او واحد هناك الدكتور محمود فخرو اتوقع اسمه جذي او اسالي اي احد هناك وهم يفيدونج الموظفين

ولاتحاتين ترا مافي بنات انفصلو يعطون مهله

والله يخلي الواسطه بدزه وحده

وبالتوفيق حيااتي

منو يقولج ما في بنات إنفصلو .. . الإخصائيه ... لتخصصي المنيل بستين نيله ...

تقولي في بنات .. ددرسو 4 سنين و 5 سنين و أخرتها إنفصلو .؟؟

وأنا قعدت مع بنات .. شكثر يقولون . ..إحنا عندها 7 و8 إنذارت وللحين .. قاعدين ..

ونص هالبنات .. اللي قالولي هالكلام .. أدورهم مو لاقيتهم بالكليه ..؟؟؟

معنهم ماكانو خريجات ...؟؟
:0bee2e8d89:

أدورهم و أبجي .. أبجي ..

خايفه يصير مصيري مصيرهم ..

 

[أشــواق]

اعرف كذا بنت نفس حالتج وحده راسبه 5 مواد تخصص وناجحه بس بالعامه والاختياري

ماعليج روحي العديليه وكلمي محمود فخرو اتوقع اسمه جذي ومثل ماقلتلج بالرد فووق

ولاتحاتين روحي باااااااااجر احسن لانه توه ابدايه الدوامات

 

[الذبانه الحايره]

وحده من أهلنا إنفصلت من التجاري ..<<< ركزي التجاري .. وما نفعها لا وزير .. ولا غيره ..؟؟

ألحين .. دورات خاصه ؟؟ عقب تعب سنيتين .. بدال لا يخرجونها .. ويعطونها شهاده كل يوم طاقه حولي. .

قالولها مع السلامه ..؟

 

[أشــواق]

اقصد حالات ناادره ينفصلون فيها والاخصائيه تبي تخرعج عشان تشدين حيلج
انزين كلمي الاخصائيه تساعدج رفيجتي الاخصائيه قالت بعطيج اخر فرصه
وانا بصراحه للحين ماسمعت بنات انفصلووو

 

[الذبانه الحايره]

أقولج شغله .. مخليه عيوني . جنهم طماط من البجي ..
دشيت الموقع . ويقولولي .. الطالب غير مستمر ..

مت من البجي معني أداوم بس الكلمه تخرع ..

ياويلي ويلا .. عسا ما عقب هالعنوه كل يوم للشاميه .. تاليتها .. أرجع جني ما درست .. ولا هم يحزنون .. ؟؟

 

[أشــواق]

يووووووووه معقوووله ؟

شوفي روحي العديليه وشوفي شنو يقولون لج يمكن التربيه غير يراعون اكثر ولانها بكالوريوس
بس هم تعتمد على الحظ على قولتج بنات 8 انذارات وومانفصلوو انتي وحظج

 

[أشــواق]

ياقلبي والله حااااااااسه فيج

بس مالج الا العديليه او العميده روحي شخسرانه وقولي في بنات عندهم 8 انذارات وموفاصليهم قولي كل اللي بقلبج

 

[الذبانه الحايره]

اقصد حالات ناادره ينفصلون فيها والاخصائيه تبي تخرعج عشان تشدين حيلج
انزين كلمي الاخصائيه تساعدج رفيجتي الاخصائيه قالت بعطيج اخر فرصه
وانا بصراحه للحين ماسمعت بنات انفصلووو

ما فهمت شنو رفيجتج الأخصائيه ..؟؟

عموما جزاج الله خير.. علمتيني علأقل أروح لمنو هناك .. كنت ضايعه



فخرو .. شنو وضيفته بالضبط ؟؟

عشان أروح أسئل عنه ؟؟

 

[أشــواق]

لا مواخصائيه راحت رفيجتي عليها وقالت لها قالت بعطيج فرصه اخيره

والله مدري شنو بس مره كلمته عشان احول من التجاري للتربيه وساعدني حييل اول ماتروحين العديليه اسألي عنه
او قولي لهم انه عندج انذارات وتبين احد يساعدج وهم يقولون لج منو بهالمجال

 

[الذبانه الحايره]

جزاج الله خير. .
عساها بميزان حسناتج .. ويخليلج أمج و أبوج . .ويرزقج .. << جني طراره .. و الله حالي يكسر الخاطر ..


ههههههههههه ...

الله يعينا ...

 

[لؤلؤة الكويتْ]

sorry

بس بغيت اعرف انتي شنو تخصصج ؟؟

 

[|| NouF ||]

انا وحدة من جماعتنا

عقب 4 سنين بالتربية الاساسية انفصصصصصصصصصصلت

وجنك يابوزيد ماغزيت ...

انتي بدآل لاتسألين البنات شنو رآح يصير فيج

روحي حق الإرشاد بكليتج .. انا بالجامعه عشآن جذي ما اعرف نظآمكم

روحي الارشاد او العمآدة اسأليهم ...

وانتي صراحة غلطانه خذيتي مواد جديدة

مفروض تعيدين مواد سقطتي فيهم
عشآن يرتفع معدلج اكثر