منو تدرس جيولوجيا في الثانوي *** ضرووووري *** دشــــــواا

[*** دلــــع الكــويـت ***]

السلام عليكم ابلات

اشلونكم

حبيت اسأل مدرسات الجيولوجيا في الثانوي

صج مرتاحين ؟؟؟

جم نصابكم ؟؟ جم مرحلة تعطون ؟؟ اشلون توجيهكم ؟؟

هل الماده سهل تدريسها؟؟


اشلون النظام الموحد وياكم ؟؟

هل صحيح ان الجيولوجيا الغت من الصف العاشر ؟؟ هل بيردونها ؟؟


وشكـــــــــــــرا واسفه على الإطاله بس ابي رأيكم بصراحه لاني بنقل من المتوسطه للثانوي

انتظركم:tek:

 

[local]

انا مو معلمة جيولوجيا ابس اقدر افيدك بالتالي:
الجيولوجيا فقط للصف الحادي عشر العلمي. حصتين بالاسبوع لكل فصل.
نصاب المعلمة حسب فصول المدرسة.. التعب في تصحيح الامتحان إذا المدرسة فيها معلمة وحدة
التوجيه جيد جدل..بس وايد يسوي ورش عمل وندوات واجباري المعلمة تحضرها حتى لوعندها حصص..لازم تبدلهم.
معلة الجيولوجيا تدرس الاختيار الحر (زراعة وتخضير) مع معلمات الأحياء
اتمنى اني افدتك

 

[*** دلــــع الكــويـت ***]

يعني يالغاليه شايفه انها مرتاحه والا المتوسط اريح؟؟

مشكوووووووووره يالغاليه عالرد وماقصرتي

 

[local]

والله مالي علم بالمتوسط .. بس اشوف انها مرتاحة .. تنضغط وقت الامتحان بس

 

[*** دلــــع الكــويـت ***]

جزاج الله الف خير وماقصرتي

 

[*** دلــــع الكــويـت ***]

للرفع

 

[*** دلــــع الكــويـت ***]

uuuuuuuuuuuuuuuuuuuupppppppppppppppppppppppp

 

[قوطي نيدو]

انا مو مدرسة جيلوجيا

بس شالو الجيلوجيا من الصف العاشر

 

[ريماا]

اختى مدرسة جيولوجيا كانت ثانوى وبعدها ردوها متوسط والحين ردت الثانوى
حيل مرتااحة واهى تحب التعامل مع بنات كبار عشان جذى اهى مرتاحة اكثر مع الثانوى بس ليش انة نصابها مو واايد فيعطونها الاحتياطات والاشراف مراات
اهى لو مثلى تحب المنتديات جان خليتها ترد عليج بس اهى تموت عالمواقع الاجنبية والتعليمية كللش مالها بالنتديات النسائية
وحياج

 

[!!.. غير البشر ..!!]

احنا مدرستنا عندنا ابلتين جيولوجيا وفي ابلة احياء همن تدرس معاهم
ويدرسون بس 11 واحنا بس 5 صفوف لان احنا طالباتنا شكثر بس المدآرس الثانيه اقل ..
والابله مرتاحه حتى الامتحانات تصليحها مايتعب لان ابلات الاحياء يصلحون معاهم وحصتين بالاسبوع بس
وابلتنا تدرس صفين بس

 

[*** دلــــع الكــويـت ***]

مشكووووووورات عالمرور

 

[wishesangle]

انا مدرسة جيولوجيا ... بصراحة مرتاحة جدا جدا ... و على فكرة السنة الي طافت درست متوسط اجباري لان لغو الجيولوجيا .. و بصراحة تعبت من الجهال الصف السادس و السابع و كان النصاب عالي ... بس هالسنة رجعت ثانوي

و نصابي اربع حصص بالاسبوع لان عندنا صفين علمي .. و في مدرسة جيولوجيا معاي بس ماخذة اجازة امومه و اذا ارجعت بصير الوضع عسل انا اشيل صفين و هي صفين ............. اما بالنسبة لزراعة فمدرسات الاحياء شايلينها عندنا

 

[*** دلــــع الكــويـت ***]

مشكوره حبيبتي عالرد

انتي اي ثانويه ؟؟

واشلون على التصحيح والاشراف والمربيه وهالشوالف من شغل الاداره ؟؟

هل موجود عندكم؟؟

وبالنسبه للتوجيه هل يطلب شغل ؟؟

 

[*** دلــــع الكــويـت ***]

؟؟؟

 

[نـــــوف]

معلمات الجيولجيا لا يزيد نصابها عن ال8 حصص في اسوا واصعب الاحتمالات


بس اريح الف مرة من المتوسط لانج تدرسين منهج واحد بس والماده خفيفه وسهله والبنات كبار وبنات العلمي احسن بنات بالمدرسه


قسمج قليل حدكم اربع الى 5 معلمات بالكثير

يعطون احتياط بس لا كنترول ولا مربيه لان قسمج شويه

التوجيه حسب المناطق طبعا ما نصحج ابدا بتوجيه العاصمه لانج راح تنتحرين


طلبات التوجيه في الغالب بحث مسابقه علميه على مستوى المناطق واختبار فترة دراسيه اولى

كلش كلش يبون ندوة

احسن وافضل تخصص واخف جدول على مستوى التدريس جيولوجيا ثانوي واذا تبين اي شي خاص بالماده راسليني عالخاص عندي شغل يطلعج متميزة من اول سنه

 

[*** دلــــع الكــويـت ***]

مشكووووووووووره يالغاليه عالرد

جيكي عالخاص

 

[*** دلــــع الكــويـت ***]

للرفـــــــــــع

 

[*** دلــــع الكــويـت ***]

للرفع

 

[moony77]

ادري انه الموضوع قديم بس برد واجدده

انا متوسط الحين بس تخصصي جيو وودي الحين اطلع عقب ما غيروا المنهج وانا في المنطقه العاشره شنو احسن مدرسة فيها واتهقون في نقل هالايام اذا في واسطه لان خلاص ما ودي اكمل في المتوسط عقب هالمنهج الانتحاري لاني بنتحر لو استمريت هالسنه ردوا على الله يعافيكم