منو تدرس الفنيه التربيه الاساسيه؟ سمعت وايد اشياء عن هالتخصص..

[SKY123]

حبيبتي حياج دشي شوفي الموضوع...
































بنات انا بقدم حق التربيه الاساسيه تخصص فنيه بس في وحده اعرفها كانت تدرس اهناك انصحتني ما ادش اهناك.
ليش؟
تقول انه التخصص معقد!! وطلباتهم واااااااايد ما اتخلص.. وما تحصلين هالاشياء الا عند مكتبه بحولي مادري وين وتقول انا كل يوم رايحه اهناك حق طلباتهم.

وتقول بعدين اذا تخرجتي وصرتي مدرسه لازم تشترين اشياء حق الطلبه حق الرسم على حسااابج اييي شيي مو انا بنك!!

وفي وحده قالت لي انه هالتخصص ااااااخر تخصص ينهدوون. بالكليه.. متأخر حييل!!

وسمعت انه يعطونهم مواااد غريبه مالها شغل بالفنيه وصعبه بعد.


اللي تدرس في هالتخصص او تعرف وحده تدرس اهناك تعطيني رايها شرايكم؟
ترى الليله التسجيل.. شرايكم


سؤال اخير تنصحوني فنيه ولا بدنيه؟

شكرا
باي

 

[ام اللقافه]

انا ما ادرس فنيه

بس اللي اعرفه

ان اكيد راح تكون طلباتهم وايد لان هالتخصص كله عملي
و شي طبيعي محاضراتج تخلص وقت متأخر لان مدة المحاضره ساعتين و ثلاث و اربع
ويادوووب يكفيج الوقت

و ترى مافي تخصص مافي تعب و شغل

وانا عمتي مدرسة فنيه
تقول هذاك اول اللي تصبغين المدرسه و تشترين من فلوسج
الحين في ميزانية تعطيج اياها الاداره
يعني لانج مدرسة فنيه فأكيد تعرفين بالالوان ، و تناسقها ،، فياخذون رايج بس !

هذا اللي اعرفه
مادري شوفي ردود البنات الثانيين

 

[جوجوحبي]

امم عاد انا حاطه رغبة اولى فنيه

عادي الاغراض نشتريها سهله بس انتي خوفج من الدراسه

دام كلها رسم ماتوقع تعقيد

انا اتوقع ان الفنيه احسنلج وماادري

 

[SKY123]

اوكي

بعد


اب


اب

 

[SKY123]

 

[ياحلاتي قمر]

والله انا مو فنية بس تخصص له علاقة بالفن بكلية ثانية ماحبيت مارد على الموضوع
واقولج كل تخصص فيه عملي لازم تظلين لوقت متأخر

واذا على الاغراض طبيعي طلباتهم وايد لان رسم وعملي وفن

انا اعتقد ان يبيله طولة بال ويبيله انج تكونين صجججج حابه التخصص وعندج استعداد تروحين كل ساعة تشترين اغراض لان فعلا يحتاج ميزانية احنا بعد بتخصصنا وايد صرفنا على الاغراض

انتي فكري واختاري الانسب لج

 

[غمـــ ^^ ـــازه]

حبيبتي انا اختى تخصص فنيه واشتغلت صارلها 6 سنين مدرسه

بالكليه اتقول طبيعي بنتعب علشان الدرجات بس بالوظيفه حدها مرتاحه وكل شي من الوان وكراسات وبتكس وكريشه توفر من ميزانيه المدرسه

يعنى انتى موملزومه تصرفين من معاشج على اليهال

بس لازم واسطه انا فنانه وربي رسامه قدمت وماقبلوني لازم واسطه اقبلوني انجليزي لو ادري انجليزي جان دشيت الجامعه

بس بحاول احول ادعيلي الله يوفقنى واحول

 

[انين الصمت]

انا تخصصي فنية ,,,,

ومثل ماقالولج البنات بانسبة للساعات الدراسة ,, مواد التخصص على 3 و 4 ساعات ,,
يعني ساعات نطلع الساعة 5 اكثر شي وفي دكاترة يطلعون ابجر ,, ,,

بس والله مانحس باليوم ووناسة وبالعكس ماشوف في تعب لاني حابتة
وبعدين بسالج انتي حاطتها رغبة اولى عندج واسطة ولالا لان ماتنقبلين بدون واسطة

وعلى التكلفة ,, ممم ماكلفني شي هالكورس ,, بس على حسب المواد اللي بالكورس وطلباتهم ..
بس تلقين الشغلات كل المكاتب ,, دسمان حولي , في اماكن متخصصة حق مواد الفنية وسهله انج تحصلينها

وعلى لمن تشتغلين يكون على حسابج نوو ,, مثل ماقالولج يكون عندج ميزانية من المدرسة تصرفين منها ,,

والتخصص حيل حلوو حق اللي يحبة ,,,

واي شي تبينة سالي ,, ^_^
بالتوفيق ,,,

 

[SKY123]

انين الصمت:
اختي ما عندي واسطه انا يعني بحطها رغبه اولى لو عندي واسطه جان دخلت الانجليزي من البدايه.

انزين في سؤال يصير بعدين احول من فنيه حق انجليزي ولا لأ؟

 

[انين الصمت]

اي يصير تحولين من فنية لي انجليزي اعتقد بس لازم تعدين امتحان قدرات الانقلش
والفنية محد يدشها من غير واسطة , , , يعني دام ماعندج واسطة ماراح يحطونج بالفنية
يشوفون رغباتج اللي بعد الفنية ,,

 

[36uofaa]

موفقه :*

 

[SKY123]

الله يستر مادري شسووي بعمري

 

[انين الصمت]

توكلي على الله واللي الله كاتبلج ياه اهو الاحسن ومالنااعتراض علية ^_^

 

[SKY123]

صح كلامج 100%

 

[لؤلؤة الكويتْ]

شمعنى يعني الفنيه لآزم وآسطه !!!

 

[زينن ع زين]

أختي أنين الصمت ...

ما قصرت


و انا معاها صح تعب بس وناااااسه

 

[Mort 7aSSon]

بالعكس ترا وايد يبالغون ان طلبات الفنيه واااايد لا بالعكس

بس انا اقولج انتي صج اول ماتنقبلين راح تشترين وايد اغراض بس اغلبهم يقعدون معاج

لييييييييييين تتخرجين يعني تطلعين فلوس فلوسهم

وبالنسبه على وقت الطلعه ترا عادي مو تطلعين ماتلاقين احد

لا عادي في بنات بالكليه وبعدين اغلب الدكاتره 3 3ونص ايمشونا

واذا عندج شغل ما في مانع تقعدين لييييي الخمس

وبالنسبه حق التوظيف انتي مو ملزومه غير بشرحج وادواتج

ولو ان التخصص صعب او وظيفته صعبه

جان مو طق مطاقق عليه وماتنقبلين الا بالواسطه !!

توكلي على الله وخلج بالتخصص ترا حتى دكاترته يهبلون الا اللهم جم واحد ينعدون على الاصابع

 

[انين الصمت]

لؤلؤه الكويت ,,
لول والله مادري شلحكمة ,, بس اعتقد حتى البدنية ورياض اطفال واسطة ,,
يعني في تخصصات معينة فيها واسطة وشلحكمة الله اعلم ,,

 

[SKY123]

مشكووووووووووووووووورين للجميييييع

 

[البطريقة البردانة]

و الله أقولج إستخيري و خليها على ربج ... كلام البنات وايد...و كل واحد أدري بنفسه و قدراته...
التخصص حلو و الكل يمدح فيه وأساسا ما في تخصص ما فيه طلبات و يتعب الحيالة جذي ..