منو تافخة خدودها او شفايفها بمادة هيالورونيك اسيد ؟؟؟؟

[الفجر البعيد222]

السلام عليكم

شلونكم بنات

عيدكم مبارك وتقبل الله طاعتكم


موضوعي واضح من العنوان

انا من شهر ونص تقريبا تفخت خدودي وشفايفي عند اسماعيل ندا بمادة هيالونيك اسيد ومدحها لي وصعدها للسما
مع اني وصيته قلت له ما ابي اقط فلوسي على شي يستمر شهر او شهرين بس قالي اطمني

ما مداني ما صار اسبوعين الا كل شي فش الخدود والشفايف ولا كأني مسويه شي
الابرة عنده 100
وانا خذيت 4 ابر عالخدود والوحدة وشي على الشفايف يعني المجوع 540 على الفاضي


والحين اخاف اروح لاي دكتور يزيدني اي مادة ثانية وتتفاعل خايفة حدي

بس ابي دكتور يستخدم هذي المادة

اللي تعرف تقولي الله يجزاها ألف خير

ومشكورين

 

[ام القمرالمطيري]

وعليكم السلام

ينعاد علينا وعليج


حاسه فيج ياقلبي وان شاالله الي عندها معلومه اكيده تفيدج

وموفقه يالقمر

 

[الفجر البعيد222]

مشكورة يا قلبي

 

[AL 3la]

ما عندي فكره للأسف ان شاء الله البنات يفيدونج

 

[الفجر البعيد222]

up
up
up

 

[!همـس الليالي!]

نفس سالفتي بالضبط 3 مرات تفخت بالماده هذي عند 3 دكاتره كل واحد غير (قنال الصايغ _سيد اللي بمستشفى الهادي - دكتوره سحر بحولي نسيت عيادتها شنو اسمها -) ولا فاد معاي تيتي تيتي مثل ماراحتي يتي احس ان الماده هذي خرطي

افكر اتفخ كولاجين او سيلكون ابي شي ثابت مو يقصون علينا فـ اللي مجربه شي ثابت تقولنا

 

[ام القمرالمطيري]

يمكن هالماده اي كلااام

في احماض الفواكه وفي الفيتامينات وفي الكولاجين اسالو البنات الي اتفخو

ويمكن هالماده ماتعترض مع اي مااده

انا اعرف وحده ماخلت دكتور ماتفخت عنده كـــــ تغيير بس يعني تسمع عن دكتور البنات يمدحونه بس تمر سنه ع اول تفخه تروحله يعني بعد مايفشوون

انتي سالي يمكن مايضر تتفخين بماده ثانيه مو شرط هالماده بس شوفي دكتور شاطر وامين مو اي كلام

وموفقه

 

[حرم الحوت]

اب اب لعيونج

 

[الفجر البعيد222]

يسلموووووو

 

[الفجر البعيد222]

up
up
up

 

[إكليل الحب]

ديري باااااااااااالج من هالماده



انا يوم رحت تفخت ويهي عند دكتور ماجد تقي تكلم عن هالماده



قال خلي البنات يتعضظون من هالماده كلها خطره مالها اي نتايج خصوصا اللي من روسيا



وقالي بلاااااااااااااوي عن هالماده



انا تفخت ويهي من دهوني عنده وماشاءالله جنه طبيعي ومايفش



رحيله وسئلي لان امين وااااايد


بالتوفيق

 

[--منوره--]

إكليل الحب بجم سويتي الدهون عند ماجد تقي

 

[إكليل الحب]

ب350 دينار

 

[الفجر البعيد222]

مشكورة حبيبتي اكليل الحب
بس انا الحين ما اقدر اتفخ بمادة ثانية او دهون الا لما تروح هالمادة من ويهي

 

[أم الجوري]

شوفي حبيبتي في مواد ما تتفاعل مع بعض عادي يعني
وفي مواد لا تتعارض مع بعض
عاد انتى دام عارفه اسم مادتج روحى للدكتور اللى تبينه وقولي له اسم مادتج
وقولى له انج ما تبينها لانها فشت بسرعه
وخل يحط لج مادة ثانيه ما تتعارض مع هالماده
اهم يعرفون ترى

 

[مراسي الشوق]

والله لاري شغله حلو بالتفخ وما يهول بالوحده