منو بسوي قريش ؟؟ يدخل

[أديــــــــــم]

يعطيك العافيه خواتي وجزاكم الله خير

وحلوه فكره المخمل الخام المخمل راقي اهم شي ان شاءالله يمديني اسوي اللي في بالي

 

[أم بدير]

يعطيك العافيه خواتي ما قصرتوا

بقولكم شنو في بالي اييب علبه واحط فيه كتيب صغير واحط فيها منظره شكلها غريب يستفيدون منها يحطونها بجنطتهم وكاكاو وكرت مبارك عليكم الشهر

اشرايكم ؟؟


يعطيكم الف الف عافيه خواتي وان شاءالله يمديني اسوي كل هذا

ماقصرتوا وعساكم على القوه ان شاءالله

شوفي اهو دام انه قريش
فكرة الكتيب ماشيه مع المناسبه
بس المنظره بيكون مالها علاقه
وبالنسبه لي دام تبين شي فنتق وفكرة حلوه
سوي الفكره كامله صح
يعني دام حطيتي كتيب واهو صراحه فكره حلوه
حطيه بجيسه مخمل مكتوب عليها رمضان كريم أو عساكم من عواده
حطي بالجيسه بيض صعو وقطعة كاكاوة خلي الكاكاو فريرو روشيه كل من يحبه
وشكله راقي

في عندي لج فكرة بتكون فنتق حلوه
بس مكلفة شوي مو وايد
بس تغنيج عن كل هالفناتق هذي
انا اسويها للقرقيعان والمناسبات
قطعة كاكاو شكلها جنها فريم مزخرف اطرافه وبالنص مكتوب بوسط الكاكاوة عساكم تعودونه او رمضان كريم أو أي شي تبين تكتبينه

 

[أديــــــــــم]

من وين هالكاكاو وجم تكلفته ؟؟

 

[قبوله]

شوفي حبيبتي
انا وزعت السنه الماضيه مبخر صغير وبخور نص توله وخلطه حق الملابس وكتاب صغير في ادعيه
المبخر من سرداب الشايع
البخور من عطورات امل الكويت
وخلطه من سرداب الشايع بالماركيه اخذى عليه كبيره ورحي حق محل بمية فلس واشتري بخاخ اصغار وحطي فيهم الخلطه
واخذي اكياس هم من بمية فلس
وسلامتج

 

[ام انس]

قوه
بصراحه فكرتج وايد حلوه انكم تتجمعون
وتقدرين تاخذين مجسم او اشكال متعلقه برمضان وترفقين معاه كاكاو
او ممكن علب من البلاستك الشفاف وتزينينه وترفقين معاه هم كاكاو وهلال رمضان وممكن اتسوين مثل كرت عليه دعاء والاسم .

 

[bambena]

تهقون اوزع انا بعد ؟؟


اديم اذا قررتي قوليلي خل اسوي نفسج

 

[love love]

وزعي حلويات رمضان اذا عددهم اشويه وميزانيتج تسمح اشتري من بو فتيين

 

[أديــــــــــم]

يعطيكم الف الف عافيه وفكرتج بعد حلوه قبوله

وان شاءالله انا مسويه مسويه يعني ابي حق رفيجاتي حق القريش وابي شغله حق الوالده عشان نعطيها الجيران بمناسبة رمضان

يعطيك الف الف عافيه خواتي

 

[قبوله]

أديم عليج بالعافيه
بس حبيبتي قولي لنا شنو سويتي
علشان نتعلم حق السنه اليايه ان شاء الله

 

[أم بدير]

من وين هالكاكاو وجم تكلفته ؟؟

عذريني حبيبتي تأخرت بالرد عليج
قلت بدل لا اشرح احطلج الصوره دام اني طالبه منه حق معرضي
باجر انشالله يوصل وادزلج صورته

 

[أديــــــــــم]

ماكو فايده قريشي اليوم

 

[katko0ota]

احنا قريشنا باجر ان شاء الله بالدوام هههههه على قدنا كل وحده بتيب طبق