منو بسوي قريش ؟؟ يدخل

[أديــــــــــم]

بسم الله الرحمن الرحيم

اشلونكم خواتي شخباركم ؟؟

مثل ما انتوا عارفين رمضان داش علينا وكل الاهل والاصدقاء بسوون قريش وهي عاده عند الكل وبصراحه عاده حلوه واحبها لانها تخليج تشوفين ناس ما شفتيهم من زمان

وكعادتي سنويا ايمع رفيجاتي كل سنه في بيتنا قريش والحمدالله نشوف بعض والكل ينطر هاليوم

فالسنه هذي ودي اميز القريش واهدي رفيجاتي هديه لكن ماني عارفه شنو اهديهم وودي بشي حلو ويفرحهم

بليز لا تبخلون علي بافكاركم شنو اقدم لهم !!! طرت على بالي فكره علب صغار وداخلها حلويات رمضانيه لكل وحده لكن ماادري

انتظر ردودكم باقرب وقت خواتي لا تبخلون علي بأفكاركم الحلوه

اختكم
أديــــــــــــــم

 

[أديــــــــــم]

lesh m7ad rad ;(

 

[*البدرة*]

حلوة وايد فكرتج...
قاعده افكرلج والله ..)
بس القاها اقولج عليها

 

[العنونة]

ليش ما تهدينهم وصفات لبعض الحلويات الرمضانية إلي تعرفين انهم يحبونها ككتيب صغير تطبعينه وتوزعينة عليهم عند الطلعه ؟

 

[أديــــــــــم]

لا رفيجاتي مو ملوت طبخ كلش

 

[أديــــــــــم]

مشكورين خواتي على الرد ما قصرتوا

 

[bambena]

انا بعد عندي قريش الثلاثا ببيتنا وودي باشياء يديده وفناتق للبوفيه يديده وتزيين مبتكر

فيدونا الله يعافيكم

 

[جولي لولي]

هلا حبيبتي بصراحه انا كل سنه نسوي القريش بالدوام اما احنا نجيب اطباق او نطلب من الحريم ملوت البوفيهات

 

[bambena]

احنا مانقدر بالداوم لان مراجعين و لويه

قررنا نسويه بالبيت اونس ناخذ راحتنا وكل وحده بتييب طبق وانا باكمل البوفيه والاطباق

 

[أديــــــــــم]

خواتي انا ما اتكلم كلش عن انواع الاكل والاصناف

انا ابي شي اضافي وهي عباره عن هدايا تتوزع للكل بمناسبة قدوم رمضان بوزعها بالقريش ممكن تعطوني افكاركم

 

[يارا 2009]

حبيبتي ليش ما توزعين علبه او شغله فيها كتيب عن فضل شهر رمضان و اذكار ومسواك وتزيدين شغله في بالج اذا بغيتي منها هديه ومنها تكسبين اجر

والله فكره شرايج

 

[norema-sarto]

وزعي كاكاو على شكل فوانيس رمضان
دوري عليهم؟؟؟؟

 

[*البدرة*]

[frame="2 50"]والله يا وخيتي بخصوص الاكل ...
احلى شيء انج تسوين كل شي بالبيت //الاحسن
تطلبين العصاير من بره وحاولي تنوعين وكله طازج...
والحلويات حاولي تحطين من سوالف رمضان لقيمات/ بلاليط وبيض/
صب القفشة/ المحلبيه
علشان يتذكرون رمضان ويستانسون
**بخصوص الهدايا.. ما اشوف اخير وافضل من كتاب الله
اخذي علب بلاستيك صغار وحطي فيهم مسابيح ومصاحف صغار
عاد انتي وتغليفج مع كروت اهداء صغار ومعاهم طيب صغار
اشرايج انا بسوي جذي....ان شالله )[/frame]

 

[MissChoco]

حبيبتي شوفي ..

سويلج صندوق ذرب انزين انتي سويه بايدج احلا حتن لو كان عادي بس بيحسون
بقيمته صج

واذا ماتبين .. اوكي اشتري سلال بكل مكان ينباعون

انزين وحطي داخلهم اشرطه دينيه وكتيبات ادعيه وحطي دهن عود وبخور وزيني السله بالفانوس وهلال تلاقينهم من بو 100 فلس وحطيلج كرت صغيرون وكتبي عليه مبارك عليكم الشهر وعساكم من عواده وكتبي اسمج عليه

وحطيلج ككاو نقس ملوت باجي ولاكدو, ينباع بجمعية القادسيه مع الككاوات مادري اذا موجود بالجمعيات الثانيه
يكون جيس ابيض صغير وداخه ككاو مربعات صغيره فوق بعض يعني عامود جي يكون وفيه يعني 10 حبات بس
وفي انواع ثانيه

 

[أديــــــــــم]

يعطيك العافيه خواتي ما قصرتوا

بقولكم شنو في بالي اييب علبه واحط فيه كتيب صغير واحط فيها منظره شكلها غريب يستفيدون منها يحطونها بجنطتهم وكاكاو وكرت مبارك عليكم الشهر

اشرايكم ؟؟


يعطيكم الف الف عافيه خواتي وان شاءالله يمديني اسوي كل هذا

ماقصرتوا وعساكم على القوه ان شاءالله

 

[zoba]

كان ودي افيدج بس ماعندي اي فكره للاسف

 

[bambena]

والله جان تبين اكو فوانيس بايكيا على 950 فلس كبار مو صغار وملونين
جان تبين منهم وتحطين داخلهم كاكاو او اي شي

لان الفوانيس مرتبطه برمضان

 

[FANDA]

بس ممكن تشرحون لي يعني شنو قريش ؟؟

 

[bambena]

القريش اهو اخر يوم قبل رمضان

نتيمع ياريوق يا غدا ياعشا وعاده الدوامات يسوون قريش اخر يوم دوام قبل رمضان كل وحده اتييب طبق

 

[قطريه وافتخر]

البنات ماشالله عليهم ماقصروا معاااج ......وانا بعطيج فكره بعد ....اشرايج تيبين صرر متوسطة الحجم من القماش المخمل وتربطينهم بربطة ستااان او اورجااانزاا... عاااد اللون انتي وذووووقج وتحطين فيهم الي تبين مثل الادعية او مصحف صغير او مسباااح وياااتمر خلااااص من الزين ......او انج تسوين مجمووووعه من الي قتلج عنهم كلهم
وان شالله اكووون فدتج ياااارب