منو بتفقدين لا تزوجتي ؟؟؟

[In pinK]

صارلي يوومين اشوف الموضووع ومابي ادخله..،

بس دام المواجع مهيضة اليوم بقوول..



راح افقد الكشه ثم الكشه ثم الكشــــه << عايشه بنظام الطبيعه احلى :eh_s(16):


وبفقد امي وابووي لما يقعدووني الدوآم :eh_s(2): أنا دعلة بالقوومة

وبفقد اختــي الوحيده،، وبفقد ربشتها وازعاجها وهبالهاا بالغرفة..

وبفقد رووروو بنت اخوي، اللي اتشفق عليها لما تروح زوارة لبيت خوالها..

وبفقد اخووي الصغير لما يجي يفضفض عندي ولا لما يقولي تعالي لعبي معاي بلاي ستيشن


وصج صج بفقد الخدامة اللي ما أطلع الا اهي كاوية العباااية ومجهزتهاا... الله يعيــــــن بااجر عالأوتي :eh_s(11): وبفقدها أكثر لما يصير المطبخ حووسه والمواعين يبيلها غسييل :0bee2e8d89:


وبفقد واجد شغلات بس هاذي الأهم

 

[جذابه بنت ذيابه]

ايااااام




عساكم ماتفقدونهم يارب .. بنات اهم شي استمتعو بالنووووم ( وحده تعاني هههههه

عقب الجهال اتمنى النوووم الله يوفقكم ويرزقكم الذريه الصالحه يارب

 

[ياربي انا دلوعه]

هههههههههههه ياربي من هالكشه اللي كل العرايس بيفقدونها

 

[al39laa]

حق خواتي حبايبي وازعاج الصبيان ونجرتي مع امي

 

[سحابة امل]

امي وابوي بسسسسس

 

[..فروحه..]

بفقد اميي حيييل لاني عمري 21 وليلحين انام معاها

 

[طالبة انجلش]

راح افقد الكشه
والسهر والسوالف ويا رفيجاتي تالي الليل
وراح افقد اللي يكوي عباتي
والصراخ .
وقعدة الظهر
وراح افقد ابوي من غير شر هذيك المره اقول شلون بسلم على ابوي قبل لا اروح الصالون اتوقع اقلبها مناحه
الله يسر لنا امورنا ياارب .

 

[هواجيس الفجر]

يمااااا قاعده اتخييييل اخنقتني العبررررررررررة


بفقد كل شي خوااتي و هواشهم اخواني و امي و ابوي من غير شر بفقد اللمة الحلوه سوالفنا قبل النوووووم و كل وحده بفراشهاااا

 

[الجمال العربي]

والله هيضتي المشاعر تصدقين تدرين شبفقد البهدله صج

بالبيت شعر كشه ولا كشخه ولا هم يحزنون وقومي اقعدي وقومي اضحكي وجاملي وسوي




الحريه بعد النوووووووووم على كيفي وكله راح اكون كاشخه ياعيشتن قشره

يع


هههههههههههههههههههههههههههههههههه

 

[انوار مطير]

امممم

سريري

لابتوبي

شوشتي طايره

مناجرتي مع اخواني \

النوم ثم النوم

 

[english muffin]

انا متزوجة
وبيتي قريييب لبيت ابوي بس افقد اختي وايد وايد
صج انه كل يوم يومين نكون مع بعض بس بعد افقدها وابي ارد اعيش معاها او اهي تيي تعيش معاي لوول

 

[دلوعة أبوهآ]

بفقد أبوي وأمي بدون شر ( الله يخليهم لي ويطول باعمآآآرهم يآرب ويرزقهم رآحة البآل )

بفقد غرفتي + سريري

وبفقد بيتنآ آلحلو كله

 

[طيف علي]

بفقد اختي اللي تنام معاي بنفس الغرفه

 

[maryom83]

اعتقد ما راح افقد احد لانه كل يوم بكون عندهم شدعوه احنا بنتزوج مو بنهاجر ديره ثانية

 

[شربـــات لـــوز]

اكثر شي بفقده النوووووووووووووووووووووووووووووم
لاني اموووووووووووووووووووووت عليه
وبفقد اختي حبيبتي لان 24 ساعه معاهااااا

 

[خجل~]

بفقد ترقيع البجآيـم


بفقد النوم بالازعـآج


بفقد سريـر آبو نفـر

بفقد دلاغ لون ولون غير

بفقد آلعفويّـه والبهدلـه والاتكآل علئ امّي


الله يتمّم علئ خير يا رب ~

 

[Huda alotaibi]

ولا احد يستحق اني افقده
دعواتكم لي ان الله يرد الغالي ويوفقني معاه

تعاهدنا انا وياه على ان نبقى مع بعض

 

[Fyonkita]

بفقد النومة والقعده على كيفي

 

[ادمنت حبه]

اككييييييييد اول شي امي وابوي الله يطووولي بعمرهم
وبيتنا وغرفتي اكيييييييد وكل حياااتى الحاليه راح اشتقالها بكل تفاصيلها

 

[الأوركيد~]

بفقد غرفتي

و بفقد الاعتماد و العيش بكيف كيفج بالبيت عطبيعتج

الله ييسر لنا
و يتمم عخير و يوفقنا

و لايضيع تعبنا يا رب