منو بتاخذ بصباح الاحمد

[جنون العشق]

هلا بنات صباح الاحمد بالجريده لي سنه 2000 اربع الالاف قسيمه 600 متر



منو راح تاخذ

 

[جنون العشق]

ههههههههههههههه



معقوله محد

 

[شيــوخه]

صراحه منطقه صباح انا ماافكر اذ فيها لانه امخططه على سعد العبدالله وجوها حلو

بس صباح والله في ناس اعرفهم ابياخذون بس ناطرين دورهم

والمنطقه مو هينه ابتطلع منطقه حلوه يعني وكل شي فيها ماتحتاجين تطلعين برى

 

[وبعديين]

ان شاءالله راح ناخذ فيها,,
الله يلحقنا وياكم خير

 

[انا مو هني]

والله مادري اين تقع
بس بسئلكم عن شغلا
الحين قالو المتزوجين الجدد يصيرلهم بس خمس سنوات وتطلع لهم قسيمه انا صارلي 5 سنوات ماشفت شي
ولا راح انطر 15 سنه
بس ملاقا كل مالهم ويبعدون

 

[القرآن ربيع قلبي]

احنا طلع لنا وضايقه خلوقنا والاهل كلهم وهي مكانها جنه قبل ام الهيمان عاد وينها ام الهيمان مادري
بس صراحه 600 متر مو هينه ونبي نتوكل على الله ناخذها شنسوي بعد والله كريم ا

 

[نور-العيون]

انا ان شاء الله باخذ هناك مع اني كنت مخططه على الخيران بس قالوا الخيران لي الحين موجاهزه قدر الله وماشاء فعل بعيد ولا قريب المهم نمسك لنا بيت احسن من الايجارات وعلى قولتكم 600 متر مو هينه حلوين

 

[fr7ty]

حنا طلبنا 96 ومترددين ناخذ فيها او لاء..خاف يسون فينا مثل طلبات أخر الثمانينات اول التسعينات قالولهم ام الهيمان وماكو غيرها

وحطولهم الشمس بأيد والقمر بأيد وبتصير منطقه متكامله ولما قدموا اكثر الطلبات طلعو المنقف وفهد الاحمد حرام اعرف شكثر تحسفوا

وكا ام الهيمان امراض ومشاكل وبلاوى الله يكون بعونهم..انا سمعت انه فيه منطقه حلوه راح تتوزع عقب مشروع الخيران..بس مانى قايلتلكم

ليما تقدمون طلباتكم ههههههه نحاسه

بس والله صباح الاحمد سمعت ناس تمدح وناس تذم..رفيج زوجي بيآخذ فيها لانه مظطر على كلامه اجار وبلاوى..يقول المساحه تغري

بياخذ منه 300 بيسوى سكن عمودى ..والباجي 300 بيسويها منتزه حديقه كبيره ..أعجبتنى الفكره الله يوفقه..ويوفقكم

 

[غالي حبكـ]

طلبنا طلع بصباح الاحمد بس زوجي مو راضي يقول بعيده وكبيره علينا بس راسي وراسه شحقه 600 ننطر الصبيه اقرب لنا منهاا والله يوفق اللي خذا فيهاا مو جنه على طريق الوفره هي ....؟

 

[& مــشــايــخ &]

كتبت رد شطوووووووووووووووووله

مادري وين راح

أهئ أهئ

المهم ماطول عليكم صباح الاحمد بالبر يعني ينفع تسوون بيتكم منتزه للعايله هههههههههههه

لا اتغشمر معاكم

عاد ياليت لو كانت على شارع رئيسي نفس ام الهيمان على خط الملك فهد

لا حيييييييييييل داخله بالبر

بس صج المساحه مغريه

 

[جنون العشق]

الي قريته بالجريده ان لي سنه 2000 يعني واضح مو متوقعين احد ياخذ فيها



وبصراحه 600 متر قمه في الاغراء


400 متر سكن و200 حديقه ترد الروح


والله محتارين

 

[۩۩ الجـــــود ۩۩]

احنا طلبنا عليها وبناخذ فيها

الله يوفق الجميع

 

[& حبات اللولو &]

ولا احنى مترددين بس شكلنا بناخذها
كافي المساحه رووعه

 

[البسمه العذبه]

والله زوجي يقنع فيني بس انا متردده لانه بعيده حدها؟؟
بنستخير والله كريم

 

[CrystalQ8]

احنا طلع لنا فيها بس ماقدمنا خايفين تطلع غر ب هديه نتحسف مع اني عاجبتني المساحه بنستخير والله كريم رفيجتي خذت فيها وقبل جم يوم شفت بالأخبار يسون قرعه

 

[barbie girl]

اهي جم تاخذ وقت من صباح الاحمد للسره مثلا ؟ بعيده وايده ؟؟؟؟ اخاف اخذ فيها واتوهق لا خدمات ولا مستشفى ولا بطيخ اخاف نطيح على صخر مثل اهل ام الهيمان

 

[barbie girl]

احنا طلع لنا فيها بس ماقدمنا خايفين تطلع غر ب هديه نتحسف مع اني عاجبتني المساحه بنستخير والله كريم رفيجتي خذت فيها وقبل جم يوم شفت بالأخبار يسون قرعه

شسالفة مشروع غرب هديه اسمع فيه شنو مميزات بيوتها و لمنو بيطلع فيها

 

[barbie girl]

بنااااااااات الحين اللي تزوج 2004 و 2003 ما يطلع له بصباح الاحمد ؟؟؟ ومتى يخلص مشروع المدينه

 

[CrystalQ8]

شسالفة مشروع غرب هديه اسمع فيه شنو مميزات بيوتها و لمنو بيطلع فيها

هذا الله يسلمج...اراضي النفط موراضيه تسلمها للأسكان فيها تقريبا 4000 قسيمه واحنا سمعنا انه احتمال كبير توزع خلال هالسنتين بس ناطرين الناس تأخذ بصباح الأحمد والله أعلم ملينا واحنا نفكر انا عاجبتني صباح الأحمد بس ياشين البعد

 

[جنون العشق]

وين الباجي ؟؟؟