منو انخطبت و هي لا تروح ولا تجي؟-تم تعديل العنوان من قبل الإشراف

[الحورية الصغيرة]

الله الرزاق مو المناسبه و العروس

 

[الحورية الصغيرة]

خوووووش موضوع
انا بعد سوالف الاستعراض والعروس ما احبها ولا احب ارز نفسي جدام احد
اللي يبيني يدل بيتي ، بس اكثر اللي يخطبوني شياب مادري شسالفتي حظ اللهم لك الحمد
الله يوفقكم يا بنات ويرزقكم من فضله اقروا سورة البقرة اربعين يوم متواصل
والله يرزقنا وياكم

ما يجوز قراءة البقره أربعين يوم

دشي اليوتوب و شوفي بنفسج مقطع حق شيخ دين كبير قال عن هالشي

 

[برنسس أوراق]

جذبني العنوان انا اختي ما كانت تطلع ولا تروح اي مكان
لا عشا ولا عرس ولا شي
وانا كنت اروح مناسبات عكسها
وسبحان الله لما انخطبت اهي انخطبت
وكانت وايد تستغفر وتسبح وعندها ثقة كبيرة بالله
ورفيجة اختي بعد سبحان الله لا تطلع ولا شي
وخواتها كلهم تزوجوا الا هي
والناس صاروا يعايرونها ان عمرها 27 وما تزوجت
بس سبحان الله ايمانها بالله قوي
فيوم سالت عيوز كبيرة عن بنت لولدها
واختي ذكرت لهم هالبنت والحين هي مخطوبة


السر : توكلي على الله ولا يهمج كلام الناي
واستغفري وايد وتصدقي وايد

 

[rose2012]

يعني يصير احد يطلب النجاح بامتحان واهوا قاعد بالبيت ما يدرس؟؟
بس يارب نجحني هل راح ينجح ؟ ولا اللي يدرس و يدعي ويروح و يرد و يعابل
اللي تسعى مو نفس اللي قاعده بالبيت
الا اذا مجبورة او ماتقدر تطلع مني ماعليها كلام بيسامحها
اما قاطعه رحمها مثلا و كله بالدار ومالها خلق احد
وترا صج شكثرر بنات مو حلوات يتزوجون قبل الحلوات حييل اللي حابسين روحهم

لان اهيا سعت ماراح يساويج فيها اهيا تعبت ووجبت و سولفت ترا صج سعي
اتوقع جذي النظام
في بنات ينخطبون باماكن ما تخطر عالبال بصالون تكلمها اللي يمها
بمسيد بسوق بجمعيه بحادث سياره بمستشفى بحمله سفر بممشى جد اعرف وحده بحادث سياره
ولازم ع طول حلوه تكونين يعني مو على بونه بروح المستوصف و تطلعين بشكل يخرع ووي شاحب لا تظبطي
اهم شي طلعي اخذي بالاسباب ودايما ادعي باللي تبينه راح ييلج تفصال ومو تفكرين وايد و اووووووه ليش ماتزوجت راح اموت
سوي اللي عليج و خلاص
اعرف وحده بال 40 وقاعدده تنخطب الحين لان وايد تطلع اماكن يسون انشطه وفعاليات مثل بعض المساجد و تطلع و تسولف و تنخطب
اما قاعده بدراج و ايدج على خدج و تتحسرين على عمرج؟؟

 

[aljam3ia]

الزواج مو بكثرة الطلعات

انا ما اطلع خير شر انخطبت وملجت الحمدلله

الموضوع كله قسمه فوين قسمتج بتجيج ان شاء الله

 

[~Jana]

الموضوع مو معتمد عالطلعات 100%

بس الصراحه الطلعات تساعد .. ما أقصد طلعات أسوقه وتفرفر

طلعاتي للسوق شبه معدومه

أقصد توجبين الناس والأهل بالمناسبات الإجتماعية

وايد حريم يدورون بنات بهالمناسبات .. انا اذكر انخطبت بكذا مرة

عشا حريم كنت رايحه ويا أمي، و حتى عزا أهلنا شكثر، ملجات

بنات الأهل اللي قراب مني، حتى بالشغل ويا الحريم والبنات بالإنتخابات .. وآخر شي من العمرة

بس الوحده ما تحط ابالها انا بروح عشان انخطب

تستانس وتسوي اللي عليها وتوجب الناس وتساند أمها واهلها وتنسى الموضوع

واتوكل على الله وتدعي له والحمدلله :eh_s(7):

 

[hbenc]

انا طليقي خطبني عند محل تصوير اوراق وكنت طالعه حزتها مع امي وكنت مستعسرة مالي خلق اروح اصور اوراق بس امي كانت تحن لانها تبيهم ضرووري حق معاملة تبي تخلصها ونقزلي نقزة ويبسبس مالقيته ويه ولا الحبيب يروح حق امي ويقولها بتزوجها عاد حزتها انا استانست من طريقة خطبته وسبحان الله صار النصيب بعدها فليت منه بالملجة لمشاكل وايد والحمدلله مادخل علي وكل واحد فينا راح بطريجه وهالسالفه صارلها 6 سنوات وانا الحين عمري 26 ولا انا ولا اهوا تزوجنا مع العلم وااايد اطلع وانخطب بس مادري ليش مايصير نصيب والحمدلله على كل حال

 

[ms sooola]

شوفي حبيبتي النصيب ماله شغل تطلعين وتروحين هو يجيك سبحان الله كذا قدر
اقولك سالفتي انا كنت اروح زواجات واطلع وارد الحمدلله كنت انخطب بس مايحصل نصيب سبحان الله
بعدها نقلنا من الخبر للرياض مدري شنو فيني ماعاد حبيت اطلع وجلست فتررة بالبيت لاني خلصت الجامعة ومن جلست بالبيت تقريبا 4 شهور جا العريس وملكت الحمدلله يعني شوفي وقت ماكنت اطلع وارد وزواجات ماصار شي ويوم جلست بالبيت سبحان الله انفرجت يعني نصيبك بيجيك ياحبيبتي لاتحاتين لكن عليك بصلاة الليل (الوتر) والدعاء والله مثل السحر حياتك تتغير الله كريم لاتقولين تاخرت وما تزوجت لا ادعي وثقي بالله وانه راح يستجيب لك وتشوفين العجب
الله يرزق كل بنات المسلمين الازواج الصالحين​

 

[يآكثر آحبك.~]

شي كاتبه ربي

لو البنت بين اربع طوووف لابد يجي نصيبها بأي سبب كان

عسى ربي يرزق كل واحد وحده يبون الزوااج وييسر أمورهم

 

[مشتاقه لعيونه ~]

نصيحة روحي وتعالي ياحلوة عشان تتخيرين بين اللي يخطبونج

أحسن لا تتدبسين وتنجبرين على واحد من معارف الرجاجيل ويجبرونج عليه غصب عاد

روحو وتعالو وتعرفو وخلو الناس يشوفونكم وافتكوووو من تعصب الأهل بالزواج

 

[عيوني شقااقيه..]

قسمه و نصيب

 

[العنودبنت علي]

رد: من انخطبت وهي لاتروح ولا تجي

يعطيك العافيه