منو الي ماعندها وقت لهسوالف

[وردة-الكويت]

((عفواا الحياه قصيره وماعندي وقت للكراهيه ))



عجبتني هلجمله حييييل مع اني الحمدالله مااكره احد يعني اسلوبي تطنيش واشتري راحه نفسي

مابي اتحامل على احد



(( لمن عفوت وسامحت ارحت نفسي من هم العداوات ))



وهذي هي شخصيتي بلفعل الي بيكرهني خل يكرهني مني لي باجر ولي بيحجي فيني خل يشبعون

حش وقرظ من وراي دام لي رب شاهد عليهم وعليهم ف اكيد راح تنصفني عداله السماء


نصيحتي لكم يااخواتي ان تعفون وتسامحون وهشي يدل على قوه شخصيتج ولي يكره ويحقد

هذول فيهم ظعف ف شخصيه اسال الله يشفيهم ويقيني شرهم ويحميني





سؤالي لكم يااخواتي منو الي مطبقه هلمقولتين ومريحه بالها من هناس



ولكم المايك يااحلى بنوتات:eh_s(7):

 

[مزن الكويت]

طنش تعش تنتعش
انا معااج صراحة ليش اكدرر نفسي ع حجي فااضي
وكلالام مووصحيح واتعب عمرري
لي رب يحااسبهم
وشكرا حبيبتي ع موضووع

 

[روانتي 12]

انا مع اول مقوله

ماني فاضيه لناس الي يكرهوني الي يكرهني مايشوف شر

 

[مموريز]

اي والله صادقة ,,,,,,,,,,,,,,ووانا معاك في كل الكلام اللي قلتيه.

قبل كنت احتر واعصب واموت قهر اذا احد تحرش فيني واحترق حرق اكثر اذا تكلموا عني من وراء ظهري..... بس عقب فكرت وش النتيجة: ولاشي ان االي جاني القولون وانا اللي حت شعري وان اللي تعبت .وهم مستانسين.فسرت اطنش ولاارد ولااكل في نفسي.......................وخليهم يتكلمون لين يشبعون بالاخيرالله بينصفني واذنوبي ماتغلى عليهم.

بس للاسف................لحد الان مااقدر اسامح .

 

[يَ ربححه فيني]

آي بالله
شكرا

 

[راح الحبيب راح]

وربي حتى انا ماعندي وقت لهسوالف
وربي الكل يقولي انتي ام قلب بارد
اذا احد سبك تردين بكل برود كأن اللي يسبك يسولفلك سالفه
ارد عليهم ان الدنيا سهالات سلك تسلك
وقتي اكبر من انه يضيع على فلان وعلان

 

[ترانيم القصيم]

هلا و غلا يا روحي أنتِ ,,

فعلاً العفو و الصفح عن الناس يريّح بالتس و يهدّي نفستس

و هالشّي مجرّبته و حاسّة فيه ,,

مشكورة قلبووو .. ^^

 

[blue ocean]

العفو والتسامح من شيم الانسان العاقل الصالح وديينا حثنا على التسامح

وانا ماكو على قلبي اعطى كل صور التسامح مع الناس ..

الا انسانه وحده ماني قادره اسامحها من كثر ماضرتني

سامحتها وااااايد وردت اذتني !! شلون اسامحها ..

قلبي انخلق للتسامح بس هذي ما اسامحها مستحيل :/

قوواج الله خيتي ..​

 

[manoooram]

موضوعج حلووو .. الله يعطيج العافيه
بطريقتج هذي شريتي راحة بالج بشكل كبير أهنيج والتطنيش فن راقي بس للأسف مو كل من قادر على تطبيقه ..

 

[so0oma]

انا مثل كلاام راعية الموضوع

حبيبتي والله حلو سوؤالج والموضوع بكبره حلو كثري من هالمواضضيع تفيدنا ويعطيج العافيه انجج افدتينا

 

[فلنتينو]

مشكوووره علئ الموضوع الحلوو
فعلا الواحد قبل لا يحط راسه علئ المخده مطهر قلبه من كل شي
وكلنا راايحين من هالدنيا ماتسوئ بغضا وكرااهيه
وحلوو يكوون الانساان متساامح ومصفي نيته

مشكووره حبيبتي

 

[نجداويه نجد]

~

شوفي عشان ماأكون مثاليه انا قبل عشر سنين كنت اشيل بقلبي وانتقم لنفسي من إي أذى صغير كان أو كبير ..
لكن بعد مامن الله عليّ بالحج ولله الحمد تغيرت حياتي بشكل ماتتخيلين ..
وانا الحمدالله أتطلع للجنه التي إزدانة لعباد الرحمن وفعلا ماعندي وقت اني اكره او احقد علي اي أمر من امور الدنيا الفانيه ..
وكل قصيدة كتبتها هجاء لأشخاص سببوا لي الأذا قطعتها واعتبرت ماكأني كتبتها ..
فالحمدالله علي كل حال..

 

[ᆻŠ вªĺŌÓŃă]

ايامنا محسوبه بهالدنيا وحلاتها نعيش بحلوها ومرها ونتقبل الكل لي رحنا مايبقا الا ذكرنا بين هالناس وان شاء الله مايذكرون الا الشي الطيب

ونكذب لي قلنا ما ياثر فينا بالاخير احنا بشر وكل واحده مقدرة تحمله وتقبله للامور
ناس تسامح وناس تقعد اسنين تحاول تسامح
جرح سيف ولا جرح لسان
ممكن تسير هالمواقف بناس قراب حيل منج مواقف حيل قويه وغلطتهم تحسب بالف غلطه
وفيه ناس ماقاموا ولا قعدوا
اهم شي القلب صافي والنيه سليمه ودع الخلق للخالق من حبني ياهلابه ومن كرهني حتى لو كان من دمي بيروح ويرد وماراح يلقى الا سعة الخاطر
وامشي انا على مقولة اللي فات مات اليوم يوم جديد وصفحه جديده .

 

[عادت ذكرياتي]

التسامح من شيم الكرماء

 

[وردة-الكويت]

وفعلا االتسامح من شيم الكرماء



وتطنيش فن راقي ف التعامل مع من يحاول الاساءه وان اساء ف انا اعتبرها محاوله فاشله لاني ماراح اعطي المسيئ

اكبر من حجمه ف ارمي خلف ظهري وامشي ف حياتي دون الاتفاف حول هذي الاشياء ولن اعطي اي شخص مبتغاه في

تعكير ذهني بلقال والقيل الي يبي يتكلم يجي يتكلم بوجهي ونصفي الحسابات اما ما قيل ورا ظهري فهوه وراظهري لن التفت له



وحياكم الله

 

[PuPa^^SWeeT]

هذا المبدأ اللي انا ماشية علييه الحمدلله


حتى لو زعلانة من شخص معين من اليوم الثاني انسى اللي صار و ابدي حياتي من يدييد من غير احزان و هموم


لدرجة اني عادي ارد العلاقة من اول و انسى اللي حصل

 

[روح مغليهاM]

صح التساامح شي جميل بس اذ وصلت لوحده بتخرب بيتي اضن هذي ماينفع التسااامح
وربي تساامحت الي طفح الكييييل وانواع التجريح وتضن اني ماعندنا كرااامه ونخااف منهم ولي شهر قلت هالاشكال ماينفع معهم التساامح لو ايش مااقول الاحسبي الله ونعم الوكيييييل

 

[بشوررة]

انا حيييييييييييييييل طيبه مع الكل موو عشان امدح تفسي لا والله طبعي مااحب اشيل بقلبي الحمدالله
بسس مرات اساامح واتردد اني اساعد اللي جرحني واتم سااكته وهو يجرحني ويرد الجرح اكثر من مره
واحط بخااطري بس اذا طلب مساااااااعدتي بصراحه مااقدر ارده
الله يسامح الجميع

 

[نونه العنونه_H]

مره كنت بدوره والدكتور قال انه الانسان لازم يسامح
الشخص الي اساء له مهما كان كبر الاساءه لانه لما يسامح
الاخرين نفسه رح ترتاح من هالصراعات

 

[Unusual]

الحمدالله ،، نسامح قد مانقدر ..

ودائما ،، نحاول نعفو ونصفح ..

والعفو عند المقدرة مطلوب ..

شكراااا