منو اللي يطبخ انتي ولا الخدامة؟؟؟؟؟

[kwaiteyah100%]

بنات ....صبحكم الله بالخير........سؤالي مبين من عنوانه.......منو اللي يطبخ بالبيت انتي ولا خدامتج؟؟؟؟؟ انا صراحة بجاوب لكم واقولكم ان خدامتي اهي اللي تطبخ لأن ما شالله عليها نفسها حلوة ونظيفة.....وانا صرراحة مو ذاك الزود بالطباخ....بس شاطرة بالحلويات.......والحين بصراحة اهي بتسافر وما دري شسوي ( تبون الصراحة اهي وايد تقرق و احد اسباب الصداع عندي وملسونة ....بس مصيبة طباخها حلوووووووو ) ؟؟؟؟

بس انا اعرف ناس ما يحبون طباخ الخدم ولا يدانونه........مع ان بعضهم نظيف وزين........وانتو اشرايكم؟؟؟؟؟


ومع ردودكم حلّو لي مشكلة خدامتي..الله لا يهينكم...


يلابااااااااااااااي

 

[^^دموع الكويت^^]

مشاركة: منو اللي يطبخ انتي ولا الخدامة؟؟؟؟؟

خوش موضوع الله يعطيج العافية




احنا ما نحب اكل الخدم والوالدة الله يحفظها اهيا اللي تطبخ وتقوم بكلشي يعني الخدم بس يزهبون لها البصل والثوم وهالسوالف وامي كلشي تسوي حتى الخضرا ما تخليهم يغسلونها .



بس لاحظت انه اغلب العوايل الخدامة اهيا اللي تطبخ لدرجة رفيجاتي استغربو لما اعرفو اني امي اهيا اللي تطبخ يقولون منو يطبخ الحين


وانا طلعت على امي ما احب ولا شي من الخدامة حتى اذا مرات طبخت اسوي كلشي بنفسي

 

[al7reyaa]

مشاركة: منو اللي يطبخ انتي ولا الخدامة؟؟؟؟؟

انا خدامة خالتي تطبخ شي مو طبيعي وقمت اعلمها كل شي بس هم انا اطبخ لان طباخي لذيييييييذ والحمدد لله مو شحاطه بس بشهادة الجميع
خدامة خالتي بتسافر شهر 2 وعندهم عله يديده مالها خلق تسوي شي
وانا عن نفسي اعلنت اني بسوي الغدا حقنا ولا عندي مانع ..

 

[سمسميه]

مشاركة: منو اللي يطبخ انتي ولا الخدامة؟؟؟؟؟

الصراحه ما شالله عليج يالحريه صج طباخج يهبا
انا ليلحين بخاطري سلطه مره ذقتها عندكم فيها معكرونيه...تهبل

 

[al7reyaa]

مشاركة: منو اللي يطبخ انتي ولا الخدامة؟؟؟؟؟

انا استغرب من اللي ما يحبون طباخ الخدم ويموتون على المطاعم على الاقل الخدم اتشوفينهم نظاف ولا وصخين المطاعم ما تدرين اشلون شكل المقلى ولا جم مره مستعملين الزيت وغيره

 

[al7reyaa]

مشاركة: منو اللي يطبخ انتي ولا الخدامة؟؟؟؟؟

افا عليج بعد قلبي انتي تامرين امر حياج الله تعالي لي اي يوم وقولي بس شنو تبين انا ترى ما التزم في مقادير االف من كيفي واخوره بالصلصات ويطلع زين

 

[سمسميه]

مشاركة: منو اللي يطبخ انتي ولا الخدامة؟؟؟؟؟

بس جذيه اتدلع عليج وادري فيج ما تقصرين ام الخير

 

[lolo77]

مشاركة: منو اللي يطبخ انتي ولا الخدامة؟؟؟؟؟

هلا والله يا بنات

انا عن نفسي ما كنت احب طبخ الخدامات
بس عقب ما اشتغلت صار غصبن علي اييب خدامه واعلمها الطباخ
والحمدلله انا احب اطبخ واتفنن واتعلم شي يديد من اكلات وحلويات
وكل ما اتعلم اكله يديده اسويها اول مرة انا واخلي الخدامة تشوفني
عشان مرة ثانية تسويها واصلا انا ما احب العيش وايد وريلي يرجع من الدوام متأخر
وما اتغدى الا اذا كان الغدا احبة وانا مسويته بايدي اتغدى
بس اصلا احنا مضطرين ان نعلم الخدم الطباخ ماكو وقت
ويعطيكم العافية على الموضوووووع

 

[al7reyaa]

مشاركة: منو اللي يطبخ انتي ولا الخدامة؟؟؟؟؟

صج والله سمسميه ترى مو على بالج تعب انا اتمتع ترى بالمطبخ ابرك من امجابل اليهال

 

[jolie_q8]

مشاركة: منو اللي يطبخ انتي ولا الخدامة؟؟؟؟؟

انا بالنسبه لي ما عندي مشكله مع الخدم ..يعني عادي عندي

بس انا للاسف انا اللي اطبخ ... وما اعرف اعلم خدامتي ..لانه عندي وحده (مافيها رجى) وبتسافر الشهر الياي

والثانيه برود الدنيا ... واخاف تعفس الدنيا ....

فأنا مضطره اطبخ ... وتعودت الحين .... بس الخدامه تزهب اللي اقولها عليه ... وانا اسوي كل شي

 

[kwaiteyah100%]

مشاركة: منو اللي يطبخ انتي ولا الخدامة؟؟؟؟؟

دموع الكويت.......انتي اثبتي شي واحد .....( ان الكويتي انفع ).........والله يعطيكم انتي والوالدة الصحة والعافية.....

سمسمية والحرية........مشكورين على ردودكم.......وانا بعد ما شالله خدامة خالتي لها 25 سنة عندها يعني المفروض تاخذ الجنسية الكويتية.......بس طباخها شي عجييب..وساعات اهي تعلم خدامتي.بس استحي كل مرة اطلب من خالتي ان خدامتها تعلم خدمي....رغم انها ماتقول شي.....بس استحي
وانا امي الله يطول بعمرها كانت شاطرة وكل شي تسوي ..بس الحين نست كل شي.....وخدمها يطقطقون بالأكل.......

بس فيه شي ما جاوبتو عليه........شسوي اذا راحت خدامتي.......اشلون اطبببببببببخ؟؟؟؟؟؟؟؟انا راح اقولكم على سر ..ابونا طباخ ولا الشيف رمزي .بس استحي اقوله باجر سو لنا مجبووووس........ما شالله عليهم عايلته اغلب رياييلهم طبابيخ....وما شالله شطار.....وحتى حريمهم.....عيني عليهم باردة.

 

[al7reyaa]

مشاركة: منو اللي يطبخ انتي ولا الخدامة؟؟؟؟؟

ما شالله عليكم لا والله انا مو كل يوم اطبخ على المشتهى بس اذا دشيت بدعت و هالايام لان ماعندي الا خدامه وحده انا اغسل المواعين عقبي .

وابشركم خدامتي بتسافر الخميس يعني باكل ..... وماكو الا خدم خالتي عندها ثنتين وبما اني الكنه المدلله ولا اكو غيري فبهييت اعيالي لانهم احفادهم الغاليين لين تييني وحده وشهر اثنين بترد خدامتي الزينه واعيش في رفاهيه

 

[kwaiteyah100%]

مشاركة: منو اللي يطبخ انتي ولا الخدامة؟؟؟؟؟

يلا ابي تفاعل اكثر.....ولا تنسون تردون على سؤاليييييييي.........



يلا بااااااااااي

 

[خبيرة اعشاب]

مشاركة: منو اللي يطبخ انتي ولا الخدامة؟؟؟؟؟

انا هذا اهو الشي الي صدمني يوم اني تزوجت بزوجي لقيت ان بيت اهله خدامتهم تطبخ قلت ما يخالف امه مرة كبيره و ما تقدر ...الصدمه يوم اني اكتشفت ان عند خواته و كل عايلته هم بعد نفس السالفه كلهم ياكلون من طبخ الهنديات وووووووووع شي يلوع الجبد صراحه و البلشه انهم مو مضطرين يعني كلهم ما يداومون و عيالهم بالمدارس زين ليش ما تقومين و تسووين لج طبخه نظيفه ...
صراحه انا في بيت اهلي عمرنا ما كلينا من يد الخدامه كلش كلش كلش ...عندنا الخدامه بس تغسل الحوش و تنشر الغسيل و تسوي الاوتي ...يعني بس شغلات عاديه ..اكل و ما اكل مستحيل ...حتى المواعين شرينا جلايه مواعين ما تلمسهم بايدينها ...يا ربي ترى هم مو نفسنا مو نظاف متعودون على الوساخه في ديرتهم
زوجي من شافني اطبخ و اسوي كل شي بنفسي ...قال و الله هاذي خوش مره و الحين ينقد على اهله
يا بنات انا انصحكم الي تداوم تسوي طبخها قبل لا تروح و تخلي الخدامه بس اتطالعه و تسكر عليه ..احسن و اضمن ...تدرون مره عند اهل زوجي برمضان شفت الخدامه تغسل الدجاج في حوض المغسله ...و الطماط تطلعه من الثلاجه و تقطعه مباشره بالجدر بدون غسيل و لا شي ....وع عععع شي يمرض

 

[ام أحمدووه]

مشاركة: منو اللي يطبخ انتي ولا الخدامة؟؟؟؟؟

والله احنا من يوم كنا يهال ....امي تطبخ وعمرها ماخلت خدامة تلمس شي بالمطبخ
يمكن توها هالسنة بس قامت تطلب من الخدامة تقص لها بصل وثووم وهالسوالف الخفيفة

وانا بصراحه تعلمت من امي وبالفطرة صرت ماحب الخدم يطبخووون
عشان جذي انا اطبخ بروحي

 

[bnt q8 in usa]

مشاركة: منو اللي يطبخ انتي ولا الخدامة؟؟؟؟؟

والله يوم اني بالكويت بس تقصص لي البصل والثوم

الباجي انا

وبالذات السلطه احب اكلها من ايدي

لكن من قمت ارد الكويت بالصيف وعقب حكرة وكراف الغربه قلت حق خالتي تعلم خدامتي الطباخ حق بعدين

 

[أغلى حبيبه]

مشاركة: منو اللي يطبخ انتي ولا الخدامة؟؟؟؟؟

انا عادي اغلب الاسبوع انا اللي اطبخ واذا ريلي مايبي غدا اقول حق الخدامه تطبخ حق عيالي

ماشاءالله عليها من اول مره تلقط اي شي اقولها

والحين اهيا تخصص كيك وفطاير اسم الله عليها

 

[QUMAR]

مشاركة: منو اللي يطبخ انتي ولا الخدامة؟؟؟؟؟

انا ما أحب الخدامه تدخل المطبخ ولا تقص لي ولا تزهب لي ولا شئ احب أسوي كل شئ بنفسي
عاد بقولكم علي سالفه تلوع الجبد أم رفيجتي عندها خدامتين أندونوسيات حدها طيبه معاهم مثل الأم صايرتلهم بعد فترة أكتشفت انهم لمن يسوون لها الشاي أعزكم اللة يتفلون فيه يمال الضربه من قلوبهم النجسه مو كفو نعمه عاد قامت و ودتهم المكتب هذا اللي شافته وما خفي كان أعظم
حبوبة اللة يعينج اذا بتسافر خدامتج ماكو الا تطبخين وتزهبين شغلج من الليل واذا رجعتي من الدوام كملي وعساج عالقوة

 

[جارة القمر]

مشاركة: منو اللي يطبخ انتي ولا الخدامة؟؟؟؟؟

Qumar
وييييييييييييييييييييع حسبي الله عليهم شنو هذا

================================

والله ساعات أنا اسوي الغداء

وساعات أهي

شسوي

ما في وقت

مع دوام الشتاء

وساعات من بليل أضبط كل شي

حبيبتي الله يعينج

أنا خادمتي بتروح شهر 3

والله يعينا علي شغل البيت

وغسيل المواعيييييييييييين والملابس

لا تذكروني ببجي

وريلي مو راضي أخليه ترجع

والله مع الدوام وشغل البيت مافي وقت للراحة

 

[حبنا الله عليه]

مشاركة: منو اللي يطبخ انتي ولا الخدامة؟؟؟؟؟

من طلعنا على الدنيا وامي اللي تطبخ

و الخدم اصلا مادخلوا بيتنا لين تخرجنا من الثانوي

ووحده بس من بين اللي مروا علينا تقبلنا انها تطبخ لأنها صج صج شقرديه و فوق ماتتصورون مو بس بالطبخ بكل شيء .. بس الخايسه سافرت ومتغربلين مع الجديده

مابي ابي سوهاااااااااااااااااااااااااااااااااااااااااااا ابي سوهاااااااااااااااااااااااااااااااااااااااااااا