منو افضل دكتوره رحتيلها وحملتي بتؤام وبصراحه تعالي قوليلنا بالتفصيل الممل

[newq8ia]

والله كذا حاله عند ماجد الشمري

 

[beauty rose]

انا رحت عند دكتورة ماجدة اليتامى بعيادة البراء و حمدلله ما شاء الله عندي توم الحين
اللي تبي تقدر تروح لها و تشوف لها الطريقة المناسبة
لان في طرق وايد بس كل وحده و المناسب لها

 

[كتالونيه]

حبيبتي جم كلفت عليج
الدكتوره ماجده اليتامي

 

[صيتة الخالد]

بيوتي روز قولي لنا بالتفصيل
انا قريت تجربة العضوة انهار الكويت،،مو اهيا نفسها، كانت ماخذه يوزر مرت اخوها>>عشان مايروح بالكم على مرة اخوها
كااااملة
جزاها الله خير كانت تحط خطواتها اول بأول
وتقولنا انها شوي وتروح العيادة وتجي تبشرنا
والله صج كلنا عشنا الدور معاها ياحلوها،،
بس الحمد لله بالاخير حملت بواحد،،، الله يرزقها وكل البنات بالتوم السليم التام

اذكر كانت تراجع عند فوزية ،، واول شي خذت الكلوميد،بس قام يطلع لها بويضات صغار،،
تالي خذت ابر منشطة وطلعوا لها الحجم المطلوب بعد الله
بس تقول انها عقب سونار الحمل بين معاها تكيسات!!
تقول بسبة العلاج القوي،،الله يشافيها يارب
وصراحة هذا الي خلاني اهون عن هالفكرة كلش
مادري خفت من سخط ربي،، يعني هالعلاج القوي ماسووه الا للي فيها سبب
شلون اخذه بعد ما ربي من علي بالصحة والعافية؟!!!
>>بنات انا اتكلم عن شعوري الخاص مابي هجوم بليز،،،


في وحدة من اهلنا حملت بتوم طبيعي وماعندهم وراثة فيه اصلا،،
وهالمرة مونوعها تخش ولاتفكر بالعين كلش
تقول تتوقع انه بسبه زيت الاوميغا ٣ بعد الله
كانت تحطه مع السلطة،، وعقبه حملت فيهم الله يحفظهم

جربوا،،،

 

[روح الأحزان]

والله ونااسه يكون الواحد عنده توأم كان ودي واايد بس ترددت آخذ منشطات والحمد لله حملت وآنه بالسابع الحين

 

[shayto0oNa]

انا حملت بتونز مرتييين بس وراثه والله ماكتب انهم يكملووون

والحين ادور الحمال وتعبت من التلقيح

 

[shjoonaa]

سلام

انا حملت من بعد الله على ايد الدكتوره فوزيه القطان سويت اطفال انابيب كل حمله يصير معاي توم بس الله ماكتب ايبهم يظل واحد

واخر مره حملت بعلاج يبت توم بنت وولد البنت توفت بعد عشر ايام من ولادتها والولد الحمدالله ظل لاني ولدت باول شهر

من الثامن والله يرزق كل محرووم توم

 

[om MaRyooM]

انا كنت ادعي وكنت ادور دكتورة شاطرة بس سبحان الله حملت من غير لاادري ويبت ثاني بنت

ولما طلعت عييييييييييييني قلت الحملة الثالثة بخليها على الله مابي توم ترا شي مو هين ابد ابد ابد !!!!!

بس خاطري ولد صراحة .. الله يرزقني



وانشالله البنات يفيدونج

 

[بيت التوت]

الله يرزقكم باللي تتمنزن ياااااااااااارب

 

[ناتشوو]

وصراحة هذا الي خلاني اهون عن هالفكرة كلش
مادري خفت من سخط ربي،، يعني هالعلاج القوي ماسووه الا للي فيها سبب
شلون اخذه بعد ما ربي من علي بالصحة والعافية؟!!!
>>بنات انا اتكلم عن شعوري الخاص مابي هجوم بليز،،،


،

صيتة
تدرين قبل في ناس تقول سونار معرفة نوع الجنين حرام
مايجوز ( طبعا مو من مشايخ من نفسهم افتو)
يقولون لأن هذا علم خاص بربنا
اشلون يتدخل السونار؟

فنفس الشي
كثير عندهم اسباب تخليهم يتمنون توأم مافيها شي
تبذل الاسباب وكله بقدرة الله
وماراح ترزق لا بحمل ولا جنين ولا توأم الا بقدرة الله
و الحمدلله ع اي حال مهما كانت النتيجة
بس طبعا نحط ف بالنا ان رزق من الله
وربنا وحده مسبب الاسباب

 

[ملح الدنيا فيني]

كل شي بيد الله سبحانه

 

[أأأميرة الورد]

الله يرزق كل وحده باللي تتمنى

 

[MiSS B.K]

اااب لعيونج

 

[أنهار الكويت]

انا رحت عند فوزيه القطان اول شي بديت بحبوب بس مافادو وثاني شهر عطتني ابر منشطه والحمدلله طلعوا لي خمس بويضات كبار وجاهزات للحمل لدرجه خرعوني قالو احتمال كبير تحملين بخمسه لانج طبيعيه وريلج طبيعي

بس سبحان الله اذا الله مو كاتب شي مايصير وحملت بواحد والحين انا بالسادس

حتى اذكر دكتوره فوزيه قالتلي قبل لايصير الحمل ترى مو شرط يتلحقون كلهم كلشي بيد الله حتى عطتني مثال قالت احنا لدرجه نلقح اجنه بيدنا 2 و 3 ونغرسهم برحم المره (قالتلي ركزي اجنه مو بويضات يعني قصدها الفرصه اكبر) تقول وسبحان الله مايثبت الا واحد بس تقول كلشي اذا مو مكتوب مايصير لو شنو بس الناس لازم تحاول وتسعى لان البشر مايعلمون الغيب ومايدرون اذا مكتوب لهم او لا


وحبييييت اطمن صيته الحمدلله الكيس نزل من المبيض من نفسه من غير علاج قالتلي الدكتوره لاني صغير تقريبا 3 ملي

ومشكوووره يالغااااليه لانج ذكرتي تجربتي

 

[بدوية بملامح كشميرية 86]

بنفسي اجيب توام بنت ولد

والله يرزقني ويرزق كل محرووومه

 

[ضحكتي ماركة ]

الله يكتبلنا الخير والحمال بالصحه والعافيه

وانا عن نفسي لاني محرومه من الاطفال بخاطري احمل بواحد ويعوضني صبري ي رب ويرزق خواتي المحرومات

مو لازم توام لان النعم من الله سبحانه

 

[كتالونيه]

��ضحكتي ماركه��
الله يرزقج يارب
بالطفل السليم المعافي
ويرزق گل محرومه ياااارب

 

[attoosh]

انا كان عندي تكيسات عطاني الدكتور ابر منشطه وابره تفجيريه وحملت بتوام الحين عمرهم 7 اشهر حبايبي ودكتوري محمد قطب