منو احسن دكتور عيون للأطــــــفال؟؟

[أم@الحلوين]

up

up

 

[أم@الحلوين]

بنات منو سمعت او تعرف عن الدكتور الايراني رضا خدادوست اللي كان ايي مستشفى الهادي من زمان يقولون عنه وايد شاطر وعنده عياده في الامارات ياريت اللي تعرف عنه اي شي تفيدني ومنو تعرف عنوانه ؟؟

 

[black dimond]

حبيبتي انا سمعت عن دكتورة عجوز بمستشفى رويال حياة كانت قبل تشتغل بمستشفى شركة النفط نسيت اسمها بس جنه اسمها صديقة ما ادري معصومة شي جذي اعذريني نسيت اسمها يقولون وااايد زينة حق عيون الاطفال و اهي قديمة ولها خبرة بهالمجال و ان شاء الله تفيدج اذا لقيت الشخص اللي قالي عنها بسأله عن اسمها ... واتمنى اكون فدتج اختي ومابي منج غير دعوة لولدي بالشفاء

الدكتورة صبرية ..عندها عيادة في الجابرية المجمع قبل نادي شامبينز اليديد يكون بالزاوية

 

[أشبـاهـ المطـر]

دكتور عبدالله المنصور بالمركز الاستشاري الطبي بميدان حولي انا لما كان عمري 9سنين محد شخص حالتي الا اهو ولما يا برفسيور زياره لدار الشفا قال نفس كلامه بالظبط... وفي دكتور بمصر اسمه حسين علي حسين شاطر ومعروف سويت عنده ليزك

 

[أم@الحلوين]

عبدالله المنصور ماأسمع عنه وايد اهو شاطر؟

 

[أشبـاهـ المطـر]

ام الحلوين انا طرحت تجربتي وانتي حره الي اقدر اقوله اني قبل لااعالج عنده تبهذلت بابن سينا وعيادات الخارجيه
ولما رحت له قال ابوي ان حالتي نادره والى الان مالقوا لها علاج واهو الي نصحنا نروح لدكتور الي بمصر لان بوقتنا ماكان متوفر اليزك

 

[al7noona]

انا توني مسويه عمليه حق عيوني عند الدكتور عبدالله المنصور ماشالله عليه وايد وايد شاطر وزين

وكل مااروح المراجعين اغلبهم يهال يعني الكبار تلقين بس 3 ولا 4 والباجي كله صغااار وانا بصراحه استغربت وانتي اذا رحتي بتشوفين بعينج وهذا يدل على انه شاطر ويفهم حق اليهال

بس انتي قعدي وسالي عن كل الي تبينه واهوا مايقصر يرد ويفهمج

قبل رحت حق العجمي بس ماانصحج فيه احسه وايد عجول ومو الكل يمدحه والسبتي نفس الشي وايد ناس يذمونه

وانتي استخيري والله يشافي ولدج يارب

 

[جنوون عاشقه]

حبيباتي توني اشوف الموضوع
عموما انا ولدي فيه حول حبيبي فديته مع قصر نظر
عموما اول شي وديته عند بهبهاني مع انه وايد زين بتعامله مع اليهال بس مادري ليش مارتحت لاتسالوني
وديته بعدها عند خالد السبتي حدددده عجيب والله اصلا غير النظاره اللي سويتها عند بهبهاني ومن عقبها قل الحول ولله الحمد
يعني انصحج فيه وان شاء الله ترتاحين وترتاح كل ام​

 

[حرم الاسد]

يا ليت تفيدونا اكثر واكثر وكل ام عانت تشرح تجربتها

ابي دكتور عيون للخدج شاطر

 

[sara999]

ولدي عيونه احسها وحده مو سيده
والي احسها مو سيده احس حتى الجفن متغير وبادي يغمض
وقبل فتره حاشه رمد
تتوقعون عيون ولدي فيها شي؟؟؟

 

[ام قعوده]

رد : منو احسن دكتور عيون للأطــــــفال؟؟

السلام عليكم

انا انصج بالدكتور فيصل ابراهيم الغضفان بمستشفى البحر
ما اضن بلاقي احن منه على الطفل وتعامله معاه ونجاح عملياته
انا بنتي ولدتها وفيها ماي ابيض بعيونها اثنينهم ومن شافها اقرلها عملية سحب للماي الابيض وسويتلها وعمرها 12 يوم بس
وكنت خايفه ان بنتي ما تشوف لكن توكلت على الله ورجيته وكان املي فيه كبير سبحانه
ونجحت العمليه وبعد شهر من العمليه رحت للدكتور عبدالمطلب بهبهاني بعيادته وقالي العمليه ناجه 100% الحمدلله ودكتور عبدالمطلب ممتاز مثل ما الكل يعرف
وبعده رحت للدكتور صدقي موجود في مستشفى البحر وشاف العمليه لان الدكتور قيصل ما كان موجود وقالي ان العمليه ماشاء الله والحمدلله ناجحه ومافيها شي . ودكتور صدقي ناجح .
هذي عمليه سحب ماي ابيض من طفل مو مجرد حول يمكن يتعدل مع الايام ومراجعه الطبيب
والدكتور فيصل موجود في عيادة الحول بالبحر
انا اشوفه انه زين واكثر من زين والحمدلله ان بنتي صارت عنده
وتوكلي على الله . وروحي لدكتور عيون اطفال مو اي دكتور عيون
والله يكتب الشفاء لجميع المرضى في عيونهم وفي اجسادهم وفي عقولهم امين .