منو احسن دكاترة اطفال انابيب بليز؟

[hopfull]

السلام عليكم حبايبي

حبيباتي الموضوع خاص بصديقتي الصدوقه وانا قلت اكيد محد بيفيدنا غير كويتياتنا السنعات :icon30:

حبايبي رفيجتي صارلها 5سنين متزوجه والله ماكتب تحمل ليلحين بس راحت الصباح وخيروها بين:
1-رويال حياة
2-دار الشفا
3-مستشفى العرف
4-فوزية القطان
5-ماجده اليتامى
وقالولها هذول احسن دكاترة اطفال انابيب انتو شرايكم منو تختار ولا في دكاترة احسن بلييييييز فيودنا
:balo:

 

[eng-khadkhad]

لا تروح ماجدة اليتامى ما انصح والباجي ماجربتهم الصراحه بس خل تروح الموساة عند دكتور ناهض حمادية وان شاءالله وبفضل رب العالمين كل شي يتم على خير وتحمل

 

[*ماي الورد*]

ماجدة اليتامى
فوزية القطان
حمادية
العرف

 

[^حبيبة الكل^]

ليش ماتفكرين اباتريك في مستشفى لندن
الكل يمدحه و الله

 

[fatooooooma]

حبيبتي ختروح عند دكتور خالد حموده في بوشهري كلينك وايد زين واهو بروفيسور وتخصصه اطفال انابيب وريال متديت واخاف الله وانا عمليتي حق اطفال الانابيب انشالله عنده هالشهر

 

[warda_76]

انا الحين عند باترك والكل يمدحة وممتاز وخبرة وانشاءالله خير

 

[hopfull]

حبايبي ماقصرتو
eng-khadkhd دكتور ناهض حمادية انتي جربتيه؟

fatoooma الله يوفقج حبيبتي وانشاالله تيبين لنا الاخبار الطيبه اهوا اول دكتور تعالجين عنده؟

حبيبة الكل و warda_76 شلون باتريك معاج ؟؟ انا سمعت عنه وايد بس مادري عن الانابيب؟؟؟ والله يوفقج ويرزقج ويطمن قلبج حياتي

 

[نبض الغلا]

رد : منو احسن دكاترة اطفال انابيب بليز؟

انا عالجت عند الدكتوره فوزيه والحمد لله الحين حامل


مع اني رحت لماجدة


وفي نفس الشهر رحت لناهض



وسبحان الله استخرت وعالجت عند فوزيه



خلها تستخير والله يوفقها

 

[احب المنتدى]

رد : منو احسن دكاترة اطفال انابيب بليز؟

الله يرزقها يااااااااااااارب
و ان شاء الله ماتحتاج الهالدكاتره قولي امين



انا وايد اعرفهم بالمواساة عند ناهض و ماشاء الله يابو توأم بعد الله يخليهم لهم يارب و يرزقج رفيجتج

 

[^حبيبة الكل^]

حبايبي ماقصرتو
eng-khadkhd دكتور ناهض حمادية انتي جربتيه؟

fatoooma الله يوفقج حبيبتي وانشاالله تيبين لنا الاخبار الطيبه اهوا اول دكتور تعالجين عنده؟

حبيبة الكل و warda_76 شلون باتريك معاج ؟؟ انا سمعت عنه وايد بس مادري عن الانابيب؟؟؟ والله يوفقج ويرزقج ويطمن قلبج حياتي

هلا حببتي انا و الله ما اعالج عنده بس اعرف ناس وايد حملت على ايده من بعد توفيق رب العالمين
و الكل يمدحه بس يقولون انه ماااااااااااااااااااااااادي و يحب الفلوس

 

[دمي انا عسل]

السلام عليكم
منصور العرف وهي مغمضه نفسيته حلوه ويبتدي العلاج على شوي شوي
وانا صراحه عالجت عنده وحملت والحين شهر 9 براجع والله كريم
وانا مسويه انابيب 3 مرات اول مره فشلت والثانيه نجحت والثالثه فشلت
والله يرزقني ويرزق كل وحده تبي عيال

 

[كتكوته22]

الصراحه ناهض احسن واحد فيهم كلهم والله رزق وايد بنات على ايده وانا منهم والحمد والشكر يارب واغلبيه الي بالعياده كلهم عملياتهم تنجح ونسبة لنجاح عنده 80 بالميه والبنيه الي تقول مادي حشى والله مو مادي اهو مو مستشفتى ابوه على شان يزيد الاسعار اصلا اهو مو يرضى يزيدون الاسعار خاصه على مراجعينه وصج وايد ينزعج من هالسالفه وكلش مو مادي ابسط شي لمن يعطينا تحاليل يقول سووهم بالحكومه اوفر لكم وصج كل التحاليل بالحكومه ما عدى جم تحليل مو موجودين ويارب يرزق رفيجتج توم ويرزق كل محرومه يارب

 

[^حبيبة الكل^]

الصراحه ناهض احسن واحد فيهم كلهم والله رزق وايد بنات على ايده وانا منهم والحمد والشكر يارب واغلبيه الي بالعياده كلهم عملياتهم تنجح ونسبة لنجاح عنده 80 بالميه والبنيه الي تقول مادي حشى والله مو مادي اهو مو مستشفتى ابوه على شان يزيد الاسعار اصلا اهو مو يرضى يزيدون الاسعار خاصه على مراجعينه وصج وايد ينزعج من هالسالفه وكلش مو مادي ابسط شي لمن يعطينا تحاليل يقول سووهم بالحكومه اوفر لكم وصج كل التحاليل بالحكومه ما عدى جم تحليل مو موجودين ويارب يرزق رفيجتج توم ويرزق كل محرومه يارب

لا حبيبتي انا ما اتكلم عن ناهض انتي فهمتيني غلط انا اتكلم عن باتريك اول انه شااااااطر حيييييييييييييييييل
ومن بين عشر حالات تفشل حالة عنده بس اقول انه مادي بشكل مو طبيعي انا ما يبت طاري ناهض حمادية يا الغالية ورب يرزق كل محروم

 

[هيبة ملك]

منصور وهي مغمضة أوفوزية

عاد زحمة عنده تخيلي من شهر 3 وأنا حاجزة وموعدي على دورة 8

ألحين هو مسافر احتمال يرد الخميس أو الجمعة


بس الله رزق على يديه ناس كثير

الله يرزقنا يارب

 

[بغمزة اطيح خمسة]

انا اراجع عند ماجدة وزين معاي بس افكر اغيرها

 

[chanel N22]

اب لعيونج ماعندي خبره
والله يرزقج ويرزق كل محروم يارب العالمين

 

[كتكوته22]

لا حبيبتي انا ما اتكلم عن ناهض انتي فهمتيني غلط انا اتكلم عن باتريك اول انه شااااااطر حيييييييييييييييييل
ومن بين عشر حالات تفشل حالة عنده بس اقول انه مادي بشكل مو طبيعي انا ما يبت طاري ناهض حمادية يا الغالية ورب يرزق كل محروم

سامحيني حبيبتي كنت قاريه غلط عبالي عن ناهض :ssssso:وصج عن باترك نهيبه درجه اولى صج عنده الماده اهم شي ويصلخ بالاسعار انا رحت عنده قبل لا اروح عند ناهض بعدين وقفت العلاج ورحت حق ناهض والحمدلله ما شالله الله رزقني ويارب يرزقج بتوم ويرزق كل محرومه يارب

 

[أم لولووأخواتها]

العرف الدكتور منصور أو مدحت فوزي ممتازين
ويعطون معامله خاصه للمحولين من الحكومه
والله يرزقها

 

[hopfull]

ياحلوكم والله ماقصرتو بعد قلبي
مشكورين للافاده
والله يرزق رفيجتي وكل وحده تنطر الخبر الحلو بالذريه الصالحه يارب
والحوامل الله يتمم ويسهل عليكم ويحفظكم من كل مكروه
احبكم واااايد :*

 

[eng-khadkhad]

حبيبتي انا ما جربت ناهض بالانابيب بس جربته بمراجعاتي وقاعدة اعالج عنده حاليا لاني ما احتاج اطفال انابيب .. بس من تجارب البنات واااايد يمدحونه وانا رحت عند ماجدة التامى انهبوني وعطوني علاج غلط وخاصة دكتورة شيرين الي معاها وماجدة بروحها عصبت عليها .. هذا دليل انها توظف ناس غلط عندها حسبي الله ونعم الوكيل ورحت حق باتيرك ماعجبني كلللش مو متفائل قال لي ماراح تحملين وتكيساتج ما راح تقل ولا راح تروح والباجي ما اعرفهم
الحمدالله على كل حال والله يرزق الجميع