منو ابرايج المفرووض يدفع تكاليف السفر؟ شاركو معانا في ارائكم

[MyLittleBerry]

اكيد انا معاكم

اذا كان قادر

مايمنع انج تساعدينه

يعني بالنسبه لي انا ريلي الحمدلله يقدر بس انا ماقدر مااخش حلوه هذي من فلوسي حق مصاريفي ساعات الرياييل مايحبون الحريم يمصخونها بالسوق وتدرون احنا شكثر نموت بالسوق

 

[حاااايره]

وانا اول وحده ببدي
انا اقوول الريال اهوا المسئول في حالة اذا كان ميسوور وماعليه قاصر مسئوول عن التذاكر والسكن والاكل.
واذا تبين اتشرين في السفر يمعيلج مبلغ وفسفسيه اهناك

اما اذا كان الريال على قد حاله فما يمنع انه مرته اتشاركه في المصاريف..

100%:eh_s(6):

 

[UMSAROON]

نورتونا ياكويت بتر فلاي والحايره..
صاجه ياكويت بتر فلاي احنا انمصخهاا بالتسوق..

 

[عنايد]

بالنسبه لي كل شي علي من الى شسوي؟؟
زوجي ماعنده اذا بسافر اسافر على حسابي

 

[الجــادل]

انا اشوف الرجال هو ملزووم بالسفره من الى

واذا ما عنده ما ادفع له

اسافر مع اهلي على الاقل اكون محفوله مكفوله

لان رجاجيل هالايام مو حلوه تعودينهم تصرفين عليهم

 

[saron el.noteya]

يسلمو خيتو ع الموضوع الرووووووووووعه..

بالنسبه لي أنا طبعا الأم والأبو ولا إحنا ياختج ندرس طول السنه ومنكرفين منو اللي بيدفع غيرهم...

وإذا قالوا ماكو سفر أشقق إهدومي>>داشه بقوه

 

[UMSAROON]

عنايد.. الله يعينج ويسخر زوجج لج, بس دام هذا السفر في وناسه لج ولريلج عليكم بالعافيه.. اهم شي وناستكم
الجادل.. بس هم الوحده ساعات يكون ودها تسافر مع زوجها ومايمنع انهم يتشاركوون بس انه على طوول يتعود انها تدفع له هذي صعبه..
farashat-sajaya الله يخلي امج وابوج لج والله لا يحرمج منهم

 

[saron el.noteya]

آمـــــــــــــــــيــــــــــــــــــــــــــــــــــــن

ويخليلج أهلج وخلانج


لووول

 

[abla_momaiza]

فعلا المشاركه حلوه

والله يا قلبي المشاركه حلوه حتى لو هو قادر علشان يحس انج مشاركته بكل شي واذا زاد من الدراهم اللي معاه يشتريلج هديه من هناك(الدوله):eh_s(15):

اول شي مشكورين على هالموضوع فعلا المشاركه حلوه انا دايما اشارك زوجي بكل شي وهو مقدر هالشي خصوصا اني عارفه امكانياته فمثلا السفر دايما نتقاسم مثلا التذاكر عليه والمصروف علي او العكس حسب الديره اللي بروح لها

 

[UMSAROON]

يعطيج الف عافيه يا ابله مميزه..

 

[ظلال القرآن]

السفر على الزوج
اما مشترواتي علي

 

[UMSAROON]

مشكووره على المشاركه يا ظلال القرآن..

 

[أم@الحلوين]

عسى الله يسخره لج ولعيالج والله لايغير عليكم حبيبتي ام الحلوين..
انتي نفس حالتي بس هالسنه انا اشتغلت ..
علشان جذي قاعده اسأل

مشكوره حبيبتي والفال حقي اتخرج واتوضف :eh_s(9):

 

[أميرة الحلا]

الصراحه معاج حق يا ام سارونه اذا قادر عليه واذا على قد حاله يتعاونون ما فيها شي
بس والله اعرف زوجات معشاتهم قويه ومايسافرون بالصيف على اساس ان زوجها معاشه ضعيف وماعنده مجال يدفع حتى لو تذكره واهي لو شنو تدفع له ""فعلي وعلى اعدائي"""
وهذي النوعية الحسد معمي قلوبهم الحمدلله والشكر

 

[UMSAROON]

انشالله تشتغليين يا ام الحلويين وتساعدين ريلج واترديين له جزء من جميله..
مشكوره بعد عمري أميرة الحلا على المشاركه الحلوه...

 

[هوى الدار]

الزوج طبعا لكن اذا مو قادر ممكن يتساعدون

 

[دانتيل]

الريال طبعا... و المساعده حلوه بعد ....

 

[UMSAROON]

هوى الدار ودانتيل نورتونا ...