منو أفضل دكتور أنف وأذن وحنجرة ؟

[BLack suGar]

من خلال تجاربكم بنات، منو أحسن دكتور جربتوه ؟؟

بليز ردوا بسرعة... :s141:

 

[*دبدوووبه*]

حبيبتي راح نرد عليج
بس قولي لنا اول شي
كعلاج
ولا عمليه تجميليه ؟


انا اعالج عند خالد عبدالهادي كعلاج
بس عمليات تجميل لآ

وكعلاج عند عبدالحميد المهنا
وعبدالله العلي
وعبدالمحسن جعغر


وان تبين عمليات تجميل
جمال الحربي

 

[BLack suGar]

هلا دبدوبة

أول شي اشكرج على سرعة الرد، وانا احتاج الدكتور للعلاج.

أحد سامع بالدكتور محمود البوز؟

أو د. أنا عيادتها فوق اللوتس بالسالمية ؟

 

[*دبدوووبه*]

هلا والله
العفو ياقلبي شدعوه ماسويت شي

لا والله ولا مره سمعت فيه

شوفي تبين علاج
مثل ماقلتلج
خالد عبدالهادي
وعبدالمحسن جعفر
موجودين في Mtc مستشفى

وعبدالله العلي عنده عياده خاصه

 

[Maneena Manaana]

خالد الصبيح تعجبني طريقته في الشرح... كان يشرح كل شي بالتفصيل ( قبل لا تصير عنده عيادة... مادري عنه الحين)
وباسل الصباح... توه راجع من كندا وطبيب شاطر وموجود في mtc

وماتشوفين شر ان شاء الله

 

[BLack suGar]

دبدوبة،
ممم، اي سامعة بخالد عبدالهادي رفيجتي ايام الجامعة كانت مسوية عنده تجميل.

مانينا مانينا
خالد الصبيح اقرا عنه وايد، وباسل الصباح أول مرة أسمع فيه !

محد سمع بسند الفضالة ؟ شلونه بالعلاج ..؟

 

[*دبدوووبه*]

سند الفضاله
دكتور كبير
واهوا صاحب مسشتفى طيبه كلينك الي في صباح السالم

ريال حبوب ومحترم وله خبره

 

[BLack suGar]

دبدوبة حبيبتي والله انتي اللي معاي عالخط :*

احتمال امره باجر، وان شالله القى الشفا على ايده

 

[سنفوره تلعب كوره]

لا يعلى على عبدالله العلي دكتور شاطر جدا واخلاق عاليه.

 

[*دبدوووبه*]

شوفي ان رحتيله لا تستغربين من اسلوبه

ترى يتغشمر
ويسولف
جنه يعرفج من زمان لووووووووووووووووووووول
يعني حبوب وايد
بس كبير بالعمر
موتقولين عنه موصاحي لووووووووووووووووول
اهوا اسلوبه جذي

 

[سنا الفضه]

لا يعلى على عبدالله العلي دكتور شاطر جدا واخلاق عاليه.

سيم سيم

د\ عبدالله العلي ممتاااز...وتفكيره ابدااا مو تجاري مثل غيره واسعااره بمتناول الكل

وفووق هذا وذاك كل دكاترة الانف والاذن والحنجرة بالكويت متعلمين منه طقة د\خالد الصبيح و

د\خالد العبدالهادي

فهو يعد الدكتور الاول بهذا المجال

وماتشوفين شرررررررررر حبوبة​

 

[BLack suGar]

سنفورة
عبدالله العلي وين مكانه !؟

سنا الفضة
الشر ما اييج حبيبتي.

دبدوبة
لوول اي قالوولي عنه يحليله خوش دكتور

 

[*دبدوووبه*]

اي انتي قررتي منو ولا بعد ؟

وهذا رقم الدكتور عبدالله العلي

بس الله يعينج على الطق والمطاقق الي عنده

5644660

 

[BLack suGar]

دبدوبة
باجر الصبح ان شالله بمر د.سند، وان شاء الله على ايده الشفا لأني حدي تنرفزت من اذوني

 

[*دبدوووبه*]

بعد عمري والله ماتشوفين شر

لي رحتيله قوليلي وشوفي شنو يصير وياج

انتي مسويه تخطيط او اشعه من قبل ؟