منو أجر سيارة بسايق في باريس ؟؟ انقذوني انا هناك

[سنع ومنع]

السلام عليكم ...
شلونكم خواتي ..واللي يسلمكم منو أجر سيارة بسايق في باريس ؟؟ انا الحين هناك وحدي متوهقة أبي سيارة بسايق ويفضل يكون عربي ...
ناطرة ردودكم على احر من الجمر
وتسلمون​

 

[dan]

ما سألتي الفندق اهما دايما يكون عندهم سيارة مع سايق

 

[كويتية أصيله]

روحي الفنادق إللي بالشانزلزيه وسأليهم . عندهم أسماء وااااااااااااايد تحت الطلب. بس تري أسعارهم غاليه

 

[سنع ومنع]

مشكورين خواتي على الردود وما قصرتوا باجر بحيل الله من الفجر انا عندهم

 

[اميرة الغيد]

السيارات غاليه فباريس حتى اهل الديره نادرا تلقينهم راكبين سياره ، ليش ماتروحين بالمترو او الاندر جراوند ترى سهل حيل مال باريس ، وبالتوفيق ان شاء الله .

 

[سنع ومنع]

صح كلامج المترو وايد أحسن وارخص بس المشكلة لما يكون معاج عربانة ياهل ويهال .. حده الوضع لوية ..
قلنا يبا نشتري راحتنا .. والسيارة بسايقها احسن لنا ...