منوو تعرف هالمرض ..!

[خالة نورا]

السلام عليكم سمسميه ردي علي رحت لدكتور حسام بشير وقال راح أسوي لولدج عملية بعد 3أسابيع اذا ما حرك ذراعه وخفت من العمليه ووديته دكتور ثاني وقال أبي رنين مغناطيسي وتخطيط للعضلة والله أنا مو مصدقة ان ايده ماراح تكون طبيعية ماأدري وين أروووووح.؟؟؟.أسووي العملية ولا لا؟؟؟
ردي طمنيني...

 

[سمسميه]

والله شوفي يا اختي
انا ما اقدر اقول لج سويها اولا
انتي استخيري وشوفي رب العالمين شنو يكتب لج
بس حطي ببالج ترجع طبيعيه ميه بالميه مو اكيد
احسن الجالات وصلت 95 بالميه اذا ما خاب ظني بس شي احسن من شي والحمدلله على كل حال
سوي الفحووصات وشوفي راي الدكتور الثاني
والله يعينكم
والله حاسه فيج

 

[نووووونا]

الله يشافى عيالكم

سمسيه وخاله نورا وجميع مرضى المسلمين


نفس ما قالتلج سمسميه خاله نورا دزى الاوراق بره واخذى رايهم كراى ثانى ,,


والف سلامه حبيبتى

 

[خالة نورا]

أهم شي عندي ان ايده اذا كبر تصير ايده طبيعيه ولآ يبين فيها إعاقه تعبت من التفكير....

 

[سمسميه]

نورا
هذا عند رب العالمين بس انتي لا تتركين العلاج الطبيعي ابدا
في ناس ما شاءالله تشافو بنسبه كبيره لدرجة ما تحسين ان ايدهم فيها مشكله
انتي وكلي امرج لرب العالمين ولا تيئسين

 

[ii DareeN ii]

مايشوفون شر الله يشافيهم عرضي اوراقها على اكثر من استشاري وجراح واذا العملية اهي الحل استخيري والله يكتب لهم الخير

 

[خالة نورا]

كم كان عمرها لما سويتي لها عمليه ؟؟؟ وراح تحسن بعدين ولآ لا؟؟؟ الله يعينج علي من اللي في قلبي ...

 

[الزهرة الخضراء]

اللة يشفى عيالكم وعياال المسلمين اللهم اميين

 

[سمسميه]

سوينا لها العمليه عمرها 4 شهور ونص
وحاسه فيج الله يعينكم
وعلى التحسن والله مادري شقول لج اهيا احسن من اول وايد الحمدلله بس لاتزال ايدها حدها ارتفاع زاويه 90 درجه عندها مشكله الحين بعضلة الكتف تيبست والدكتور يقول لازم عمليه ثانيه اسمها نقل عضلات
والله كريم ويشافيهم يا رب