منوو تعرف هالمرض ..!

[خالة نورا]

السلام عليكم والرحمه
شلونكم شخباركم كويتيات . . !
انا متضايقه حيل وحبيت اسالكم يمكن احد نفس الحاله
ولدت طبيعي وكان الولد حجمه كبير والدكتور جر ايده وقال فترة
ماتجاوز 10 ايام وترد طبيعيه الحين عمره شهرين ونص ولا يحركها
. .ويوم وديته طلع فيه مرض الضفيره بايده وقالوا استمري على العلاج الطبيعي
قام يفتح اصابعه عقبها مرات بس مايحرك ايده مادري متى تكون ايده طبيعيه
ويحركها مثل باقي الجهال
ابي الي عندها شي تفيدني ..
وادعوا له بالشفاءءءءءءءءءءءءءء

 

[سمسميه]

ما يشوف شر الصغير ان شاءالله
حبيبتي انا بنتي بالضبط نفس الشي
صار فيها شلل الضفيره العضديه
كل من الدكتوره حسبي الله ونعم الوكيل
جرتها والنتيجه تقطعت اعصاب الايد وصارت ما تحركها
سوينا لها عمليه بعكر 4 شهور
ومن اول اسبوع بعمرها الى الان عمرها يقارب الثلاث سنوات واحنا نودبها علاج طبيعي
تحسنت افضل من قبل لكن ليلحين ما تقدر ترفع ايدها اعلى من مستوى الصدر
يا رب يشافيهم ويفكهم من هالعذاب من العلاج الطبيعي وبهذلة المستشفيات

انتي وديتيه علاج طبيعي؟

 

[خالة نورا]

اول شي تسلمين حبيبتي على ردج
والله يشفي بنتج وولدي
ااي اوديه علاج طبيعي ويجيه مدلك في البيت
بس انا خايفه انها ماتحرك
وشولون عرفتي ان تقطعت اعصاب بنتج وان فيها شلل ؟؟
قالوا لي مايبن الحين درجة ضرر العصب

 

[الشاهينه]

ما يشوفون شر عيالكم بس اول مره اسمع عن هالمرض

 

[خالة نورا]

آآمين
تسلمين على مرورج ,,

 

[سمسميه]

اول شي تسلمين حبيبتي على ردج
والله يشفي بنتج وولدي
ااي اوديه علاج طبيعي ويجيه مدلك في البيت
بس انا خايفه انها ماتحرك
وشولون عرفتي ان تقطعت اعصاب بنتج وان فيها شلل ؟؟
قالوا لي مايبن الحين درجة ضرر العصب

المرض هذا اسمه شلل الضفيره العضديه erbs pulsy ما فيها شلل اسم الله عليها فال الله ولا فالج!
وهو مو مرض هو خطا نتيجة الولاده

والقطع بالاعصاب عرفوه لما سوو العمليه
وانتو نفس تلشي لو ما حرك ايده لي عمر 4 شهور اتوقع يقترحون عليكم العمليه

والله يشافيهم ان شاءالله

 

[خالة نورا]

تسلمين وتعبتج وياي والله يشافيهم

 

[انونا]

ويه نفس حالة ولد اختي

همن عمليه وعلاج طبيعي

بس ترا اعرف وحده تقول همن نفس الشي بس بعدين الحمدالله قدرت تحرك ايدها عادي

والله يشافي اعيالكميارب ويكون بعونكم وبعونهم

 

[خالة نورا]

شلون ولد أختج ؟؟
يحرك ايده الحين؟؟
اهم شي ان ولدي يحرك ايده بعدن طبعي ...
احاتي ليل ونهار...

 

[قمردين]

الله يشافيهم

 

[خالة نورا]

سمسميه ودي أكلمج على الخاص لأني حيل احاتي حالة ولدي ...
ياليتج تطمنيني....

 

[PinKiY-GiRL]

الله يشافي وليدج حبيبتي وما يشوف شر وحسبي الله عليهم هالدكاترة :×

 

[خالة نورا]

يعطيج العافيه حبيبتي...
بليييز ابي أحد يطمني؟؟؟

 

[سمسميه]

نورا
سئلي افيدج شبغيتي
حاسه فيج

 

[خالة نورا]

ولدي ايده راح تصير طبيعيه ولآ لا

 

[سمسميه]

والله شوفي على حسب حالة ايده كل ياهل غير في ياهال يتضررون يل مثل بنتي حبيبتي الاعصاب تقطعت!! حسبي الله ونعم الوكيل والحمدلله على كل حال
وفي ياهال بس يصير شد للعصب وبالتالي بالعلاج الطبيعي يطيب مو لازم عمليه

انتي شنو قال لج الطبيب؟ ومنو الدكتور الي تراجعون عنده؟

شوفي اهم شي انه يفتح كف ايده ويستخدك اصابعه هذا اهم شي معناته ان يقدر يستخدم ايده لكن على رفعة الايد لي فوق هذي عاد كل ياعل غير على حسب تضرر العصب اثناء الولاده

شوفي هني شلون لما يسحبون راس الياهل يشدون اعصاب الايد الي اهيا مكانها مابين الراس والكتف بالرقيه

تصير الياهل ايده راخيه وما تتحرك والكف يلف لي ورا حتى يسمونها حركة الwieghter tip

اقري عن هالشي اكثر على هالرابط ولو تبين اي سؤال انا حاضره
http://www.childclinic.net/pain/brachialplexuspalsy.html

 

[خالة نورا]

شكرا على اهتمامج
وهو نفس الصورة ايده لاف الكف واصابعه داخل
مايفتح اصابعه الا نادرا
وانا احط لولدي جبيرة كل يوم
ورحت عند دكتور جونتينا في شيخان الفارسي
مراجعته بعد 3 ايام / يومين
بالاسبوع له علاج طبيعي في المستشفى
ويجيه واحد للبيت يسوي له علاج طبيعي ..
والرابط هذا حفظته من كثر ماقراه من ولدته وانا اقراه
مادري وين اروح .؟؟
دليني على دكتور شاطر لهالحاله =(
وسوري غثيتج بس وسعي صدرج وياي انتي حاسه فيني

 

[سمسميه]

احنا نراجع عند دكتور حسام بشير بمستشفى الرازي وهو الي قرر لها العمليه
اما العلاج الطبيعي نروح مركز الفهد

وحاولي تودينخ برا او على الاقل تدزين تقاريره تاخذين الاستشاره

انا الضروف ما ساعدتني اودي بنتي

والله يشافيهم يا رب

 

[مرحبتين]

ماعندى فكرة

 

[فراولة زرقاء]

المفروض يا حبيبتي ما تسكتين عن هالخطاء و تشتكين على الدكتور شنو الناس لعبة بيدينهم ما في ذمة صدقيني لو هالدكتور عندنا بالسعودية على طول يعطونها انذار بس انتم بالكويت سبحان الله الاحظ فيكم طيبة مو طبيعية كل شي ينسكت عنه فديتك الا و لدك لا تسكتيين هالدكاتره بيطريين مو دكاترة و لاقدر الله لو ظل و لدك على هالحالة شنو يفيدني فية خطاء طبي فية حريم شاطرات يعالجون حالات الاطفال الي زي كذا شوفي عنكم بالكويت و روحي لها ما يشوف شر