$منوعات ميكابيه وعطريه ولوكات هديه $

[نسوره]

مرحباااا يا كيك

شلونكم كلكم ؟؟


عندى فكره حلوو وانشالله الكل يشارك بالصور والى ما يعرف هم يصير بالكتابه نبى نستفيد ونفيد من الكل ومن كل الى موجود عندكم نبى مميزاته وعيوبه وكل سبت راح يكون الموضوع غير يعنى مره عن الكحل ومره عن البلشرات الخ...واذا خلصنا بالاسبوع هذا نبتدى نتكلم بالاسبوع الى بعده عن شى يديد ..


وانشالله كل الى يدخل يلتزم وما نبى نغرات وسوالف وطبعاا ما نستغنى عن اللوكات اليوميه ولازم تسجلون حضوركم بلوك يومى





بدايه فكرت ان نبتدى بالاساس يعنى راح نبلش بالبيس والفاونديشن والبودرات اللوز والكومباكت

راجعه لكم مع الصور وناطره مشاركاتكم الحلوه يا حلوين :ggdw:

 

[القنفه]

اي والله ياليت انا مو ذاك الزود ف اللأساس والبيس وهالشغلات ياليت استفيد منكم اذا مريت السوق اتخسبق ماعرف شنو اشتري

 

[Na77olah]

نطرووووووووووووووووني شوي وانزل الصور :ada:


واحلى شي نبي الهديه :klhfl:

 

[Pissy Missy]

حلو الموضوع عجبني

سجلوني حضور معاكم وانشالله اليوم بالليل بصورلكم احسن شغلات عندي بالنسبه حق الفاونديشن

 

[kekoh-87]

وايد حلو الموضوع انا بعد راح انزل صور عن الفاونديشن والكومباكت

بس في سؤال انتي تبين نكتب عن اللي حبيناهم وارتاحنا عليهم واللي لا ولا بس انزل صورهم وجذي ؟؟

 

[بنوتة نعومة]

بسم الله نبدي


و الله يستر


الفاونديشنات ملوتي





فاونديشن من ماك اثنينهم اينووون

hd من ميكاب فورايفير حلو و خفيف و يغطي

فاونديشن كريمي كومباكت بروونزي من ديغو واااايد لونه حلو رقمه 5 من كولكشن الصيف

فاونديشن من ديور nude يديد و ليلحين ما جربته

فاونديشن من سانلوران عاادي مو وااو

و الي من ميبيلين و ريفلون حق استعمال يومي لانهم خفاف


فاونديشنات باودر




ستديو فكي من ماك لا يعلى على هالبودر

مينيرالز سكن فينيش حلوووووووووة و تعطي glow من ماك

فاونديشن مينيرال لوس باودر من لوريال و الثاني من برستيج حلوين حق الدوام و يطون عدل

فاونديشن لوي من يور كولكشن nude ماجربته



خافي العيوب





من كريولان فيتا كولور

اخلط نتتتتتفه صغيرة مع اي فاونديشن حق الحفلات و العرووووس



كونسيلراتي





من ماك زوين مو وااو

من فورايفر الابيض خفيف حق الصبح و الفل كوفر اينن اينن اينن

و الدائري من كريولان حق تحديد الخشم و الهالات و كل شي لووول

و عندي بعد من ماك الرعااص ما صورته هم زوين



البيسات





من غيرلان حددة يديد ما قلتلكم عنه عشان لا تزفوني لووووول خذيته اهو و البودر ماله ايننوون و شكلهم يشوق بس ما استخدمتهم

من ديور يديد و ما جربته ليلحين

ملوت ماك زينين

سان لوران البنفسجي للبشرة الباهته حلووو

موديل كوو حق المسام المتوسع عجيييب

all mat من فورايفير اينن

مال كارو البلو راي اينن اينن اينن

الابيض من سيفورا عجييييييييييييييييييييييييييييب

الاحمر من كلارنس يدهن و ماعجبني كلش


اللوس باودر الي استخدمه عشان اثبت الفاونديشن و ما يخلي الويه يدهن

( يعني مو كتغطية )






من ماك و فورايفير نفس الكوالتي حلوين



بس و انشالله الكل يستفيد




​

 

[رحاب]

وأنا بعد .. تسجيل حضور وراجعة إن شاء الله​

 

[đeɱɛɼɑ™]

خووووووش فكرة ~

ان شاااء الله لي رجعـــــــــــــــة بالصووور ..

يعطيج العااافية حبيبتي ْ.~

 

[Dloool_q8]

[/url][/IMG]

هذيل البيس اللي عندي بس ما استعملهم وااايد عرات بس حلوووين الاصفر للهالات السودا و الاخضر للبقع الحمرا والحبوب جنه والبنفسجي يعطي نظاره

الابيض مادري احطه وبس لووووووول

[/url][/IMG]

من اليمين لوفلي مات معطيني اياه هديه حده وييييييييييييييييييييييييييع والديور اانا كله استعمله حق الحفلات مع الاضاءات يطلع اينن حده
واماندا حلو بس حسيته شوي يقلب على احمر <<<شكو
اللي يم اماندا ما اعرف اسمه بس برونزي عجيييييييييييييييييييييييييييييييييييب
وفيزورا حق الحفلات اينن اينن اينن <<< على قولة بنوت
واللي تحت فاونديشن فيكر حلو احب جذي خفيف لان الحمدلله ويهي صافي
واللي فوق برجوا حبييييييييييييييييييييييييييييبي احبه وااايد

[/url][/IMG]

اول واحد من اليمين للحين ما جربته
الثاني مينيرال من ريفلون احبه وااايد استعمله مع برجوا بو فرشه
ميك اب فور ايفر مات حلو وااايد مع اني ما احب المات بس هاذا عجيب <<<حطيت التستر بس نسيت اصور اللي موتستر
من مكياجي حلو بس ما استخدمه وااايد

ثانك يو نسنس عالموضوع العجيب يا قلبي

ولاتنسين تجيكين على ورداتي لوووووووووووووول

 

[البيداء_77]

خوووش موضوع عجبني الله يعطيكم العافية

 

[Mrs_Orchidia]

شوي و أرجع مع الصور .. قاعده أحملهم

 

[نسوره]

حياااكم بنات كلكم

كيكه حطى الى عندج سواء حلو او شين وذكرى عيوبه ومميزاته عشان الى ما يعرفه يستفيد


موقع التحميل بطئ وبحط على اجزاء

من الفاوندشان الى حبيتهم هذا من لانكوم

[/url][/IMG]

بصراحه حلو يغطى عدل بس ما غيرته الا لانى مليت عيبه الوحدي ان على ما احطه احتاج وقت فى توزيعه

[/url][/IMG]

هذا من ارمانى
ناااعم وااايد وتحسين بنعومه مو طبيعيه لما تحطينه
تحسسى فى بايدج وراح تعرفون معنى كلامى
عيبه ان مع الوقت شوى يدهن وما يغطى للبشره الى فيها عيوب

[/url][/IMG]

هذول من نوبا والحلو فيهم عندهم واايد رجاات وتغطيتهم متوسطه

[/url][/IMG]

هذا من ماك تغطيه وحلو وما يدهن

احمل الباجى وارجع

 

[Na77olah]

اول شي البيس

اول مات من فور ايفر <<<عجيب مايخلي ويهي يدهن وقريب بيخلص وناويه اجرب من ماركه ثانيه ويمكن ارد اشتريه
وعندي من ديور سامبل الي باقي عندي 2 بس احطه على ويهي يصير مخملي وهم مايخلي الويهه يدهن احطه حق المناسبات

الفاونديش
يولاي مع ماكس فاكتر الدرجه الفاتحه <<<عجبتني تغطيته ولونه عجيب
لوريال <<تغطيته وايد حلوووه بس ماينفع البشره الدهنيه
فور ايفر مو الHd <<<حلووو وطبيعي وانا ماخذه لون اغمج مني
والصغير هم من فور ايفر سامبل <<<درجته افتح من الي قبله <<<<بس ايمع سامبلز لووووووول

اول واحد ميبيلين طبعا غني عن التعريب لووول
ثاني واحد لوريال كل المنتدى مجربه اكيد لووووول <<<بس يسوي طبقه ويشد ويهي ما ادري شلون
ثالث واحد من لوريال احطه على ويهي يصير مثل البودر <<<خالتي يايبته لي من لندن

الكومباكت باودر
شانيل <<عندي منه ثلاثه ما استغنى عنه يخلي اللوك طبيعي
ستوديو فكس<<<غني عن التعريف
وال HD <<<ما استخدمه وايد ريحته ماتعجبني
وكانيبووو <<<وايد حبيته احطه من غير فاونديشن
وناويه على كومباكت جيفنشي المره اليايه

وهذا حماية بيوديرما <<<عجبتني
انها حمايه وبنفس الوقت فيها اساس وحمايه 100
يعني بهالحر مايحتاي احط فاونديشن حق الدوام بس احط كومباكت ومرات ما احط وبلش وخلاص

كونسيلر سان لوران +كونسيلر مثل القلم من اركانسل <<<عجيييييييييييييييب يخفي عدل اذا كانت طالعتلي حبه

هذي اغراضي المتواضعه وشكرا :tek:

 

[...SoSo...]

بأصور اللي عندي واوريكم
بس بعد ما اخلص اختبار باجر ادعولي

 

[حناينq8]

مشكوره حبيبتي
خوش موضوع

 

[نسوره]

نحولخ شنو هذا من اركانسل ؟
اول مره اشوفه؟

ما يحزز؟؟

 

[Mrs_Orchidia]

رجعت



أول شي الفاونديشنات

من اليمين لليسار:
أساس كفر ديرم للجسم .. رووووعة و تغطية خيالية .. عيوبه: حجمه صغير بالنسبة لأساس جسم

ماكس فاكتور .. أستخدمه لكل الاوقات و الظروف .. حلو و أحب أخلطه مع برونز .. شوفو طريقته بالرابط بالتوقيع

أساس كومباكت كريمي من انجلوت .. تغطيته عجيييبة بس عييبه يصير تغيير خفيف باللون بعد ما أحطه
لكن يستاهل التجربه

و اللي تحت .. ديرماكول .. عندي الاصلي و التقليد .. و اللي ما تشتريه تحتاج انها تجربه و تتلعم عليه قبل لا تحطه لاي مناسبة .. لانه قوييي و نتفه منه تغطي ويهج و رقبتج و يوصل لي صدرج << و الله ما أبالغ


و الحين الكونسيلرز

الباليت من بيكسي .. من البحرين .. مممم ما توقعته جذي .. كنت متوقعه أحسن بالنسبة للسعر اللي دفعته ..
يعني أعطيه 5 من 10

و الستيك اللي يمه من كفر ديرم .. حلو لتحت العين .. و يرطب
و مممكن تحطينه من غير أساس .. يعني برحه و يندمج مع لون البشرة بشكل رائع

بودرات كومباكت من Just Gold اللي عاليمين
و الثانية من Milani من المنصور

الصراحة ثنتينهم مو باردين قلبي .. الاولى واايد غامجة و حددها مات .. و الثانية ما ارتحت باستخامها بسبة كثرة الدرجات اللي فيها
و هم لانها مات . للأسف الثانية انخدعت فيها .. قلت ابي شي فيه غليتر و جربتها اللي ما تخاف الله على ايدي بفرشة فيها غلتر
و لما شريته و شفت البودرة طلعت مات

لااااا تجربونهم

لووز باودر من بورجوا .. حلوه و ملمس حريري و ريحتها حلوه .. أحب أحطها للمناسبات .. تثبت



البيس

الاخضر .. حبيييبي و صديقي و كل مكياجي وااايد حلو و يهدي لون البشرة اللي فيها احمرار .. نفس حلاتي

و الثاني شفاف .. يعني اهو مثل مثبت + قابض و يسكر المسام .. مو من الكويت و ماركتته أميكيه اسمها eveline
ما استخدمته اللا مرة و كان "مقبوول" يعني اعطيه 8 من 10





و هذا الي عندي ليلحييين


بانتظار الطلب اللي بعده




و مشكووورة نسووورة عالموضوع
:aha:

 

[Na77olah]

نسووور ههذا كونسيلر قلم احطه تحت الحاجب <<<اذا بغطي الشعر

واذا طالعتلي حبه احطه عليها تغطيته عجيبه حق هالسوالف

 

[نسوره]

حياااج الله غيرلان


maiتونى ادرى ان برجوا عندها لووز باودر؟
تنصحينى فيها
ما ادرى شفينى صرت احب اللوز باودر
لان ودى اجرب مالت ديور بنوته تمدحها

 

[Na77olah]

يعطيكم العافيه الي حطووو صور الفاونديشنات

وام دله <<<عجيبه الورده الي حاطتها

والباجي ناطرينكم نبي نشوووووووووف