منواللي تراجع في مستشفى الاحمدي وجربت ولادتهم؟؟؟

[om hmni]

بنات منو امجربه الدكتور عمرو رحت له طوارء كنت تعبانه وياني الجناح باله وسيع وارتحت له معني اراجع بالسلام عند الدكتوره امل عبد العزيز وانا بالثامن قال لي احتياط اخذي موعد وراجعيني بالعياده فآشرايكم جني باخذ موعد وقلبي ارتاح له معني رافضه فكره الولاده بالاحمدي لاني امجربتها قبل ١٠ سنوات ما علامها شي بس كان عندي واسطه وحطوني بغرفه خصوصي بس قبل سنتين ولدت برويال حياه وشفت الفرق بالكمام والابره بعد ما اولد يخيطوني وكل شي وانا نايمه ما احس بشي اما الاحمدي مافي نووووم كل شي احس فيه الولاده والكمام خفيف واحس بالخياط واروح غرفتي وما انا الا تالي الليل بس بالطواري قبل جم يوم سآلت الدكتور عمرو شنو نظام الولاده ماتغير فيه ابزه بعد الولاده علشان ما احس بالخياط وارتاح قال لا احنا نظامنا انجليزي نبي الام تحس بكل شي علشان تحس بالامومه بس في ابره الظهر نعطيها تخفف الطلق وماتحسين بشي وقت الخياط

وااااي والله صار لي ٣ ايام اصلي استخاره ماني عارفه اقرر وين بولد

عند دكتورتي امل عبد العزيز بالسلام بس كلش ماني طايقه السلام اذا بولد فيه علشان الدكتوره واحسه غالي علي الفاضي حتي مو راقي

عند اي دكتوره برويال حياه حبيت المكان والولاده وغرفه الولاده والعنايه كان حظي وااااايد زين مع السسترات الحمدلله واسعارهم زينه بالنسبه لي وعلى طول يسوون عرض علي الغرف وشي امجربته وراقي ومريح

واخر شي فكرت بالاحمدي الكل يمدح وانا امجربه ولادتهم بس هالمره الميزانيه مو شاده حيلها معاي فقلت احسن من الولاده السسترات يهبلون واخذ ابره ظهر والله ان شاء الله يسخر لي غرفه خصوصي مع ان بالمستشفي كلها ماكو الا ٣ غرف خصوصي وفي غرف فيهم سريرين وحمام داخل ومرات يصادف تكون مريضه وحده بالغرفه والباجي عمومي

بس انا ناويه هالمره ان شاء الله اسوي عمليه تضييج فلازم اختار المكان المضمون اللي يجمع كل شي

اتهقون مستشفي الاحمدي يسوون تايتينغ تضييج كامل من الداخل والخارج لان مو امفكره احمل بعد ان اراد الله الحمد لله على اللي عندي والله يقدرني اربيهم

واااااي ادري فريت راسكم مليون سؤال بسؤال والله حايره وماني قادره اقرر والوقت قاعد يمر وباقي اسبوعين ادخل شهري


قلت ماكو الاخواتي يساعدوني بخبرتهم الله لا يحرمن منكم