منواللي تراجع في مستشفى الاحمدي وجربت ولادتهم؟؟؟

[bdora]

السلااااام عليكم
واللي يعافيكم بنات نبي تجاربكم وتجارب خواتكم بهالمستشفى
وابي رايكم بالدكتوره غبريلا بالذات هل تثقون فيها وبسوناراتها من ناحيه صحة الجنين ونوعه ومشكووووورييين وعسا ربي يهون على كل حامل ويرزق كل متاخره:yaaaaaarb:

 

[bdora]

................

 

[flower q8]

حبيبتي انا والدة هناك ثلاث مرات صراحة اهتمام ورعاية صج اول ولادة الاهتمام فيك اكثر بس هم يظلون يراعونك بعد بالولات الثانية بس لاحظت الولادة الاولى لي غير ............والدكتورة غابريلا تهبل انا كنت اراجع عندها طول فترة حمالي الثاني وحتى صدف انها هي اللي ولدتني وطلبت منها انها تهتم بالخياط ومل قصرت حتى حاولت انها تكون هي اللي تولدني وسرعتلي ولادتي (( لان اهنا حبيبتي ما اولد طبيعي طلق صناعي دايما فاكون بالشهر العاشر ومداومة كل يومين اروح لهم ))فما قصرت حطت لي تحاميل الطلق واشرفت بنفسها على الولادة قبل لا يخلص شفتها ...
انا هذا كل اللي عندي وان شاء الله البنات يفيدونك اكثر

 

[دلوعة المطران]

للرررررررررررررفع

 

[bdora]

فلورحبيبتي وسوناره مظبوط؟؟؟؟
ومشكوره ع الرد
وعساج ع القوه



دلوعه ..مشكوره عالرفع الله يرفع مقدارج

 

[bdora]

...................

 

[نبض قلبوني]

رد : منواللي تراجع في مستشفى الاحمدي وجربت ولادتهم؟؟؟

حبيبتي .. آنا كل ولاداتي بــ مستشفى الأحمدي وكلهم قيصريه مو طبيعي والله عنايتهم وولادتهم رووووووووعه فوق الخيال الصراحه مستحيل أجرب مستشفى ثانيه وبــ النسبه لــ السونار بكل عيالي صح ماإغلطوا ولا مره وأنصحج بــ المراجعه عند الدكتور إسحاق ولا يسري وعندج الدكتورات سناء بورسلي وكرستينا والأروع منهم الدكتوره دينا ماشاءالله عليهم طاقم الدكاتره والممرضات يهبلووووون وآنا أكلمج بحكم إني من 8 سنين وآنا ماأولد إلا عندهم والمراجعات كلها عندهم يعني لا تحاولين إتروحين مستشفى غيره والله نصيحه من أخت لــ أختها ..
وعسى الله يسهل ع الجميع إن شاءالله ..​

 

[نواره 22]

رعاااايتهم تمام التمام عجيبييييين ما شاء الله عليهم كلهم مو بس جبريلا

احلى شئ بجبريلا تعرف جنس الجنين ماشاء الله عليها وحده بوحده

بس اللي ما حبيته ما تخليج على راحتج وتبي تخلص بسرعه بسرعه ما حبيته حسيتها نفسيه ولا البااااااااااااجي عجيبين يسري وفتحي وليد وشبلي ودينا وفي وحده هنديه اهتمام عجيب

 

[الا يامطول صبري]

والله حماتى ومرت اخوى يمدحوووونهم حيل والله يسهل عليج

 

[ام غازي الصواغ]

خواتي اللي ولدوا بمستشفى الاحمدي عادي اي وحدة تولد فيه ولا لازم يكون زوجها يشتغل بالنفط اتمنى تفيدوني بلييييز لا تطنشون حيل ودي اولد فيه بلا عدان بلا بطيخ لوعوا جبدي
ناطرة ردودكم

 

[نواره 22]

ام غازي لازم يكون زوجج يشتغل بالنفط وعندج ملف عندهم

 

[ام غازي الصواغ]

حساااااااااااااااااااااااااااااااااااافة كان ودي اولد فيه

 

[أوكسجين]

الي اعرفه يمدحونه نفس المستشفيات الخاصه

 

[نبض قلبوني]

رد : منواللي تراجع في مستشفى الاحمدي وجربت ولادتهم؟؟؟

أم غازي يــ الغلا .. إذا عندج واسطه إتدشين وجنه العيد آنا أعرف ناس ماتوا إلا يولدون بــ الأحمدي والله إقعدوا يسألون عن كل صغيره وكبيره عن الدكاتره والممرضات والولاده والعنايه والله كل شي ماخلوا شي ماإسألوا عنه بعد ماإحملت وحده منهم والله إنصدمت إنها والده بــ الأحمدي تقول الله يعافي الواسطه .. يعني إذا عندج واسطه سنعه حياج بيشيلونج ع كفوف الراحه .. والأحسن بعد لو كان فيج ولاده وحسيتي إنج خلاص بتولدين ماكو مجال إنج تنطرين بمعنى إذا حسيتي إن الراس بيطلع روحي الأحمدي مايردونج بنت خالتي كان عندها ملف بس عقب ماتزوجت شالوا ملفها لأن زوجها مو بــ الشركه وصارت تصبر ع عمرها من تحس ان الراس بيطلع يت طايره ع المستشفى والله يهون ع الجميع ويرزق كل محروم اللهم آآآآآآآآآآآآآآآمين .​

 

[رفرف]

انا تجربتي عندهم كانت جدا جدا سيئة ..
بس من زمان .. بنتي الحين عمرها 7 سنين اسمالله عليها ..
يمكن تعدلوا مادري .. عموما محد ذمهم غيري .. حتى اهل ريلي واااااايد يمدحونهم لي اليوم ..


سبحان الله واسطتي كان عندها حالة وفاة ودشيت على الله ..
طبعا كنت بجر .. وانا رحمي ما يفتح الا حزة الولادة كلللش يعني طلق حامي بس ما يفتح الا حزة الحزة ..

السسترات زين ما يطقوني .. بس يزففون فيني .. (ترا انا مو من النوع اللي اصرخ بس اون يزفوني يعني شسوي فيني طلق يعور !!)

ولا تكرموا وعطوني كمام او مسكن الا عقب ما الله رحمني ونزل الماي .. ولا كنت افرفر بمكاني طلقي حامي بس علبو مو مفتوحة ما دخلوني ولادة ولا عطوني شي ..

لما بغيت ادخل تكرمون الحمام خلوني بروحي مع ان امي كانت تنطر بره عند الباب ما خلوها تدخل .. ما دخلوها ولا اهمه اللي ساعدوني .. ودخت وطحت وقمت تكرمون ارجع .. بروحي .. حالتي كسيفة بجيت على حالي والله والمذلة اللي انا فيها ..

وقت الولادة عادي عطوني كمام كثر الله خيرهم .. الحسنة الوحيدة
ما خيطوني الا عقب ساعة وشي .. عقب ما يات الدكتورة تتمغط وشبعت نوم .. وبدون بنج .. قمت افرفر جني دياية واصرخ وانا ما صرخت بالولادة ..

الغرفة عمومي .. انا والدة واللي يمي يايينها ريلها وعيالها وزوار وانا بنام وتعبانة .. وطبعا حمام مشترك انا ادخل وريل المرة يدخل وعيالها يدخلون !!
ويدرعمون حريم بلاغة شف ها ولدتي ؟ شيبتي ؟ ودي اكفخهم مو وقتهم ..
قطو بنتي عندي وتفحط وانا ماعرف حتى اشيلها وخياطي يندح ابي بس يطاولوني ماكو مالي امل ..
برضعها ماعرف .. ولا احد طل بويهي .. خدمت روحي بروحي ..

عقبها ولدت بدار الشفا .. ريلي حضر الولادتين ..
بغى يبجي يقول مادري شلون جنيت عليج وخليتج تولدين عندهم اول مرة !!
فرق السما عن الارض ..


مابي اخرعج بس نصيحة يعني بتولدين عندهم حطي واسطة احتياط ..
وترى وايد اعرفهم لي اليوم يولدون عندهم ويمدحونهم .. بس انا اللي حظي كان مو شي وشفت الويل عندهم ..
واذا انتي او ريلج بالنفط الله يعافي التأمين الصحي ولا هالمذلة ..

 

[no0oralq8]

انا اعرف وحدة ولدت عندهم ...بس كانت ولادة يعني فيه طلق وموصلة..فدخولها الطوارئ وولدت مايطردونج
مع انه زوجها موبالنفط..

 

[مس أسد]

أنا جربت الولاده عندهم في بجري مع ان مالي ملف عندهم ولا عندي وااسطه وكان الرحم مفتووح 4 سانتي يعني موو موصلله حييل بس مااردوني الله قاسم أولد عندهم00؟ بس بصرااحه مااحبيت المستشفى كللشش ولدتني الدكتووره سنااء يمكن ضرووف ولاتي صعبه شووي لان راس الياهل مونازل( ولاده مقعديه ) قايلي الهادي عمليه بس بس اهم ولدوني طبيعي وكنت احس بدكتووره وهي تشق وتخيط وااي وااي عذااب صج وتعقدت بعد لان بنتي مرضت في الاربعيين الاتهااب سحاايا واي مرض جااايد وكانو كلا يسالوون الدكااتره وين والدتهاا ؟يمكن ماخذه المكرووب من المستشفى واي صج كرهت هالمستشفى مع ان كل الناس تمدح فيه بس هااذي تجربتي في هامستشفى والله يسهل عليج

 

[المميزه84]

حبيبتي انا كنت اراجع عند غابرييل تهبل نصيحتي خلي مراجعاتج عندهم بس بالتاسع حولي مستشفى خاص

 

[zomby]

رد : منواللي تراجع في مستشفى الاحمدي وجربت ولادتهم؟؟؟

اي الدكتوره غابريلا ولا اروع منها امي تراجع عندها وانشالله بتولد بعد شهرين ادعولها
وسونارها ممتاز مايخطئ دايم صحيح
ورعايتهم زينه
اذا تبين تسوين ربط الدكتور اسحاق ممتاز وعنده خبره
والله يسهل عليكم وعلى مامينا

 

[bdora]

مشكوووورين بنات ماقصرتوا
والله زوجي غثني الا يخليني اولد فيه بس انا مو راضيه لاني كلش مو مقتنعه فيه تعودت ع الخاص

ام غازي لازم لج ملف يكون زوجج موظف بالقطاع النفطي