منهج الرياضيات .... ثالثة ابتدائي

[mrs_sugar]

ms sugar:
بنتج في دسمان؟؟ لانهم اهمه المدرسة الوحيده اللي يعطون الرياضيات بالعربي والانجليزي...والله تعقدوا بعد عمري من هالشغلة!!! انا بعد ولدي بثالثة والله يعيننا على هالمنهج الخايس

لا حبيبتي

بنتي بالرؤية

 

[لوكريسيا]

لوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووول هههههههههههههههههههههههههههههههههههههههههههههههههههههه

نفوش قوووووووووووووووية هههههههههههههههههههههههه

و انا محتاسة معاكم بس بمنهج ثانية

 

[اسرار75]

السلام عليكم والله ياخواتي انا جبت مرشد الرياضيات حق ثالثه وكل الخطا اللي كاتبه ولدي صلحته منه خو شسوي والله تعقدت ماني شاطره بالحساب والمدرسه تقولي ضعيف وقمت احاول ادرس من المرشد علشان افهم

 

[مزيونه 79]

ابله وافية ماعليج امر ابي طريقه الحل ص8 الجدول كتاب ثالثة ابتدائي كراسة التمارين

 

[وافية*]

هلا روزي انشاللة الحين احط الحل

 

[مزيونه 79]

مشكوره ناطرتج

 

[وافية*]

جدول وحدات القيم المكانية:الحل راح اعطيج العمود الاول الاحاد (1و2و3) بعدين العمود الثاني العشرات (1و2و3)وجذية لي اخر شي.
1) تعد قطع الاحاد وتكتبهم(17)
2)تكتب الاسم اللفظي لقطع الاحا هذي وهو (سبعة عشر)
3)17 وحده=7 وحدات و 1عشرة (وهذا الاسم المطول)(لازم تعرف ان ال10 وحدات يعطونا 1 عشرات)

الحين العمود الثاني العشرات:
1)تعد قطع العشرات(16 قطعة من العشرات)واحنا نعرف ان ال10 عشرات تعطينا 1 مئات صح؟اذا راح تكتب رمز العدد 160 مو16 لان عشر عشرات=100 ويبقالنا 6عشرات=60 اذا العدد اهو 160.
2) تكتب الاسم اللفظي(مئة وستون)
3)16 عشرة=6عشرات و1 مئة.


الحين العمود الثالث المئات:
1)تعد المئات وتكتب رمزها (400) هني ماعندنا 10مئات عشان نحولها لواحد الاف بس 4 مئات.
2)أربعمائة الاسم اللفظي.
3)4مئات=40 عشرة.لان المية الوحدة فيها 10 عشرات فتعد بالعشسرات اربع مرات يطلع عدد العشرات=40عشرة.

العمود الاخير الالوف:
1)تعد الاف وتكتب رمز العدد=3000
2)تكتب الاسم اللفظي ثلاثة الالف
3)3الاف=30 مئة لان الاف فية 10 مئات فنعد بالعشرات 3مرات(10مئات و10مئات و10مئات =30 مئة)

وطبعا هذا شرح مع حل موبس الحل عشان تفهمينة وحياج اللة.​

 

[وافية*]

اتنشاللة يكون الشرح مبسط وسهل عاد

 

[مزيونه 79]

مشكوره بعد قلبي

 

[أم عبووووود]

ابله وافيه تسلمين ياعمري

بس ياليت تحطين لنل امتحانات او اوراق عمل للصف الثالث علشان نعرف طريقة الاسئلة بالامتحانات

 

[مزيونه 79]

ماعليج امر اتييبون بالامتحان جذيه اسأله

 

[مزيونه 79]

ابله وافية بالعمود الثاني ولدي حاط 16 الابله حاطة صح

 

[مزيونه 79]

ابلة وافية هل العدد 6000 هو ذاتة 60 عشرة أو 60 مئة

 

[وافية*]

هل العدد 6000 هو ذاتة 60 عشرة او 60 مئة؟؟؟
تعالي نشوف ال60 عشرة يعني شنو وال60 مئة يعني شنو؟؟؟
طبعا البنت لاااااااازم يكون ببالها ان 10 وحدات =1 عشرات و 10 عشرات=1مئات و 10 مئات= 1الاف يعني كل كل عشر قطع من منزلة نضمهم مع بعض ويعطونا قطعة واحد من المنزلة اللي وراها...

الحين 60 عشرة يعني شنو؟؟؟ يعني60 قطعة من قطع العشرات اللي اهي نفس شكل العصاية الطويلة بالكتاب صورتها.
واحنا نعرف ان كل 10 قطع من العشرات تعطينا قطعة واحدة من المئات
ياللة نعد اول 10 عشرات نعدهم يعطونا مئة
ثاني 10 عشرات يعطونا مئة ثانية
ثالث عشر عشرات يعطونا مئة ثالثة
رابع عشر عشرات نعدهم يعطونا مئة رابعة
خامس عشر عشرات يعطونا مئة خامسة وسادس عشر عشرات يعطونا مئة سادسة
يعني ال60 عشرة = 6مئات (تونا عديناهم صح ولا لا؟؟؟) =600(يعني ال60 عشرة ماطلعت تساوي 6000 طلعت تساوي 600)

الحين نروح لل60 مئة ونتاكد
نعد كل عشر مئات مع بعضهم يعطونا الف واحد لان احنا قلنا من قبل ان كل 10 قطع من منزلة تعطينا قطعة واحدة من المنزلة اللي وراها...
ياللة نعد
اول 10 مئات = الف واحدة
ثاني عشر مئات =الف ثانية
ثالث عشر مئات = الف ثالثة
رابع عشر مئات=الف رابعة
خامس عشر مئات=الف خامسة
سادس عشر مئات =الف سادسة
يعني ال60 مئة عديناهم وعطونا 6 الا6 صح ولا لا؟؟؟
اي ان 60 مئة هي نفسها 6000 وهذا هو الحل ولكن بالشرح المفصل
انشاللة تفهمون عاد
شفتو شلون احنا نعاني بتدريس الرياضيات؟؟؟مهما نبسط مايستوعبون الطلبة واللة شي فوق تصورهم احس اللة يعين

 

[وافية*]

ابله وافية بالعمود الثاني ولدي حاط 16 الابله حاطة صح

غلط الابلة دايخة انا اشوف بعض الابلات عندنا ترى موفاهمين مساكين وصج يحلون مع الطالبات غلط ويصلحون
لاحبيبتي العمود الثاني 16 عشرة يعني 160 اذا كاتب ولدج يم ال16 كاتب كلمة عشرة صح بس 16 بروحها غلط بس اهو لازم يكتب 160

 

[وافية*]

اختبارات المهارات ترى كل مدرسة غير وتعتمد على مستوى طلبتها وانا عندي من مدارس ثانية وانشاللة بحطلكم المهارات

 

[قلبي ابيض]

هل العدد 6000 هو ذاتة 60 عشرة او 60 مئة؟؟؟
تعالي نشوف ال60 عشرة يعني شنو وال60 مئة يعني شنو؟؟؟
طبعا البنت لاااااااازم يكون ببالها ان 10 وحدات =1 عشرات و 10 عشرات=1مئات و 10 مئات= 1الاف يعني كل كل عشر قطع من منزلة نضمهم مع بعض ويعطونا قطعة واحد من المنزلة اللي وراها...

الحين 60 عشرة يعني شنو؟؟؟ يعني60 قطعة من قطع العشرات اللي اهي نفس شكل العصاية الطويلة بالكتاب صورتها.
واحنا نعرف ان كل 10 قطع من العشرات تعطينا قطعة واحدة من المئات
ياللة نعد اول 10 عشرات نعدهم يعطونا مئة
ثاني 10 عشرات يعطونا مئة ثانية
ثالث عشر عشرات يعطونا مئة ثالثة
رابع عشر عشرات نعدهم يعطونا مئة رابعة
خامس عشر عشرات يعطونا مئة خامسة وسادس عشر عشرات يعطونا مئة سادسة
يعني ال60 عشرة = 6مئات (تونا عديناهم صح ولا لا؟؟؟) =600(يعني ال60 عشرة ماطلعت تساوي 6000 طلعت تساوي 600)

الحين نروح لل60 مئة ونتاكد
نعد كل عشر مئات مع بعضهم يعطونا الف واحد لان احنا قلنا من قبل ان كل 10 قطع من منزلة تعطينا قطعة واحدة من المنزلة اللي وراها...
ياللة نعد
اول 10 مئات = الف واحدة
ثاني عشر مئات =الف ثانية
ثالث عشر مئات = الف ثالثة
رابع عشر مئات=الف رابعة
خامس عشر مئات=الف خامسة
سادس عشر مئات =الف سادسة
يعني ال60 مئة عديناهم وعطونا 6 الا6 صح ولا لا؟؟؟
اي ان 60 مئة هي نفسها 6000 وهذا هو الحل ولكن بالشرح المفصل
انشاللة تفهمون عاد
شفتو شلون احنا نعاني بتدريس الرياضيات؟؟؟مهما نبسط مايستوعبون الطلبة واللة شي فوق تصورهم احس اللة يعين

مشكورة شرح وافي جزاج الله خير وعساه بميزان حسناتج

 

[مزيونه 79]

واي تعقيد حرام عليهم شنو هذا انا الام تهت اشلون الطلاب
انتي بـاي منطقة تعليمية
ص9 الجدول س10وس11 وس12 س13
ادري زعجتج معاي ابي بي الاجابات اذا مافيها كلافة

 

[وافية*]

انا بالاحمدي التعليمية

 

[وافية*]

حبيبتي 10 و11 و12 مافيهم شي خلي ولدج يحلهم بروحة يقولج اجمع 100 والثاني اطرح 100
روحي للعدد الاول وحوطي منزلة المئات اللي اهي 7 وخلية مرة يزدلها واحد (اجمع 100) ومرة ينقص منها واحد(اطرح 100) وبس

و13 الجواب نعم هي ذاتها والشرح نفس اللي قبل شوي شرحتة لج.