منفصله وداشه على حياة يديدة ، خايفة موت!

[pusy cat]

عادي انا زوجي ليلحين مادري وين يروح ووين يجي لما اسأله مايقولي بالتفصيل يقولي بالشويخ مثلا

ترى كلهم جذي مايسولفون عن مشاويرهم ولا عن دوامهم ولا عن ربعهم مو مثلنا رحت المكان الفلاني ولقيت شغله اعجبتني وبعدين مريت صوب المحل الفلاني ووووو الخ

وسالفة خطيبته هم عادي يمكن ما يبي يذم البنيه وحتى لو سولف لج مستحيل يطلع روحه غلطان

يمكن ما ارتاحو لبعض ترى اسباب الانفصال تافهه خصوصا بفترة الخطبه على شغلات تافهه ينفصلون

الله يوفق رفيجتج وخليها تستخير ومالها شغل الله يدبرها انشالله

 

[توتا الكتكوته]

حبيبتي بس مو تقوم الوحده اتقط نفسها عند أي ريال وعقب تتطلق وترد تتزوج غيره
البنت مو كل يوم لها ريال
يلا انتي تزوجي وتطلقي وتزوجي وتطلقي وهكذا دواليك!
حبيبتي هذا مو حجي ينقال..
كل تجربة أي بنت اتخوضها تخسر من نفسيتها وايد..
الطلاق والزواج مو لعبه
وعجبتني خلج كوول!!

ايه ادري ان تستفيد من تجاربها لو بيدي كل 3 شهور اخلص عده واتزوج

ههههههههههههههه اتغشمر


بس اهي اكيد استفادت من تجربتها تحاول تتجنب الاشياء الغلط اللي بزواجها الاول

وانشاءالله يكون من نصيبها ويكون زين معاها

 

[r0007]

للرفع

بس انا اشوف اذا هو من اولها مو صريح فهذا شي يخوف

 

[شسوي]

توتا لووووول

أكيد استفادت وربي يسمع منج وهم يوفقج

رووح اي يخوف وهذا اللي امخليها متردده

 

[رقـة الاحسـآس]

انا اقول لا تستعيل فالموضوع و تغلط غلطتي
انا تطلقت واللي تزوجته عقب كان مطلق و ما خذت جواب صريح عن سبب الطلاق
ورضيت و خذته واخرتها تطلقت للمره الثانيه !

صح انه الطلاق مب اخر الدنيا وانه ان شاءالله ربي بيعوضها
لكن نحن بشر و نحس ومب كل مره نفسياتنا تسمح نتقبل انه نخوض فهالشي مره ثانيه

خليها تسال زيين ما زين
خل اهلها يسئلون
ولو تروم توصل لزوجته الاوليه خل تكلمها و تسئلها او تسال اهل طليقته

وسالفه انه مب واضح هالشي ما يريح ابد
واذا هو يقولها بقول يوم ازورج
خليها تعامله بنفس الاسلوب ما تعطيه التفاصيل و لو بغا يعرف زود يوم يزورها بتقوله
شو هو لغز يعني بقولج يوم بزورج؟
قول الحين و خل الزياره حق اشيا ثانيه
لا تيبين طاري علاقتج الاولى و احسن ما تخلينه اييب طاريه علاقته هو بعد
حسسو نفسكم انه هذي اول تجربه و استمتعو فيها
بس مثل ما قلت اسئلي زيين و لا تخلين القلب يسيرج
واستخيري قد ما تقدريين
ولو ترومين اطولين الخطوبه يكون احسن لين ترتاحون لبعض قبل لا تملجون

موفقه ان شاءالله

 

[شسوي]

خفايا مو سالفة مستعيلة وسالفة طلاقه اوكي بيقول لها عقب ، بس ان الريال غامض!
واحساسها ان الريال غامض يخرعها

بوسي كات حبيبتي الله يخليلج اياه .. بس بعد اهمه بفترة ضروري يخبرها عن سبب انفصاله!
وضروري ان يكونون صريحين مع بعض بهالفترة خصوصا

رقة الله يعوضج حبيبتي ، ونصيحتج عين العقل وان شاء الله هذا اللي بيصير

 

[رانا ***]

انا اقول لا تستعيل فالموضوع و تغلط غلطتي
انا تطلقت واللي تزوجته عقب كان مطلق و ما خذت جواب صريح عن سبب الطلاق
ورضيت و خذته واخرتها تطلقت للمره الثانيه !

صح انه الطلاق مب اخر الدنيا وانه ان شاءالله ربي بيعوضها
لكن نحن بشر و نحس ومب كل مره نفسياتنا تسمح نتقبل انه نخوض فهالشي مره ثانيه

خليها تسال زيين ما زين
خل اهلها يسئلون
ولو تروم توصل لزوجته الاوليه خل تكلمها و تسئلها او تسال اهل طليقته

وسالفه انه مب واضح هالشي ما يريح ابد
واذا هو يقولها بقول يوم ازورج
خليها تعامله بنفس الاسلوب ما تعطيه التفاصيل و لو بغا يعرف زود يوم يزورها بتقوله
شو هو لغز يعني بقولج يوم بزورج؟
قول الحين و خل الزياره حق اشيا ثانيه
لا تيبين طاري علاقتج الاولى و احسن ما تخلينه اييب طاريه علاقته هو بعد
حسسو نفسكم انه هذي اول تجربه و استمتعو فيها
بس مثل ما قلت اسئلي زيين و لا تخلين القلب يسيرج
واستخيري قد ما تقدريين
ولو ترومين اطولين الخطوبه يكون احسن لين ترتاحون لبعض قبل لا تملجون

موفقه ان شاءالله

اسأل مجرب ولا تسأل طبيب
وفعلا كلامها عين العقل

الله يوفقك رقه ويعوض عليكى
ويوفق صاحبه الموضوع

 

[لولو كـاتي]

بسالج هي قالت له سبب طلاقها ؟؟

اذا قالت له وهو ماقالها لا تسكت له لازم تعرف

والافضل انها تعرف من اهل طليقته طبيعه الانسان مايحب يطلع نفسه غلطان

وترا ابسط كلمه بيقولها ماكنا متفاهمين وممكن علشان يتهرب من الاجابه الصحيحه لانها ضاغطه عليه

وووخليها تستخير ربي باذن الله بيختار لها الخير

ومو شرط كل مره تصلي استخاره مجرد مايطري الموضوع على بالها تدعي الدعاء حق الاستخاره

وتكثر من الدعاء ان كان فيه شر الله يبعده عنها ولا يعلق قلبها فيه ولو فيه خير الله يتمم عليهم

 

[دلوعة أبوهآ]

الاسسستخاره ..

 

[قوية الباس]

بصراحه مالومها تشك وتخاف والمفروض انه يكون صريح معاها لان الاثنين مروا بتجربه

اللي عليها اتخلي شخصيتها قويه وماتتنازل عن اسئلتها ويجاوبها بكل صراحه وتعوده من البدايه الصراحه فوق كل شي


ولاتستعيل توها صغيره والحياة جدامها

 

[سكوتي بذوقي]

خل تستخير

الله يوفقها ويقدم لها اللي فيه الخير

 

[Mrs_Orchidia]

ليش ماتقوله و تصارحه ليش يلف و يدور بالكلام؟
اذا كان مو مسوي شي غلط عادي يقول اهو وينه

بعدين يمكن اهو مايحب يكثر كلام و تفاصيل يحس ان هالشي ينتقص رجولته و شخصيته .. وايد جذي يفكرون
اصلا في رياييل تشوفينهم ما يحبون كلمة وينك موليه
خل تحمد ربها رفيجتج ان يعطيها نص اجابة

ثانيُا اهي لازم ماتوافق عليه اللا اذا عرفت سبب طلاقه الاولي

هذا من حقها اولا و اخيرًا

خلي اهلها يسألون ناس بره ليش طلق .. و خل تطلع منه اجابة غصب
اذا في تناقض بالكلام هذا جذاب بو طير .. خل توخر عنه و الله يرزقها باللي احسن منه

أولا لازم تستخير ربها مرة و مرتين و عشر
ثانًيا اذا ماقال ليش طلق و لا ياز عن حركاته لازم ترفضه .. ماكو شي غصب