السلام عليكم ..
شلونكم بنوتات ؟
أولاً : حابة اسجل إعجابي فيكم وفي منتداكم ، اللي خلنا نسعى حق حياة أفضل مع أزواجنا ، ونتعلم طرق تخلينا نعيش حياة أجمل
ثانياً : مقدماً حابه اشكر كل وحده بتساعدني ، وكل وحده بتدعيلي ولها بالمثل إن شاء الله
ثالثاً : آنه خبرتي بالحياة وبالناس بسيطة ومحدودة لكون احتكاكي فيهم نوعاً ما محدود وقليل ، لذلك ما أحس نفسي قادرة على تقديم نصيحة في الموضوع اللي راح اخبركم عنه وهو موضوع يخص صديقتي
ما أطول عليكم وايد..
اهيه تزوجت من قبل لمدة بسيطة وانفصلت عن هالريال لأن دربه مو سيدا ، اهيه عمرها 22 ، متخرجة من الجامعة..
هالبنت حالياً متقدم لها شخص .... محتاره بأمره!
كـ شكل عادي ، الناس امدحت أخلاقه ، وظيفته زينه ، واهو كان خاطب وانفصل بعد ، وعمره تقريباً 30 سنة
المشكله إن تحسه غامض أو يلف ويدور شوي!
ملاحظة : إحنا في عاداتنا وتقاليدنا إن الريال اللي بيخطب بنت يقعد معاها في بيتهم ويكلمها ويسألها وإذا فيه قبول مبدأي يكلمون بعض بالفون ويتفاهمون ويه بعض..
المهم ..
اهيه حالياً اتكلمه في الفون..
مثلاً يسألها انتي وين ؟ فـ تجاوبه
ومن باب السوالف ترجع اهيه تسأله ..... وانت وين ؟
مايجاوبها يقول لها : أنا بقلبج!
أو مثلاً تسأله انت وين ؟ يقول لها مثلاً بهالمنطقه .. من غير مثلا ما يحدد
يعني احس ان الطبيعي لو اسأل أحد انت وين ؟ يقول لي مثلاً بالمول الفلاني
مو يقول المنطقه ككل..
وثاني شي ..
يرفض يكلمها عن زواجه الاول ! واهيه من حقها تعرف ليش انفصلو عن بعض ، عشان تشوف يمكن منه العيب أو منها أو إن مو متفاهمين.. وتحاول ان تتجنب وياه تكرار نفس الغلط
مع العلم انه راح ايي مره ثانية بيت البنت ويقعدون مع بعض فقال لها أنا راح اخبرج اذا ييت بيتكم..
- البنت وايد مرتبكة وخايفة وماتبي التجربة تتكرر ..
- اتشوفون الامر طبيعي من كلامي لكم عنه ؟
- عطوها اسأله تسألها اياه بحيث تعرف طبيعته واخلاقه من غير ما اهو يدري ؟
:
سوري لآن خليته بهالقسم بس لأنه اكثر زيارة.. وعشان الكل يرد
شلونكم بنوتات ؟
أولاً : حابة اسجل إعجابي فيكم وفي منتداكم ، اللي خلنا نسعى حق حياة أفضل مع أزواجنا ، ونتعلم طرق تخلينا نعيش حياة أجمل
ثانياً : مقدماً حابه اشكر كل وحده بتساعدني ، وكل وحده بتدعيلي ولها بالمثل إن شاء الله
ثالثاً : آنه خبرتي بالحياة وبالناس بسيطة ومحدودة لكون احتكاكي فيهم نوعاً ما محدود وقليل ، لذلك ما أحس نفسي قادرة على تقديم نصيحة في الموضوع اللي راح اخبركم عنه وهو موضوع يخص صديقتي
ما أطول عليكم وايد..
اهيه تزوجت من قبل لمدة بسيطة وانفصلت عن هالريال لأن دربه مو سيدا ، اهيه عمرها 22 ، متخرجة من الجامعة..
هالبنت حالياً متقدم لها شخص .... محتاره بأمره!
كـ شكل عادي ، الناس امدحت أخلاقه ، وظيفته زينه ، واهو كان خاطب وانفصل بعد ، وعمره تقريباً 30 سنة
المشكله إن تحسه غامض أو يلف ويدور شوي!
ملاحظة : إحنا في عاداتنا وتقاليدنا إن الريال اللي بيخطب بنت يقعد معاها في بيتهم ويكلمها ويسألها وإذا فيه قبول مبدأي يكلمون بعض بالفون ويتفاهمون ويه بعض..
المهم ..
اهيه حالياً اتكلمه في الفون..
مثلاً يسألها انتي وين ؟ فـ تجاوبه
ومن باب السوالف ترجع اهيه تسأله ..... وانت وين ؟
مايجاوبها يقول لها : أنا بقلبج!
أو مثلاً تسأله انت وين ؟ يقول لها مثلاً بهالمنطقه .. من غير مثلا ما يحدد
يعني احس ان الطبيعي لو اسأل أحد انت وين ؟ يقول لي مثلاً بالمول الفلاني
مو يقول المنطقه ككل..
وثاني شي ..
يرفض يكلمها عن زواجه الاول ! واهيه من حقها تعرف ليش انفصلو عن بعض ، عشان تشوف يمكن منه العيب أو منها أو إن مو متفاهمين.. وتحاول ان تتجنب وياه تكرار نفس الغلط
مع العلم انه راح ايي مره ثانية بيت البنت ويقعدون مع بعض فقال لها أنا راح اخبرج اذا ييت بيتكم..
- البنت وايد مرتبكة وخايفة وماتبي التجربة تتكرر ..
- اتشوفون الامر طبيعي من كلامي لكم عنه ؟
- عطوها اسأله تسألها اياه بحيث تعرف طبيعته واخلاقه من غير ما اهو يدري ؟
:
سوري لآن خليته بهالقسم بس لأنه اكثر زيارة.. وعشان الكل يرد
اذا عندج كلمة زينه قوليها ماعندج منتي مجبورة تردين!
