منـــو نســــــاتها عالحـــــــــامض ومنو عالحلـــــووووو؟؟؟؟

[الأميرة جوري]

​

خواتى اولا الله يسهل عليكم يارب .....​

في شغله ملاحظتها علي نفسي ......​

اذا نساتي عالحلو>>>برد كاكاو يبت >>>>بنت​

واذا عالحامض من ليمون رمان حامض ملح يبت >>>ولد​

يعني من اول شهر اشك بالنوع ..منونفسي ؟؟؟وهل هالشي يثبت نوع الجنين <<بشوف نظريتي :eh_s(15):صح والالا لووووووول​

 

[شـيـوخـهـ]

بحملي الي قبل بولدي كنت امووت على الجبن الفرنسي

ببنتي ما اذكر اني كنت احب الحلوو اول فتره بس كنت احب الكولا

الحين مادري شنو فيني ليلحين بالبدايه كنت امووت بالفلفل وهم اشتهيت الجبن الفرنسي

واحب الاجار ليلحين بس ليلحين ما ادري شنو

 

[nono-ful]

هذا اول حمال لي وصح نظريتج مشت معاي :d

 

[english muffin]

انا قبل اكره الحامض والحار
الحين طايحة بالبهارات والليمون والحامض
وفيني ولد

 

[توحه1]

شيوخه ولد اذا الله اراد

انا بصبياني جذي وزياده اموت على الموز

 

[FJ style]

شوفي انا كان عندي ٣بنات وكلا بنساتي اكل حلو
رابع حمال تنسيت عالحوامض ليمون تبوله حااامضه ووو
والكل قال لي اكيد ولد
ويبت بنوتة رابعه لووول
فما اعتقد انها صحيحه

 

[مفرفشة ومنعنشة]

اول حمل ما تنسيت بمالح او حلو ويبت بنت

وببنتي الثانية تنسيت بالكاكاو

وبولدي بالملح

وهالمره بالحامض وقالولي بنت

وان شاء الله تكون الدكتورة غلطانه واييب ولد

بس اعتقد النسات مالها علاقة لانه حمله عن حمله نفرق ووحدة عن الثانية بعد تفرق فصعب تخلينها مقياس

 

[برميت]

انا ببجري ..كنت اموت على الجبن الفرنسي و الفراوله و المخللات و ورق العنب ادوره دواره ...احب الحوامض اموت فيها بس كنت عادي اكل كاكاو
و يبت بنت

الحين حامل و نفس الشي اموووت على الحوامض و طايحتله بنك و جبن حامض و ورق عنب ..بس الفرق اني كلش ما اقدر احط قطعه كاكاو حالي بحلجي
اذا شفت الكاكاو جبدي تقلب
والسونار ان شاءالله ولد

 

[فرفشه منعنشه]

في بجري تنسيت باللبن والربيان والسمج ويبت ولد
وفي حملي الثاني نفس الشي ويبت بنت
في الثالث توست خالي وبيض مفيوح من غير ملح ويبت ولد
والرابع حلو وبيبسي وجلي وكل انواع السكريات ومن الاكل الخيار ويبت ولد

يعني ما مشت معاي ههههههههههه
​

 

[ام حمد 85]

انا مثلج بالولد اعشق الليمون والفلفل وبالبنت مااقدر ادذ البيت اذا ريحته طباخ تقلب جبدي وارجع اذا شربت جاي

 

[حرم_الغلا]

أنـــاا بــولدي توحمت علــئ الشــوووربه وفوقهاا ليموون..
ومخلل خيــاار... وذره..

بــس مــلااحظه شغله أغلب اللــي يجيهم حــااارج فيهم ولد.. أنــا ذبحني الحارج ..وجبت ولد.. وبنت خالتي نفسي.. وجابت ولـد... وخالتي ماحست بشي.. وجاات بنت...​

 

[فـراوله]

بالبجر توحمت على زبيدي وجبن وموالح وليمون وجبت ولد ​

وألحين حامل توحمت عالذره وبطاط خل وملح وأشتهي كاكاو وأكله والسونار قالي ولد ​

 

[قلبي خالد]

انا مو ماشيه معاي انا واحامي علي الكيك و الكاكاو و شيرة اللقيمات وفيني ولد

 

[بنت جنيف]

وانا بعد كنت نفسج عبالي النظريه هاذي صح ابنتي كله اتنسي بالحلوووو
وعقبها ولدي كله اشتهي الملح والحوامض والمخللات
وعقبها الحمله الثالثه تنسيت بالحوامض الموالح قلت اكيد فيني ولد نفس نساتي بولدي ويبت بنت
والحين كله اشتهي الحوامض والمح وفيني ولد يعني آخر
٣ حملات كله نفس الشي نساتي

 

[سويت فانيلا]

انامشتهيه زبده مع ملح ماعرف شنو

 

[أم صقر المنصوري]

تصدقون أنا تنسيت على الاثنين
بأول أشهر أبي كل شيء حامض
والاخر الأشهر كل شيء حلووو والكأكاو مااصبر عنه يوم
وفيني ولد
مووشرط ؤالله كل وحده تختلف نسإتها عن الثانية

 

[Sara988]

اعتقد نظرية صحيحة
مشكووووووووووره

 

[tbola]

لووول حته انا نساتي موالح وحوامض<<ان شاء الله ولد

 

[أعشقه]

مو دايم تضبط
اختي تحب الموالح وورق العنب والموالح والكل قال لها ولد وجابت بنت
انا نفس الشي اموت ع الحوامض وورق العنب وجبت بنت والمره الثانيه عادي ماحسيت اني احب الحوامض وعادي اكل كاكاو وجبت ولد مو شرط ترى

 

[طيبة83]

اي صح كلامج

انا كنت احب الحلو

وعصير البرتقال صادني ادمان عليه لي التاسع اشربه

وقريت ان اللي تحب البرتقال فيها بنت